लोमश उवाच
नृगेण यजमानेन सोमेनेह पुरंदरः ॥
तर्पितः श्रूयते राजन् स तृप्तो मदम् अभ्यगात् ॥
इह देवैः सहेन्द्रैर् हि प्रजापतिभिर् एव च ॥
इष्टं बहुविधैर् यज्ञैर् महद्भिर् भूरिदक्षिणैः ॥
आमूर्तरयसश् चेह राजा वज्रधरं प्रभुम् ॥
तर्पयाम् आस सोमेन हयमेधेषु सप्तसु ॥
तस्य सप्तसु यज्ञेषु सर्वम् आसीद् धिरण्मयम् ॥
वानस्पत्यं च भौमं च यद् द्रव्यं नियतं मखे ॥
तेष्व् एव चास्य यज्ञेषु प्रयोगाः सप्त विश्रुताः ॥
सप्तैकैकस्य यूपस्य चषालाश् चोपरि स्थिताः ॥
तस्य स्म यूपान् यज्ञेषु भ्राजमानान् हिरण्मयान् ॥
स्वयम् उत्थापयाम् आसुर् देवाः सेन्द्रा युधिष्ठिर ॥
तेषु तस्य मखाग्र्येषु गयस्य पृथिवीपतेः ॥
अमाद्यद् इन्द्रः सोमेन दक्षिणाभिर् द्विजातयः ॥
सिकता वा यथा लोके यथा वा दिवि तारकाः ॥
यथा वा वर्षतो धारा असंख्येयाश् च केन चित् ॥
तथैव तद् असंख्येयं धनं यत् प्रददौ गयः ॥
सदस्येभ्यो महाराज तेषु यज्ञेषु सप्तसु ॥
भवेत् संख्येयम् एतद् वै यद् एतत् परिकीर्तितम् ॥
न सा शक्या तु संख्यातुं दक्षिणा दक्षिणावतः ॥
हिरण्मयीभिर् गोभिश् च कृताभिर् विश्वकर्मणा ॥
ब्राह्मणांस् तर्पयाम् आस नानादिग्भ्यः समागतान् ॥
अल्पावशेषा पृथिवी चैत्यैर् आसीन् महात्मनः ॥
गयस्य यजमानस्य तत्र तत्र विशां पते ॥
स लोकान् प्राप्तवान् ऐन्द्रान् कर्मणा तेन भारत ॥
सलोकतां तस्य गच्छेत् पयोष्ण्यां य उपस्पृशेत् ॥
तस्मात् त्वम् अत्र राजेन्द्र भ्रातृभिः सहितो ऽनघ ॥
उपस्पृश्य महीपाल धूतपाप्मा भविष्यसि ॥
lomaśa uvāca
nṛgeṇa yajamānena someneha puraṃdaraḥ ||
tarpitaḥ śrūyate rājan sa tṛpto madam abhyagāt ||
iha devaiḥ sahendrair hi prajāpatibhir eva ca ||
iṣṭaṃ bahuvidhair yajñair mahadbhir bhūridakṣiṇaiḥ ||
āmūrtarayasaś ceha rājā vajradharaṃ prabhum ||
tarpayām āsa somena hayamedheṣu saptasu ||
tasya saptasu yajñeṣu sarvam āsīd dhiraṇmayam ||
vānaspatyaṃ ca bhaumaṃ ca yad dravyaṃ niyataṃ makhe ||
teṣv eva cāsya yajñeṣu prayogāḥ sapta viśrutāḥ ||
saptaikaikasya yūpasya caṣālāś copari sthitāḥ ||
tasya sma yūpān yajñeṣu bhrājamānān hiraṇmayān ||
svayam utthāpayām āsur devāḥ sendrā yudhiṣṭhira ||
teṣu tasya makhāgryeṣu gayasya pṛthivīpateḥ ||
amādyad indraḥ somena dakṣiṇābhir dvijātayaḥ ||
sikatā vā yathā loke yathā vā divi tārakāḥ ||
yathā vā varṣato dhārā asaṃkhyeyāś ca kena cit ||
tathaiva tad asaṃkhyeyaṃ dhanaṃ yat pradadau gayaḥ ||
sadasyebhyo mahārāja teṣu yajñeṣu saptasu ||
bhavet saṃkhyeyam etad vai yad etat parikīrtitam ||
na sā śakyā tu saṃkhyātuṃ dakṣiṇā dakṣiṇāvataḥ ||
hiraṇmayībhir gobhiś ca kṛtābhir viśvakarmaṇā ||
brāhmaṇāṃs tarpayām āsa nānādigbhyaḥ samāgatān ||
alpāvaśeṣā pṛthivī caityair āsīn mahātmanaḥ ||
gayasya yajamānasya tatra tatra viśāṃ pate ||
sa lokān prāptavān aindrān karmaṇā tena bhārata ||
salokatāṃ tasya gacchet payoṣṇyāṃ ya upaspṛśet ||
tasmāt tvam atra rājendra bhrātṛbhiḥ sahito 'nagha ||
upaspṛśya mahīpāla dhūtapāpmā bhaviṣyasi ||
Lomasha said: "It is heard, O king, that here Nriga, performing a sacrifice, satisfied Purandara with soma, and he, gratified, fell into sacred intoxication. Here the gods together with Indra and the Prajapatis performed many great sacrifices with abundant gifts. Here king Amurtarayas, in seven horse-sacrifices, satisfied with soma the lord who bears the vajra. In these seven sacrifices, all the property prescribed for the rite, whether of wood or of earth, was of gold. Seven renowned devices stood at his sacrifices, and above every sacrificial post there were seven chashalas. These shining golden posts at his sacrifices, Yudhishthira, were raised up by the gods together with Indra themselves. At the finest sacrifices of king Gaya, Indra rejoiced in the soma, and the twice-born in the gifts. As the grains of sand in the world are innumerable, as the stars in the sky and the streams of rain are innumerable, so innumerable was the wealth that Gaya gave to those present at the seven sacrifices. What has been named here could still be counted, but the largesse of such a giver cannot be counted. With golden cows fashioned by Vishvakarman he satisfied the brahmins who had come from every direction. The earth, where the great Gaya performed his sacrifices, was almost entirely covered with sacrificial monuments. By this deed, Bharata, he attained the worlds of Indra; whoever touches the water of the Payoshni attains the same world as he. Therefore, sinless king, touch the water here together with your brothers, and you, lord of the earth, will become cleansed of sin."
0c2bbb2c1285 · publicado 16 jul 2026, 17:06:19 UTC
Disponible enRUENPasa de verso en verso con
Gaya's abundance is described not for the sake of splendor itself: wealth becomes sacred when it leaves possession and becomes a gift. A sacrifice is measured not by the gleam of gold but by how fully it frees the heart from miserliness.