एवम् उक्तस् तु काकुत्स्थं प्रत्युवाच विभीषणः । अह्ना त्वां प्रापयिष्यामि तां पुरीं पार्थिवात्मज ॥
पुष्पकं नाम भद्रं ते विमानं सूर्यसंनिभम् । मम भ्रातुः कुबेरस्य रावणेनाहृतं बलात् ॥
तद् इदं मेघसंकाशं विमानम् इह तिष्ठति । तेन यास्यसि यानेन त्वम् अयोध्यां गजज्वरः ॥
अहं ते यद्य् अनुग्राह्यो यदि स्मरसि मे गुणान् । वस तावद् इह प्राज्ञ यद्य् अस्ति मयि सौहृदम् ॥
लक्ष्मणेन सह भ्रात्रा वैदेह्या चापि भार्यया । अर्चितः सर्वकामैस् त्वं ततो राम गमिष्यसि ॥
प्रीतियुक्तस् तु मे राम ससैन्यः ससुहृद्गणः । सत्क्रियां विहितां तावद् गृहाण त्वं मयोद्यताम् ॥
प्रणयाद् बहुमानाच् च सौहृदेन च राघव । प्रसादयामि प्रेष्यो ऽहं न खल्व् आज्ञापयामि ते ॥
evam uktas tu kākutsthaṃ pratyuvāca vibhīṣaṇaḥ | ahnā tvāṃ prāpayiṣyāmi tāṃ purīṃ pārthivātmaja ||
puṣpakaṃ nāma bhadraṃ te vimānaṃ sūryasaṃnibham | mama bhrātuḥ kuberasya rāvaṇenāhṛtaṃ balāt ||
tad idaṃ meghasaṃkāśaṃ vimānam iha tiṣṭhati | tena yāsyasi yānena tvam ayodhyāṃ gajajvaraḥ ||
ahaṃ te yady anugrāhyo yadi smarasi me guṇān | vasa tāvad iha prājña yady asti mayi sauhṛdam ||
lakṣmaṇena saha bhrātrā vaidehyā cāpi bhāryayā | arcitaḥ sarvakāmais tvaṃ tato rāma gamiṣyasi ||
prītiyuktas tu me rāma sasainyaḥ sasuhṛdgaṇaḥ | satkriyāṃ vihitāṃ tāvad gṛhāṇa tvaṃ mayodyatām ||
praṇayād bahumānāc ca sauhṛdena ca rāghava | prasādayāmi preṣyo 'haṃ na khalv ājñāpayāmi te ||
Так отвеченный, Вибхишана сказал Какутстхе: «Сын царя, я доставлю тебя в тот город за один день. Благо тебе: есть небесная колесница по имени Пушпака, подобная солнцу. Она принадлежала моему брату Кубере и была силой захвачена Раваной. Эта тучеподобная небесная колесница стоит здесь; на ней ты поедешь в Айодхью, о слоновий герой. Если я достоин твоей милости, если ты помнишь мои достоинства, если у тебя есть дружба ко мне, мудрый, поживи пока здесь. Вместе с братом Лакшманой и женой Вайдехи, почтённый всеми желанными дарами, ты затем отправишься, Рама. Рама, ты с войском и кругом друзей доставил мне радость; поэтому прими пока приготовленную мной почесть. Рагхава, из любви, почтения и дружбы я прошу тебя; я твой слуга и вовсе не приказываю тебе».
852094b63003 · published Jun 22, 2026, 12:00:00 AM UTC
Available inRUPage between verses with
Вибхишана просит Раму принять почести не из гордости царя, а из любви слуги и друга. Пушпака становится средством возвращения, но Вибхишана всё ещё хочет послужить лично.