दशवर्षसहस्रं तु निराहारो दशाननः । पूर्णे वर्षसहस्रे तु शिरश् चाग्नौ जुहाव सः ॥
एवं वर्षसहस्राणि नव तस्यातिचक्रमुः । शिरांसि नव चाप्य् अस्य प्रविष्टानि हुताशनम् ॥
अथ वर्षसहस्रे तु दशमे दशमं शिरः । छेत्तुकामः स धर्मात्मा प्राप्तश् चात्र पितामहः ॥
पितामहस् तु सुप्रीतः सार्धं देवैर् उपस्थितः । वत्स वत्स दशग्रीव प्रीतो ऽस्मीत्य् अभ्यभाषत ॥
शीघ्रं वरय धर्मज्ञ वरो यस् ते ऽभिकाङ्क्षितः । किं ते कामं करोम्य् अद्य न वृथा ते परिश्रमः ॥
ततो ऽब्रवीद् दशग्रीवः प्रहृष्टेनान्तरात्मना । प्रणम्य शिरसा देवं हर्षगद्गदया गिरा ॥
भगवन् प्राणिनां नित्यं नान्यत्र मरणाद् भयम् । नास्ति मृत्युसमः शत्रुर् अमरत्वम् अतो वृणे ॥
सुपर्णनागयक्षाणां दैत्यदानवरक्षसाम् । अवध्यः स्यां प्रजाध्यक्ष देवतानां च शाश्वतम् ॥
न हि चिन्ता ममान्येषु प्राणिष्व् अमरपूजित । तृणभूता हि मे सर्वे प्राणिनो मानुषादयः ॥
एवम् उक्तस् तु धर्मात्मा दशग्रीवेण रक्षसा । उवाच वचनं राम सह देवैः पितामहः ॥
भविष्यत्य् एवम् एवैतत् तव राक्षसपुंगव । शृणु चापि वचो भूयः प्रीतस्येह शुभं मम ॥
हुतानि यानि शीर्षाणि पूर्वम् अग्नौ त्वयानघ । पुनस् तानि भविष्यन्ति तथैव तव राक्षस ॥
एवं पितामहोक्तस्य दशग्रीवस्य रक्षसः । अग्नौ हुतानि शीर्षाणि यानि तान्य् उत्थितानि वै ॥
daśavarṣasahasraṃ tu nirāhāro daśānanaḥ | pūrṇe varṣasahasre tu śiraś cāgnau juhāva saḥ ||
evaṃ varṣasahasrāṇi nava tasyāticakramuḥ | śirāṃsi nava cāpy asya praviṣṭāni hutāśanam ||
atha varṣasahasre tu daśame daśamaṃ śiraḥ | chettukāmaḥ sa dharmātmā prāptaś cātra pitāmahaḥ ||
pitāmahas tu suprītaḥ sārdhaṃ devair upasthitaḥ | vatsa vatsa daśagrīva prīto 'smīty abhyabhāṣata ||
śīghraṃ varaya dharmajña varo yas te 'bhikāṅkṣitaḥ | kiṃ te kāmaṃ karomy adya na vṛthā te pariśramaḥ ||
tato 'bravīd daśagrīvaḥ prahṛṣṭenāntarātmanā | praṇamya śirasā devaṃ harṣagadgadayā girā ||
bhagavan prāṇināṃ nityaṃ nānyatra maraṇād bhayam | nāsti mṛtyusamaḥ śatrur amaratvam ato vṛṇe ||
suparṇanāgayakṣāṇāṃ daityadānavarakṣasām | avadhyaḥ syāṃ prajādhyakṣa devatānāṃ ca śāśvatam ||
na hi cintā mamānyeṣu prāṇiṣv amarapūjita | tṛṇabhūtā hi me sarve prāṇino mānuṣādayaḥ ||
evam uktas tu dharmātmā daśagrīveṇa rakṣasā | uvāca vacanaṃ rāma saha devaiḥ pitāmahaḥ ||
bhaviṣyaty evam evaitat tava rākṣasapuṃgava | śṛṇu cāpi vaco bhūyaḥ prītasyeha śubhaṃ mama ||
hutāni yāni śīrṣāṇi pūrvam agnau tvayānagha | punas tāni bhaviṣyanti tathaiva tava rākṣasa ||
evaṃ pitāmahoktasya daśagrīvasya rakṣasaḥ | agnau hutāni śīrṣāṇi yāni tāny utthitāni vai ||
Десять тысяч лет Дашанана оставался без пищи, и каждый раз, когда завершалась тысяча лет, он приносил свою голову в огонь. Так у него прошло девять тысяч лет, и девять его голов вошли в жертвенный огонь. Когда в десятом тысячелетии он захотел отрезать десятую голову, туда пришёл Прародитель. Брахма, весьма довольный, явился вместе с богами и сказал: «Дитя, дитя, Дашагрива, я доволен. Скорее выбирай дар, которого желаешь, знаток дхармы. Какое желание исполнить тебе сегодня? Твой труд не напрасен». Тогда Дашагрива, радостный в душе, поклонился богу головой и сказал голосом, прерывающимся от радости: «Почтенный, для существ нет постоянного страха, кроме смерти; нет врага, равного смерти, поэтому я выбираю бессмертие. О владыка существ, пусть я навсегда буду неубиваем для супарнов, нагов, якшей, дайтьев, данавов, ракшасов и божеств. О почитаемый бессмертными, о прочих существах я не тревожусь: все существа, начиная с людей, для меня как травинки». Услышав это от ракшаса Дашагривы, Прародитель вместе с богами сказал, о Рама: «Да будет это именно так для тебя, бык среди ракшасов. И выслушай ещё моё благостное слово, потому что я доволен: те головы, которые ты прежде принёс в огонь, снова будут у тебя, ракшас». Когда Прародитель сказал так, головы Дашагривы, принесённые в огонь, снова поднялись.
0016c8c0d981 · published Jun 22, 2026, 12:00:00 AM UTC
Available inRUPage between verses with
Просьба Дашагривы раскрывает его слепоту: он боится смерти, но презирает людей. Именно это презрение оставляет отверстие для будущего явления Рамы, где высшая сила приходит через человеческую форму и разрушает гордость, не учтённую в расчёте.