गुरुं सांदीपनिं कृष्णः कृतकृत्यो ऽभ्यभाषत गुर्वर्थं किं ददानीति रामेण सह भारत ॥
तयोः प्रभावं स ज्ञात्वा गुरुः प्रोवाच हृष्टवत् पुत्रम् इच्छाम्य् अहं दत्तं यो मृतो लवणाम्भसि ॥
पुत्र एको हि मे जातः स चापि तिमिना हृतः प्रभासे तीर्थयात्रायां तं मे त्वं पुनर् आनय ॥
तथेत्य् एवाब्रवीत् कृष्णो रामस्यानुमते स्थितः गत्वा समुद्रं तेजस्वी विवेशान्तर्जलं हरिः ॥
समुद्रः प्राञ्जलिर् भूत्वा दर्शयाम् आस तं तदा तम् आह कृष्णः क्वासौ भोः पुत्रः सांदीपनेर् इति ॥
समुद्रस् तम् उवाचेदं दैत्यः पञ्चजनो महान् तिमिरूपेण तं बालं ग्रस्तवान् इति माधव ॥
स पञ्चजनम् आसाद्य जघान पुरुषोत्तमः न चाससाद तं बालं गुरुपुत्रं तदाच्युतः ॥
स तु पञ्चजनं हत्वा शङ्खं लेभे जनार्दनः यः स देवमनुष्येषु पाञ्चजन्य इति श्रुतः ॥
guruṃ sāṃdīpaniṃ kṛṣṇaḥ kṛtakṛtyo 'bhyabhāṣata gurvarthaṃ kiṃ dadānīti rāmeṇa saha bhārata ||
tayoḥ prabhāvaṃ sa jñātvā guruḥ provāca hṛṣṭavat putram icchāmy ahaṃ dattaṃ yo mṛto lavaṇāmbhasi ||
putra eko hi me jātaḥ sa cāpi timinā hṛtaḥ prabhāse tīrthayātrāyāṃ taṃ me tvaṃ punar ānaya ||
tathety evābravīt kṛṣṇo rāmasyānumate sthitaḥ gatvā samudraṃ tejasvī viveśāntarjalaṃ hariḥ ||
samudraḥ prāñjalir bhūtvā darśayām āsa taṃ tadā tam āha kṛṣṇaḥ kvāsau bhoḥ putraḥ sāṃdīpaner iti ||
samudras tam uvācedaṃ daityaḥ pañcajano mahān timirūpeṇa taṃ bālaṃ grastavān iti mādhava ||
sa pañcajanam āsādya jaghāna puruṣottamaḥ na cāsasāda taṃ bālaṃ guruputraṃ tadācyutaḥ ||
sa tu pañcajanaṃ hatvā śaṅkhaṃ lebhe janārdanaḥ yaḥ sa devamanuṣyeṣu pāñcajanya iti śrutaḥ ||
О Бхарата, исполнив долг ученика, Кришна вместе с Рамой обратился к учителю Сандипани: «Что нам дать для пользы учителя?» Узнав их могущество, наставник радостно сказал: «Я хочу, чтобы мне был возвращён сын, погибший в солёном море. У меня родился один сын, и его унёс морской зверь во время паломничества в Прабхасе. Верни его мне». Кришна, с согласия Рамы, сказал: «Да будет так». Сияющий Хари пошёл к океану и вошёл в воды. Океан, сложив ладони, явился ему, и Кришна спросил: «О почтенный, где сын Сандипани?» Океан ответил: «О Мадхава, великий дайтья Панчаджана, приняв образ тимина, проглотил того мальчика». Достигнув Панчаджаны, Пурушоттама убил его, но тогда Ачьюта не нашёл сына учителя. Убив Панчаджану, Джанардана обрёл раковину, которая среди богов и людей известна как Панчаджанья.
6cb12b878ee8 · publicado 22 jun 2026, 4:13:09 UTC
Disponible enRUPasa de verso en verso con
Гуру-дакшина становится не формальной платой, а подвигом милости. Кришна спускается в воды, побеждает демона и получает Панчаджанью, но продолжает искать сына учителя, пока просьба не будет исполнена полностью.