ततो महीधरं जग्मुर् धर्मज्ञेनाभिसत्कृतम् ॥
राजर्षिणा पुण्यकृता गयेनानुपमद्युते ॥
सरो गयशिरो यत्र पुण्या चैव महानदी ॥
ऋषिजुष्टं सुपुण्यं तत् तीर्थं ब्रह्मसरोत्तमम् ॥
अगस्त्यो भगवान् यत्र गतो वैवस्वतं प्रति ॥
उवास च स्वयं यत्र धर्मो राजन् सनातनः ॥
सर्वासां सरितां चैव समुद्भेदो विशां पते ॥
यत्र संनिहितो नित्यं महादेवः पिनाकधृक् ॥
तत्र ते पाण्डवा वीराश् चातुर्मास्यैस् तदेजिरे ॥
ऋषियज्ञेन महता यत्राक्षयवटो महान् ॥
ब्राह्मणास् तत्र शतशः समाजग्मुस् तपोधनाः ॥
चातुर्मास्येनायजन्त आर्षेण विधिना तदा ॥
तत्र विद्यातपोनित्या ब्राह्मणा वेदपारगाः ॥
कथाः प्रचक्रिरे पुण्याः सदसिस्था महात्मनाम् ॥
तत्र विद्याव्रतस्नातः कौमारं व्रतम् आस्थितः ॥
शमठो ऽकथयद् राजन्न् आमूर्तरयसं गयम् ॥
अमूर्तरयसः पुत्रो गयो राजर्षिसत्तमः ॥
पुण्यानि यस्य कर्माणि तानि मे शृणु भारत ॥
यस्य यज्ञो बभूवेह बह्वन्नो बहुदक्षिणः ॥
यत्रान्नपर्वता राजञ् शतशो ऽथ सहस्रशः ॥
घृतकुल्याश् च दध्नश् च नद्यो बहुशतास् तथा ॥
व्यञ्जनानां प्रवाहाश् च महार्हाणां सहस्रशः ॥
अहन्य् अहनि चाप्य् एतद् याचतां संप्रदीयते ॥
अन्यत् तु ब्राह्मणा राजन् भुञ्जते ऽन्नं सुसंस्कृतम् ॥
तत्र वै दक्षिणाकाले ब्रह्मघोषो दिवं गतः ॥
न स्म प्रज्ञायते किं चिद् ब्रह्मशब्देन भारत ॥
पुण्येन चरता राजन् भूर् दिशः खं नभस् तथा ॥
आपूर्णम् आसीच् छब्देन तद् अप्य् आसीन् महाद्भुतम् ॥
तत्र स्म गाथा गायन्ति मनुष्या भरतर्षभ ॥
अन्नपानैः शुभैस् तृप्ता देशे देशे सुवर्चसः ॥
गयस्य यज्ञे के त्व् अद्य प्राणिनो भोक्तुम् ईप्सवः ॥
यत्र भोजनशिष्टस्य पर्वताः पञ्चविंशतिः ॥
न स्म पूर्वे जनाश् चक्रुर् न करिष्यन्ति चापरे ॥
गयो यद् अकरोद् यज्ञे राजर्षिर् अमितद्युतिः ॥
कथं नु देवा हविषा गयेन परितर्पिताः ॥
पुनः शक्ष्यन्त्य् उपादातुम् अन्यैर् दत्तानि कानि चित् ॥
एवंविधाः सुबहवस् तस्य यज्ञे महात्मनः ॥
बभूवुर् अस्य सरसः समीपे कुरुनन्दन ॥
tato mahīdharaṃ jagmur dharmajñenābhisatkṛtam ||
rājarṣiṇā puṇyakṛtā gayenānupamadyute ||
saro gayaśiro yatra puṇyā caiva mahānadī ||
ṛṣijuṣṭaṃ supuṇyaṃ tat tīrthaṃ brahmasarottamam ||
agastyo bhagavān yatra gato vaivasvataṃ prati ||
uvāsa ca svayaṃ yatra dharmo rājan sanātanaḥ ||
sarvāsāṃ saritāṃ caiva samudbhedo viśāṃ pate ||
yatra saṃnihito nityaṃ mahādevaḥ pinākadhṛk ||
tatra te pāṇḍavā vīrāś cāturmāsyais tadejire ||
ṛṣiyajñena mahatā yatrākṣayavaṭo mahān ||
brāhmaṇās tatra śataśaḥ samājagmus tapodhanāḥ ||
cāturmāsyenāyajanta ārṣeṇa vidhinā tadā ||
tatra vidyātaponityā brāhmaṇā vedapāragāḥ ||
kathāḥ pracakrire puṇyāḥ sadasisthā mahātmanām ||
tatra vidyāvratasnātaḥ kaumāraṃ vratam āsthitaḥ ||
śamaṭho 'kathayad rājann āmūrtarayasaṃ gayam ||
amūrtarayasaḥ putro gayo rājarṣisattamaḥ ||
puṇyāni yasya karmāṇi tāni me śṛṇu bhārata ||
yasya yajño babhūveha bahvanno bahudakṣiṇaḥ ||
yatrānnaparvatā rājañ śataśo 'tha sahasraśaḥ ||
ghṛtakulyāś ca dadhnaś ca nadyo bahuśatās tathā ||
vyañjanānāṃ pravāhāś ca mahārhāṇāṃ sahasraśaḥ ||
ahany ahani cāpy etad yācatāṃ saṃpradīyate ||
anyat tu brāhmaṇā rājan bhuñjate 'nnaṃ susaṃskṛtam ||
tatra vai dakṣiṇākāle brahmaghoṣo divaṃ gataḥ ||
na sma prajñāyate kiṃ cid brahmaśabdena bhārata ||
puṇyena caratā rājan bhūr diśaḥ khaṃ nabhas tathā ||
āpūrṇam āsīc chabdena tad apy āsīn mahādbhutam ||
tatra sma gāthā gāyanti manuṣyā bharatarṣabha ||
annapānaiḥ śubhais tṛptā deśe deśe suvarcasaḥ ||
gayasya yajñe ke tv adya prāṇino bhoktum īpsavaḥ ||
yatra bhojanaśiṣṭasya parvatāḥ pañcaviṃśatiḥ ||
na sma pūrve janāś cakrur na kariṣyanti cāpare ||
gayo yad akarod yajñe rājarṣir amitadyutiḥ ||
kathaṃ nu devā haviṣā gayena paritarpitāḥ ||
punaḥ śakṣyanty upādātum anyair dattāni kāni cit ||
evaṃvidhāḥ subahavas tasya yajñe mahātmanaḥ ||
babhūvur asya sarasaḥ samīpe kurunandana ||
Then they came to the mountain honored by the righteous and incomparably radiant royal sage Gaya. There is the lake Gayashira, the sacred Mahanadi, and the supreme Brahmasara, served by sages; there the blessed Agastya came to Vaivasvata, there the eternal Dharma himself dwelt, there is the source of all rivers, and there Mahadeva, bearer of the Pinaka, is ever present. In this place the Pandava heroes performed the four-month rite and the great sages' sacrifice at the enormous Akshayavata. Hundreds of brahmins, rich in austerity, came there and performed the chaturmasya according to the ancient rule. In the assembly of great souls, brahmins ever dwelling in knowledge and austerity, versed in the Veda, told sacred stories. There Shamatha, purified by knowledge, vow and ablution, keeping the vow of youth, told of Gaya son of Amurtarayas. 'Gaya, son of Amurtarayas, was the best among royal sages; hear of his sacred deeds. Here was his sacrifice, rich in food and gifts. There stood hundreds and thousands of mountains of food, many hundreds of rivers of ghee and curds flowed, thousands of streams of precious condiments; every day all this was given out to those who asked, while the brahmins ate other, beautifully prepared food. When the time for gifts came, the cry of Brahman rose to the sky, and because of that sound nothing else could be discerned. The earth, the directions, space and sky were filled with the sound of his sacred deed. Sated with fine food and drink, radiant people in various places sang: "Who today still wishes to eat at the sacrifice of Gaya, where twenty-five mountains of food remain? Neither the people of old did, nor will those to come do, what the royal sage Gaya did at his sacrifice. How will the gods, fully satisfied by Gaya's offering, be able to accept anything more, given by others?" Many such songs sounded by the lake of the great king.'
ce7b491c21f7 · publicado 16 jul 2026, 17:02:53 UTC
Disponible enRUENPasa de verso en verso con
Gaya is shown as a king whose generosity became a sanctuary. Wealth here is justified only when it turns into nourishment for the gods, ancestors, brahmins, and people.