यन् मा वदसि युद्धार्थे देवराज वरप्रद एष वर्षामि शिशिरं दैत्यमायापकर्षणम् ॥
एतान् मच्छीतनिर्दग्धान् पश्यस्व हिमवेष्टितान् विमायान् विमदांश् चैव दैत्यसंघान् महाहवे ॥
ततो हिमकरोत्सृष्टाः सबाष्पा हिमवृष्टयः वेष्टयन्ति स्म तान् घोरान् दैत्यान् मेघगणा इव ॥
तौ पाशशुक्लांशुधरौ वरुणेन्दू महारणे जघ्नतुर् हिमपातैश् च पाशपातैश् च दानवान् ॥
द्वाव् अम्बुनाथौ समरे तौ पाशहिमयोधिनौ मृधे चेरतुर् अम्भोभिः क्षुब्धाव् इव महार्णवौ ॥
ताभ्याम् आप्लावितं सैन्यं तद् दानवम् अदृश्यत जगत्संवर्तकाम्भोदैः प्रवृत्तैर् इव संवृतम् ॥
ताव् उद्यतांशुपाशौ तु शशाङ्कवरुणाव् उभौ तां मायां शमयाम् आस्तां देवौ दैतेयनिर्मिताम् ॥
शीतांशुजलनिर्दग्धाः पाशैश् च प्रसिता मृधे न शेकुश् चलितुं दैत्या विशिरस्का इवाद्रयः ॥
शीतांशुनिहतास् ते तु पेतुर् दैत्या हिमार्दिताः हिमप्लावितसर्वाङ्गा निरुष्माण इवाग्रयः ॥
तेषां तु दिवि दैत्यानां विपरीतप्रभाणि ह विमानानि विचित्राणि प्रपतन्त्य् उत्पतन्ति च ॥
yan mā vadasi yuddhārthe devarāja varaprada eṣa varṣāmi śiśiraṃ daityamāyāpakarṣaṇam ||
etān macchītanirdagdhān paśyasva himaveṣṭitān vimāyān vimadāṃś caiva daityasaṃghān mahāhave ||
tato himakarotsṛṣṭāḥ sabāṣpā himavṛṣṭayaḥ veṣṭayanti sma tān ghorān daityān meghagaṇā iva ||
tau pāśaśuklāṃśudharau varuṇendū mahāraṇe jaghnatur himapātaiś ca pāśapātaiś ca dānavān ||
dvāv ambunāthau samare tau pāśahimayodhinau mṛdhe ceratur ambhobhiḥ kṣubdhāv iva mahārṇavau ||
tābhyām āplāvitaṃ sainyaṃ tad dānavam adṛśyata jagatsaṃvartakāmbhodaiḥ pravṛttair iva saṃvṛtam ||
tāv udyatāṃśupāśau tu śaśāṅkavaruṇāv ubhau tāṃ māyāṃ śamayām āstāṃ devau daiteyanirmitām ||
śītāṃśujalanirdagdhāḥ pāśaiś ca prasitā mṛdhe na śekuś calituṃ daityā viśiraskā ivādrayaḥ ||
śītāṃśunihatās te tu petur daityā himārditāḥ himaplāvitasarvāṅgā niruṣmāṇa ivāgrayaḥ ||
teṣāṃ tu divi daityānāṃ viparītaprabhāṇi ha vimānāni vicitrāṇi prapatanty utpatanti ca ||
Сома сказал: «Раз ты, о царь богов и дарователь благ, велишь мне ради битвы, вот я проливаю прохладу, удаляющую майю дайтьев. Смотри: эти сонмы дайтьев в великом сражении будут опалены моим холодом, покрыты снегом, лишены чар и гордыни». Затем лунные снежные ливни, полные пара, окружили страшных демонов, словно скопления облаков. Варуна с петлёй и Инду с белыми лучами, два владыки вод, сражавшиеся арканом и снегом, поражали данавов в великой битве ледяными потоками и ударами петель; в бою они двигались водами, словно два взволнованных океана. Затопленное ими войско данавов казалось покрытым тучами конца мира. Шашанка и Варуна, подняв лучи и петли, усмиряли майю, созданную дайтьями. Опалённые водой холодных лучей и связанные в бою арканами, демоны не могли двигаться, словно горы без вершин. Поражённые Луной и мучимые снегом, дайтьи падали; их тела, залитые льдом, были как огни без жара. Их чудесные небесные колесницы с изменившимся сиянием падали и взлетали в небе.
e729e2188aa7 · publicado 22 jun 2026, 3:30:58 UTC
Disponible enRUPasa de verso en verso con
Ответ Сомы действует через охлаждение и лишение опьянения. Демоническая сила теряет подвижность, когда из неё изымаются жар, гордыня и иллюзорная самоуверенность.