बलं तु बलदेवस्य तदा भुवि जना विदुः तयोः प्रवृत्तयोर् एवं कृष्णस्य च बलस्य च वने विचरतोर् मासौ व्यतियातौ स्म वार्षिकौ ॥
व्रजम् आजग्मतुस् तौ तु व्रजे शुश्रुवतुस् तदा प्राप्तं शक्रमहं वीरौ गोपांश् चोत्सवलालसान् ॥
कौतूहलाद् इदं वाक्यं कृष्णः प्रोवाच तत्र वै को ऽयं शक्रमहो नाम येन वो हर्ष आगतः ॥
तत्र वृद्धतमस् त्व् एको गोपो वाक्यम् उवाच ह श्रूयतां तात शक्रस्य यदर्थं मह इष्यते ॥
देवानाम् ईश्वरः शक्रो मेघानां चारिसूदन तस्य चायं क्रतुः कृष्ण लोकपालस्य शाश्वतः ॥
तेन संचोदिता मेघास् तस्यायुधविभूषिताः तस्यैवाज्ञाकराः सस्यं जनयन्ति नवाम्बुभिः ॥
मेघस्य पयसो दाता पुरुहूतः पुरंदरः संप्रहृष्टः स भगवान् प्रीणयत्य् अखिलं जगत् ॥
तेन संपादितं सस्यं वयम् अन्ये च मानवाः वर्तयामोपभुज्जानास् तर्पयामश् च देवताः ॥
देवो वर्षति लोकेषु ततः सस्यं प्रवर्तते पृथिव्यां तर्पितायां च सामृतं लक्ष्यते जगत् ॥
क्षीरवत्य इमा गावो वत्सवत्यश् च निर्वृताः तेन संवर्धिता गावस् तृणैः पुष्टाः सपुंगवाः ॥
नासस्या नातृणा गावो न बुभुक्षार्दितो जनः दृश्यते यत्र दृश्यन्ते वृष्टिमन्तो बलाहकाः ॥
दुदोह सवितुर् गा वै शक्रो दिव्याः पयस्वलाः ताः क्षरन्ति नवं क्षीरं मेध्यं मेघौघधारितम् ॥
वाय्वीरितं तु मेघेषु करोति निनदं महत् जवेनावर्जितं चैव गर्जतीति जना विदुः ॥
तस्य चैवोह्यमानस्य वातयुक्तैर् बलाहकैः वज्राशनिसमाः शब्दा भवन्त्य् अगमभेदिनः ॥
तज् जलं वज्रनिष्पेषैर् विमुञ्चति नभोगतम् बहुभिः कामगैर् मेघैः शक्रो भृत्यैर् इवेश्वरः ॥
क्वचिद् दुर्दिनसंकाशैः क्वचिच् छन्नाभ्रसंस्थितैः क्वचिच् छीकरमुक्ताभं कुर्वद्भिर् गगनं घनैः ॥
एवम् एतत् पयो दुग्धं गोभिः सूर्यस्य वारिदः पर्जन्यः सर्वलोकानां भवाय भुवि वर्षति ॥
तस्मात् प्रावृषि राजानः सर्वे शक्रं मुदा युताः महैः सुरेशम् अर्चन्ति वयम् अन्ये च मानवाः ॥
गोपवृद्धस्य वचनं श्रुत्वा शक्रपरिग्रहे प्रभावज्ञो ऽपि शक्रस्य वाक्यं दामोदरो ऽब्रवीत् ॥
balaṃ tu baladevasya tadā bhuvi janā viduḥ tayoḥ pravṛttayor evaṃ kṛṣṇasya ca balasya ca vane vicarator māsau vyatiyātau sma vārṣikau ||
vrajam ājagmatus tau tu vraje śuśruvatus tadā prāptaṃ śakramahaṃ vīrau gopāṃś cotsavalālasān ||
kautūhalād idaṃ vākyaṃ kṛṣṇaḥ provāca tatra vai ko 'yaṃ śakramaho nāma yena vo harṣa āgataḥ ||
tatra vṛddhatamas tv eko gopo vākyam uvāca ha śrūyatāṃ tāta śakrasya yadarthaṃ maha iṣyate ||
devānām īśvaraḥ śakro meghānāṃ cārisūdana tasya cāyaṃ kratuḥ kṛṣṇa lokapālasya śāśvataḥ ||
tena saṃcoditā meghās tasyāyudhavibhūṣitāḥ tasyaivājñākarāḥ sasyaṃ janayanti navāmbubhiḥ ||
meghasya payaso dātā puruhūtaḥ puraṃdaraḥ saṃprahṛṣṭaḥ sa bhagavān prīṇayaty akhilaṃ jagat ||
tena saṃpāditaṃ sasyaṃ vayam anye ca mānavāḥ vartayāmopabhujjānās tarpayāmaś ca devatāḥ ||
devo varṣati lokeṣu tataḥ sasyaṃ pravartate pṛthivyāṃ tarpitāyāṃ ca sāmṛtaṃ lakṣyate jagat ||
kṣīravatya imā gāvo vatsavatyaś ca nirvṛtāḥ tena saṃvardhitā gāvas tṛṇaiḥ puṣṭāḥ sapuṃgavāḥ ||
nāsasyā nātṛṇā gāvo na bubhukṣārdito janaḥ dṛśyate yatra dṛśyante vṛṣṭimanto balāhakāḥ ||
dudoha savitur gā vai śakro divyāḥ payasvalāḥ tāḥ kṣaranti navaṃ kṣīraṃ medhyaṃ meghaughadhāritam ||
vāyvīritaṃ tu megheṣu karoti ninadaṃ mahat javenāvarjitaṃ caiva garjatīti janā viduḥ ||
tasya caivohyamānasya vātayuktair balāhakaiḥ vajrāśanisamāḥ śabdā bhavanty agamabhedinaḥ ||
taj jalaṃ vajraniṣpeṣair vimuñcati nabhogatam bahubhiḥ kāmagair meghaiḥ śakro bhṛtyair iveśvaraḥ ||
kvacid durdinasaṃkāśaiḥ kvacic channābhrasaṃsthitaiḥ kvacic chīkaramuktābhaṃ kurvadbhir gaganaṃ ghanaiḥ ||
evam etat payo dugdhaṃ gobhiḥ sūryasya vāridaḥ parjanyaḥ sarvalokānāṃ bhavāya bhuvi varṣati ||
tasmāt prāvṛṣi rājānaḥ sarve śakraṃ mudā yutāḥ mahaiḥ sureśam arcanti vayam anye ca mānavāḥ ||
gopavṛddhasya vacanaṃ śrutvā śakraparigrahe prabhāvajño 'pi śakrasya vākyaṃ dāmodaro 'bravīt ||
Вайшампаяна сказал: Тогда люди на земле узнали силу Баладевы. Пока Кришна и Баларама так действовали и ходили по лесу, прошли два месяца сезона дождей. Затем оба героя пришли во Врадж и услышали, что наступил праздник Индры, а пастухи жаждут торжества. Из любопытства Кришна спросил: «Что это за праздник Индры, от которого вы так радуетесь?» Тогда один старейший пастух сказал: «Слушай, дитя, ради чего желают праздника Индры. Индра — владыка богов и облаков, губитель врагов; этот вечный обряд, о Кришна, принадлежит ему как хранителю мира. Побуждённые им облака, украшенные его оружием и исполняющие его приказ, новыми водами рождают злак. Пурухута, Пурандара, дающий воду облакам, когда доволен, радует весь мир. Зерном, произведённым им, мы и другие люди живём, вкушая его, и удовлетворяем божества. Бог посылает дождь в мирах, оттого растёт злак; когда земля насыщена, мир кажется полным нектара. Эти коровы полны молока, довольны своими телятами; Индрой взращённые, они питаются травами вместе с быками. Там, где видны дождевые облака, коровы не лишены злака и травы, а люди не мучатся голодом. Индра выдоил небесных молочных коров Солнца, и они источают свежее чистое молоко, удержанное множеством облаков. Гонимое ветром в облаках, оно производит великий грохот; когда оно сгибается от силы, люди называют это громом. Когда вода несётся в облаках, соединённых с ветром, возникают звуки, подобные молнии и грому, раскалывающие горы. Индра ударами молнии выпускает эту небесную воду через множество облаков, движущихся по желанию, как владыка через своих слуг. Облака то подобны пасмурному дню, то стоят как скрытые тучи, то делают небо похожим на жемчужные брызги. Так Парджанья, податель воды, проливает на землю ради блага всех миров это молоко, выдоенное коровами Солнца. Поэтому в сезон дождей все цари, полные радости, праздниками почитают Индру, владыку богов, и мы, как и другие люди, делаем то же». Услышав слова старого пастуха о почитании Индры, Дамодара, хотя и знал могущество Индры, ответил.
d007dc24ecce · publicado 22 jun 2026, 3:44:10 UTC
Disponible enRUPasa de verso en verso con
Старший пастух излагает обычную земную логику: дождь даёт зерно, зерно кормит людей и коров, поэтому Индра заслуживает праздника. Текст честно показывает силу этой традиции, чтобы ответ Кришны прозвучал как сознательный поворот, а не как незнание обряда.