लोमश उवाच
तान् उवाच समेतांस् तु ब्रह्मा लोकपितामहः ॥
गच्छध्वं विबुधाः सर्वे यथाकामं यथेप्सितम् ॥
महता कालयोगेन प्रकृतिं यास्यते ऽर्णवः ॥
ज्ञातीन् वै कारणं कृत्वा महाराज्ञो भगीरथात् ॥
युधिष्ठिर उवाच
कथं वै ज्ञातयो ब्रह्मन् कारणं चात्र किं मुने ॥
कथं समुद्रः पूर्णश् च भगीरथपरिश्रमात् ॥
एतद् इच्छाम्य् अहं श्रोतुं विस्तरेण तपोधन ॥
कथ्यमानं त्वया विप्र राज्ञां चरितम् उत्तमम् ॥
वैशंपायन उवाच
एवम् उक्तस् तु विप्रेन्द्रो धर्मराज्ञा महात्मना ॥
कथयाम् आस माहात्म्यं सगरस्य महात्मनः ॥
lomaśa uvāca
tān uvāca sametāṃs tu brahmā lokapitāmahaḥ ||
gacchadhvaṃ vibudhāḥ sarve yathākāmaṃ yathepsitam ||
mahatā kālayogena prakṛtiṃ yāsyate 'rṇavaḥ ||
jñātīn vai kāraṇaṃ kṛtvā mahārājño bhagīrathāt ||
yudhiṣṭhira uvāca
kathaṃ vai jñātayo brahman kāraṇaṃ cātra kiṃ mune ||
kathaṃ samudraḥ pūrṇaś ca bhagīrathapariśramāt ||
etad icchāmy ahaṃ śrotuṃ vistareṇa tapodhana ||
kathyamānaṃ tvayā vipra rājñāṃ caritam uttamam ||
vaiśaṃpāyana uvāca
evam uktas tu viprendro dharmarājñā mahātmanā ||
kathayām āsa māhātmyaṃ sagarasya mahātmanaḥ ||
Lomasha said: 'To the assembled gods, Brahma, the forefather of the worlds, said: "Go, gods, all of you, as you wish and desire. Through the great passage of time, the ocean will return to its own nature, the kinsmen of the great king Bhagiratha having become the cause." Yudhishthira said: "How, brahmin, will the kinsmen become the cause here? And how will the ocean be filled through the toil of Bhagiratha? This I wish to hear in detail, O rich in austerity. Tell me, brahmin, the supreme deed of kings." Vaishampayana said: "Thus asked by the great-souled Dharmaraja, the best of brahmins began to tell the greatness of the great Sagara."'
6153281c147f · publicado 16 jul 2026, 17:02:54 UTC
Disponible enRUENPasa de verso en verso con
In Brahma's words Yudhishthira hears a hidden bond between generations. His question opens one of the chapter's central themes: a descendant can complete a task begun long before his time.