शिरस्य् अञ्जलिम् आदाय कैकेयीनन्दिवर्धनः । बभाषे भरतो ज्येष्ठं रामं सत्यपराक्रमम् ॥
पूजिता मामिका माता दत्तं राज्यम् इदं मम । तद् ददामि पुनस् तुभ्यं यथा त्वम् अददा मम ॥
धुरम् एकाकिना न्यस्ताम् ऋषभेण बलीयसा । किशोरवद् गुरुं भारं न वोढुम् अहम् उत्सहे ॥
वारिवेगेन महता भिन्नः सेतुर् इव क्षरन् । दुर्बन्धनम् इदं मन्ये राज्यच्छिद्रम् असंवृतम् ॥
गतिं खर इवाश्वस्य हंसस्येव च वायसः । नान्वेतुम् उत्सहे देव तव मार्गम् अरिंदम ॥
यथा च रोपितो वृक्षो जातश् चान्तर्निवेशने । महांश् च सुदुरारोहो महास्कन्धः प्रशाखवान् ॥
शीर्येत पुष्पितो भूत्वा न फलानि प्रदर्शयेत् । तस्य नानुभवेद् अर्थं यस्य हेतोः स रोप्यते ॥
एषोपमा महाबाहो त्वम् अर्थं वेत्तुम् अर्हसि । यद्य् अस्मान् मनुजेन्द्र त्वं भक्तान् भृत्यान् न शाधि हि ॥
जगद् अद्याभिषिक्तं त्वाम् अनुपश्यतु सर्वतः । प्रतपन्तम् इवादित्यं मध्याह्ने दीप्ततेजसं ॥
तूर्यसंघातनिर्घोषैः काञ्चीनूपुरनिस्वनैः । मधुरैर् गीतशब्दैश् च प्रतिबुध्यस्व शेष्व च ॥
यावद् आवर्तते चक्रं यावती च वसुंधरा । तावत् त्वम् इह सर्वस्य स्वामित्वम् अभिवर्तय ॥
śirasy añjalim ādāya kaikeyīnandivardhanaḥ | babhāṣe bharato jyeṣṭhaṃ rāmaṃ satyaparākramam ||
pūjitā māmikā mātā dattaṃ rājyam idaṃ mama | tad dadāmi punas tubhyaṃ yathā tvam adadā mama ||
dhuram ekākinā nyastām ṛṣabheṇa balīyasā | kiśoravad guruṃ bhāraṃ na voḍhum aham utsahe ||
vārivegena mahatā bhinnaḥ setur iva kṣaran | durbandhanam idaṃ manye rājyacchidram asaṃvṛtam ||
gatiṃ khara ivāśvasya haṃsasyeva ca vāyasaḥ | nānvetum utsahe deva tava mārgam ariṃdama ||
yathā ca ropito vṛkṣo jātaś cāntarniveśane | mahāṃś ca sudurāroho mahāskandhaḥ praśākhavān ||
śīryeta puṣpito bhūtvā na phalāni pradarśayet | tasya nānubhaved arthaṃ yasya hetoḥ sa ropyate ||
eṣopamā mahābāho tvam arthaṃ vettum arhasi | yady asmān manujendra tvaṃ bhaktān bhṛtyān na śādhi hi ||
jagad adyābhiṣiktaṃ tvām anupaśyatu sarvataḥ | pratapantam ivādityaṃ madhyāhne dīptatejasaṃ ||
tūryasaṃghātanirghoṣaiḥ kāñcīnūpuranisvanaiḥ | madhurair gītaśabdaiś ca pratibudhyasva śeṣva ca ||
yāvad āvartate cakraṃ yāvatī ca vasuṃdharā | tāvat tvam iha sarvasya svāmitvam abhivartaya ||
Бхарата, увеличивающий радость Кайкейи, поднёс сложенные ладони к голове и сказал старшему брату, Раме истинной доблести: «Моя мать была почтена, и это царство было дано мне. Теперь я снова отдаю его тебе, как ты передал его мне. Ношу, возложенную могучим быком, я не способен нести один: я подобен телёнку перед тяжёлым грузом. Эту незакрытую брешь царства я считаю трудно удерживаемой, как разрушенный мост, через который прорывается великий поток воды. Господин, укротитель врагов, я не способен следовать твоему пути, как осёл не может следовать ходу коня, а ворона — ходу лебедя. Если дерево, посаженное внутри двора, вырастет большим, с мощным стволом и ветвями, но, расцветши, засохнет и не даст плодов, никто не получит той пользы, ради которой оно было посажено. Могучерукий, ты должен понять смысл этой притчи: если ты, царь людей, не будешь править нами, твоими преданными слугами, цель не будет достигнута. Пусть сегодня весь мир увидит тебя, помазанного на царство, сияющего со всех сторон, как яркое солнце в полдень. Под грохот музыкальных инструментов, звон поясов и ножных браслетов, под сладкие песни пробуждайся и отдыхай. Пока вращается колесо и пока существует земля, всё это время владычествуй здесь над всеми».
efd86959ac70 · published Jun 22, 2026, 12:00:00 AM UTC
Available inRUPage between verses with
Бхарата не просто отказывается от власти: он показывает, что царство без Рамы теряет плод. Истинная верность не удерживает доверенное ради себя, а возвращает его тому, через кого дхарма может полно проявиться.