दृष्ट्वा प्रणाशं पुत्रस्य रावणेश् चापि विक्रमम् । मातलिं प्राह देवेन्द्रो रथः समुपनीयताम् ॥
स तु दिव्यो महाभीमः सज्ज एव महारथः । उपस्थितो मातलिना वाह्यमानो मनोजवः ॥
ततो मेघा रथे तस्मिंस् तडिद्वन्तो महास्वनाः । अग्रतो वायुचपला गच्छन्तो व्यनदंस् तदा ॥
नानावाद्यानि वाद्यन्त स्तुतयश् च समाहिताः । ननृतुश् चाप्सरःसंघाः प्रयाते वासवे रणम् ॥
रुद्रैर् वसुभिर् आदित्यैः साध्यैश् च समरुद्गणैः । वृतो नानाप्रहरणैर् निर्ययौ त्रिदशाधिपः ॥
निर्गच्छतस् तु शक्रस्य परुषं पवनो ववौ । भास्करो निष्प्रभश् चासीन् महोल्काश् च प्रपेदिरे ॥
एतस्मिन्न् अन्तरे शूरो दशग्रीवः प्रतापवान् । आरुरोह रथं दिव्यं निर्मितं विश्वकर्मणा ॥
पन्नगैः सुमहाकायैर् वेष्टितं लोमहर्षणैः । येषां निश्वासवातेन प्रदीप्तम् इव संयुगम् ॥
दैत्यैर् निशाचरैः शूरै रथः संपरिवारितः । समराभिमुखो दिव्यो महेन्द्रम् अभिवर्तत ॥
पुत्रं तं वारयित्वासौ स्वयम् एव व्यवस्थितः । सो ऽपि युद्धाद् विनिष्क्रम्य रावणिः समुपाविशत् ॥
dṛṣṭvā praṇāśaṃ putrasya rāvaṇeś cāpi vikramam | mātaliṃ prāha devendro rathaḥ samupanīyatām ||
sa tu divyo mahābhīmaḥ sajja eva mahārathaḥ | upasthito mātalinā vāhyamāno manojavaḥ ||
tato meghā rathe tasmiṃs taḍidvanto mahāsvanāḥ | agrato vāyucapalā gacchanto vyanadaṃs tadā ||
nānāvādyāni vādyanta stutayaś ca samāhitāḥ | nanṛtuś cāpsaraḥsaṃghāḥ prayāte vāsave raṇam ||
rudrair vasubhir ādityaiḥ sādhyaiś ca samarudgaṇaiḥ | vṛto nānāpraharaṇair niryayau tridaśādhipaḥ ||
nirgacchatas tu śakrasya paruṣaṃ pavano vavau | bhāskaro niṣprabhaś cāsīn maholkāś ca prapedire ||
etasminn antare śūro daśagrīvaḥ pratāpavān | āruroha rathaṃ divyaṃ nirmitaṃ viśvakarmaṇā ||
pannagaiḥ sumahākāyair veṣṭitaṃ lomaharṣaṇaiḥ | yeṣāṃ niśvāsavātena pradīptam iva saṃyugam ||
daityair niśācaraiḥ śūrai rathaḥ saṃparivāritaḥ | samarābhimukho divyo mahendram abhivartata ||
putraṃ taṃ vārayitvāsau svayam eva vyavasthitaḥ | so 'pi yuddhād viniṣkramya rāvaṇiḥ samupāviśat ||
Увидев исчезновение сына и доблесть сына Раваны, Деваиндра сказал Матали: «Пусть подведут колесницу». И эта божественная, весьма страшная великая колесница, уже готовая, была подведена Матали; она двигалась со скоростью мысли. Тогда впереди этой колесницы шли облака с молниями, громогласные и быстрые как ветер, и гремели. Зазвучали разные инструменты и сосредоточенные гимны; сонмы апсар танцевали, когда Васава выступал на бой. Окружённый Рудрами, Васу, Адитьями, Садхьями и сонмами Марутов, с разным оружием вышел владыка тридцати богов. Но когда Шакра выходил, подул резкий ветер, солнце померкло, и великие метеоры стали падать. В это время могучий герой Десятишеий взошёл на божественную колесницу, созданную Вишвакарманом. Она была обвита огромными змеями, от которых волосы вставали дыбом; от ветра их дыхания битва казалась воспламенённой. Окружённая героическими дайтьями и ночными странниками, эта божественная колесница, обращённая к бою, двинулась на Махендру. Равана остановил своего сына и сам занял место в битве; а Равани вышел из боя и сел.
081c073c7087 · published Jun 22, 2026, 12:00:00 AM UTC
Available inRUPage between verses with
Индра выходит с полным небесным сопровождением, но дурные знамения показывают тяжесть момента. Равана, остановив сына, сам принимает центральное противостояние с владыкой богов.