लोमश उवाच
इह मर्त्यास् तपस् तप्त्वा स्वर्गं गच्छन्ति भारत ॥
मर्तुकामा नरा राजन्न् इहायान्ति सहस्रशः ॥
एवम् आशीः प्रयुक्ता हि दक्षेण यजता पुरा ॥
इह ये वै मरिष्यन्ति ते वै स्वर्गजितो नराः ॥
एषा सरस्वती पुण्या दिव्या चोघवती नदी ॥
एतद् विनशनं नाम सरस्वत्या विशां पते ॥
द्वारं निषादराष्ट्रस्य येषां द्वेषात् सरस्वती ॥
प्रविष्टा पृथिवीं वीर मा निषादा हि मां विदुः ॥
एष वै चमसोद्भेदो यत्र दृश्या सरस्वती ॥
यत्रैनाम् अभ्यवर्तन्त दिव्याः पुण्याः समुद्रगाः ॥
एतत् सिन्धोर् महत् तीर्थं यत्रागस्त्यम् अरिंदम ॥
लोपामुद्रा समागम्य भर्तारम् अवृणीत वै ॥
एतत् प्रभासते तीर्थं प्रभासं भास्करद्युते ॥
इन्द्रस्य दयितं पुण्यं पवित्रं पापनाशनम् ॥
एतद् विष्णुपदं नाम दृश्यते तीर्थम् उत्तमम् ॥
एषा रम्या विपाशा च नदी परमपावनी ॥
lomaśa uvāca
iha martyās tapas taptvā svargaṃ gacchanti bhārata ||
martukāmā narā rājann ihāyānti sahasraśaḥ ||
evam āśīḥ prayuktā hi dakṣeṇa yajatā purā ||
iha ye vai mariṣyanti te vai svargajito narāḥ ||
eṣā sarasvatī puṇyā divyā coghavatī nadī ||
etad vinaśanaṃ nāma sarasvatyā viśāṃ pate ||
dvāraṃ niṣādarāṣṭrasya yeṣāṃ dveṣāt sarasvatī ||
praviṣṭā pṛthivīṃ vīra mā niṣādā hi māṃ viduḥ ||
eṣa vai camasodbhedo yatra dṛśyā sarasvatī ||
yatrainām abhyavartanta divyāḥ puṇyāḥ samudragāḥ ||
etat sindhor mahat tīrthaṃ yatrāgastyam ariṃdama ||
lopāmudrā samāgamya bhartāram avṛṇīta vai ||
etat prabhāsate tīrthaṃ prabhāsaṃ bhāskaradyute ||
indrasya dayitaṃ puṇyaṃ pavitraṃ pāpanāśanam ||
etad viṣṇupadaṃ nāma dṛśyate tīrtham uttamam ||
eṣā ramyā vipāśā ca nadī paramapāvanī ||
Lomasha said: 'Here mortals, having performed austerities, go to heaven, Bharata; thousands of people wishing to die come here, O king. Such a blessed utterance was once spoken by Daksha while performing a sacrifice: "Those who die here will indeed conquer heaven." This is the holy Sarasvati and the divine river Oghavati; here is the place called Vinashana of the Sarasvati, lord of the people. At the entrance to the land of the Nishadas, out of hatred for them, the Sarasvati entered the earth, hero, saying: "Let the Nishadas not know me." Here is Chamasodbheda, where the Sarasvati becomes visible, where the divine, holy rivers flowing to the ocean would return to her. This is the great tirtha of the Sindhu, crusher of enemies, where Lopamudra, having met Agastya, chose him as her husband. Here shines the tirtha Prabhasa, radiant as the sun; it is dear to Indra, holy, purifying, destroying sin. Here is seen the finest tirtha named Vishnupada; and here is the lovely Vipasha, a river of the highest purification.'
8a97a4cd3cd1 · publicado 16 jul 2026, 17:06:19 UTC
Disponible enRUENPasa de verso en verso con
Among the many tirthas, Vishnupada -- 'the foot of Vishnu' -- reminds us that purification finds its meaning as a drawing near to the Lord's foot. A river may vanish and reappear, but sacred memory carries the pilgrim onward.