तस्मिंस् तु पतिते बाले वज्रताडनविह्वले । चुक्रोधेन्द्राय पवनः प्रजानाम् अशिवाय च ॥
विण्मूत्राशयम् आवृत्य प्रजास्व् अन्तर्गतः प्रभुः । रुरोध सर्वभूतानि यथा वर्षाणि वासवः ॥
वायुप्रकोपाद् भूतानि निरुच्छ्वासानि सर्वतः । संधिभिर् भज्यमानानि काष्ठभूतानि जज्ञिरे ॥
निःस्वधं निर्वषट्कारं निष्क्रियं धर्मवर्जितम् । वायुप्रकोपात् त्रैलोक्यं निरयस्थम् इवाबभौ ॥
ततः प्रजाः सगन्धर्वाः सदेवासुरमानुषाः । प्रजापतिं समाधावन्न् असुखार्ताः सुखैषिणः ॥
ऊचुः प्राञ्जलयो देवा दरोदरनिभोदराः । त्वया स्म भगवन् सृष्टाः प्रजानाथ चतुर्विधाः ॥
त्वया दत्तो ऽयम् अस्माकम् आयुषः पवनः पतिः । सो ऽस्मान् प्राणेश्वरो भूत्वा कस्माद् एषो ऽद्य सत्तम ॥
रुरोध दुःखं जनयन्न् अन्तःपुर इव स्त्रियः । तस्मात् त्वां शरणं प्राप्ता वायुनोपहता विभो ॥
वायुसंरोधजं दुःखम् इदं नो नुद शत्रुहन् ॥
tasmiṃs tu patite bāle vajratāḍanavihvale | cukrodhendrāya pavanaḥ prajānām aśivāya ca ||
viṇmūtrāśayam āvṛtya prajāsv antargataḥ prabhuḥ | rurodha sarvabhūtāni yathā varṣāṇi vāsavaḥ ||
vāyuprakopād bhūtāni nirucchvāsāni sarvataḥ | saṃdhibhir bhajyamānāni kāṣṭhabhūtāni jajñire ||
niḥsvadhaṃ nirvaṣaṭkāraṃ niṣkriyaṃ dharmavarjitam | vāyuprakopāt trailokyaṃ nirayastham ivābabhau ||
tataḥ prajāḥ sagandharvāḥ sadevāsuramānuṣāḥ | prajāpatiṃ samādhāvann asukhārtāḥ sukhaiṣiṇaḥ ||
ūcuḥ prāñjalayo devā darodaranibhodarāḥ | tvayā sma bhagavan sṛṣṭāḥ prajānātha caturvidhāḥ ||
tvayā datto 'yam asmākam āyuṣaḥ pavanaḥ patiḥ | so 'smān prāṇeśvaro bhūtvā kasmād eṣo 'dya sattama ||
rurodha duḥkhaṃ janayann antaḥpura iva striyaḥ | tasmāt tvāṃ śaraṇaṃ prāptā vāyunopahatā vibho ||
vāyusaṃrodhajaṃ duḥkham idaṃ no nuda śatruhan ||
Когда ребёнок, потрясённый ударом ваджры, упал, Ветер разгневался на Индру, и это стало несчастьем для существ. Владыка Ваю вошёл внутрь существ, покрыл обитель кала и мочи и запер всех живых, как Васава запирает дожди. От гнева Ваю существа повсюду остались без дыхания; суставы их ломались, и они стали подобны дереву. Из-за гнева Ваю три мира оказались без возглашения «свадха», без «вашат», без действий и без дхармы, словно находились в аду. Тогда существа вместе с гандхарвами, богами, асурами и людьми, мучимые страданием и ищущие счастья, прибежали к Праджапати. Боги со сложенными ладонями и впалыми животами сказали: «О досточтимый, о владыка существ, тобой созданы существа четырёх видов. Ты дал нам Ветер как господина жизни. Почему же он, став владыкой дыхания, сегодня запер нас, о лучший, причиняя страдание, словно женщин во внутренних покоях? Поэтому, о владыка, мы, поражённые Ваю, пришли к тебе как к прибежищу. Отгони от нас это страдание, рождённое задержкой ветра, о убийца врагов».
bbf1ead2058a · published Jun 22, 2026, 12:00:00 AM UTC
Available inRUPage between verses with
Гнев Ваю показывает, что жизнь всех существ держится на дыхании. Ранение Ханумана становится событием не частным, а космическим: когда оскорблён носитель праны, весь мир теряет способность действовать и совершать дхарму.