इति गोपीवचः श्रुत्वा रौहिणेयो महाबलः गोपांश् च त्रासविधुरान् विलोक्य स्तिमितेक्षणः ।
नन्दं च दीनम् अत्यर्थं न्यस्तदृष्टिं सुतानने मूर्च्छाकुलां यशोदां च कृष्णमाहात्म्यसंज्ञया ।
किमर्थं देवदेवेश भावो ऽयं मानुषस् त्वया व्यज्यते ऽत्यन्तम् आत्मानं किम् अनन्तं न वेत्सि यत् ।
त्वम् अस्य जगतो नाभिर् अराणाम् इव संश्रयः कर्तापहर्ता पाता च त्रैलोक्ये त्वं त्रयीमयः ।
सेन्द्ररुद्राश्विवसुभिर् आदित्यैर् मरुदग्निभिः चिन्त्यसे त्वम् अचिन्त्यात्मन् समस्तैश् चैव योगिभिः ।
जगत्यर्थे जगन्नाथ भारावतरणेच्छया अवतीर्णो ऽत्र मर्त्येषु तवांशश् चाहम् अग्रजः ।
मनुष्यलीलां भगवन् भजता भवता सुराः विडम्बयन्तस् त्वल्लीलां सर्व एव सदासते ।
अवतार्य भवान् पूर्वं गोकुले ऽत्र सुराङ्गनाः क्रीडार्थम् आत्मनः पश्चाद् अवतीर्णो ऽसि शाश्वत ।
अत्रावतीर्णयोः कृष्ण गोपा एव हि बान्धवाः गोप्यश् च सीदतः कस्मात् त्वं बन्धून् समुपेक्षसे ।
दर्शितो मानुषो भावो दर्शितं बालचापलम् तद् अयं दम्यतां कृष्ण दुष्टात्मा दशनायुधः ।
इति संस्मारितः कृष्णः स्मितभिन्नौष्ठसंपुटः आस्फोट्य मोचयाम् आस स्वदेहं भोगबन्धनात् ।
iti gopīvacaḥ śrutvā rauhiṇeyo mahābalaḥ gopāṃś ca trāsavidhurān vilokya stimitekṣaṇaḥ /
nandaṃ ca dīnam atyarthaṃ nyastadṛṣṭiṃ sutānane mūrcchākulāṃ yaśodāṃ ca kṛṣṇamāhātmyasaṃjñayā /
kimarthaṃ devadeveśa bhāvo 'yaṃ mānuṣas tvayā vyajyate 'tyantam ātmānaṃ kim anantaṃ na vetsi yat /
tvam asya jagato nābhir arāṇām iva saṃśrayaḥ kartāpahartā pātā ca trailokye tvaṃ trayīmayaḥ /
sendrarudrāśvivasubhir ādityair marudagnibhiḥ cintyase tvam acintyātman samastaiś caiva yogibhiḥ /
jagatyarthe jagannātha bhārāvataraṇecchayā avatīrṇo 'tra martyeṣu tavāṃśaś cāham agrajaḥ /
manuṣyalīlāṃ bhagavan bhajatā bhavatā surāḥ viḍambayantas tvallīlāṃ sarva eva sadāsate /
avatārya bhavān pūrvaṃ gokule 'tra surāṅganāḥ krīḍārtham ātmanaḥ paścād avatīrṇo 'si śāśvata /
atrāvatīrṇayoḥ kṛṣṇa gopā eva hi bāndhavāḥ gopyaś ca sīdataḥ kasmāt tvaṃ bandhūn samupekṣase /
darśito mānuṣo bhāvo darśitaṃ bālacāpalam tad ayaṃ damyatāṃ kṛṣṇa duṣṭātmā daśanāyudhaḥ /
iti saṃsmāritaḥ kṛṣṇaḥ smitabhinnauṣṭhasaṃpuṭaḥ āsphoṭya mocayām āsa svadehaṃ bhogabandhanāt /
Услышав это слово пастушек и увидев с неподвижным взором пастухов, изнемогших от ужаса,
и Нанду, крайне жалкого, с устремлённым на лицо сына взором, и Яшоду, охваченную обмороком, — весьма сильный сын Рохини знаком напомнил о величии Кришны:
«Зачем, о владыка богов богов, являемо тобою это человеческое состояние? Разве не знаешь ты себя крайне бесконечным?
Ты — ступица этого мира, опора его, как спиц; творец, уносящий и хранитель в трёх мирах, состоящий из трёх вед.
Ты мыслим Индрой, Рудрою, Ашвинами, васу, адитьями, марутами и огнями, о немыслимый существом, и всеми йогинами.
Ради мира, о владыка мира, желанием снять бремя, нисшёл ты сюда, к смертным; и я, твоя часть, — старший брат.
А тебе, о владыка, принявшему человеческую игру, боги все всегда подражают, о владыка, повторяя твою игру.
Прежде низведя сюда, в Гокулу, божественных жён ради своей игры, потом нисшёл ты сам, о вечный.
У нас, нисшедших сюда, о Кришна, пастухи и пастушки и суть родня; отчего же оставляешь ты без внимания изнемогающих родных?
Явлено человеческое состояние, явлено детское непостоянство; потому да будет обуздан этот злодей, чьё оружие зубы, о Кришна.»
Так напомненный, Кришна, чьи сомкнутые губы раскрылись улыбкою, хлопнув, освободил своё тело из уз колец.
eaf4360ab049 · published Aug 22, 2026, 7:58:23 AM UTC
Available inRUPage between verses with
Балараме приходится напоминать брату, кто он такой, — и это здесь не первый раз.
Замечено при этом, что подвигло его к речи: не опасность, а лица. Пастухи оцепенели, Нанда смотрит на сына, Яшода в обмороке. Из-за них он и заговорил.
Довод его тоже не богословский, а семейный: «отчего ты оставляешь без внимания изнемогающих родных?» Пастухи названы роднёю — и им, нисшедшим, других родных здесь нет.
Сказано и о самой игре с редкой прямотой: «явлено человеческое состояние, явлено детское непостоянство» — то есть довольно, наигрался.
А ответ дан улыбкою и хлопком. Ни слова возражения: он и вправду забылся в игре, и напоминание принял с той же весёлостью, с какою играл.