लोमश उवाच
उशीरबीजं मैनाकं गिरिं श्वेतं च भारत ॥
समतीतो ऽसि कौन्तेय कालशैलं च पार्थिव ॥
एषा गङ्गा सप्तविधा राजते भरतर्षभ ॥
स्थानं विरजसं रम्यं यत्राग्निर् नित्यम् इध्यते ॥
एतद् वै मानुषेणाद्य न शक्यं द्रष्टुम् अप्य् उत ॥
समाधिं कुरुताव्यग्रास् तीर्थान्य् एतानि द्रक्ष्यथ ॥
श्वेतं गिरिं प्रवेक्ष्यामो मन्दरं चैव पर्वतम् ॥
यत्र माणिचरो यक्षः कुबेरश् चापि यक्षराट् ॥
अष्टाशीतिसहस्राणि गन्धर्वाः शीघ्रचारिणः ॥
तथा किंपुरुषा राजन् यक्षाश् चैव चतुर्गुणाः ॥
अनेकरूपसंस्थाना नानाप्रहरणाश् च ते ॥
यक्षेन्द्रं मनुजश्रेष्ठ माणिभद्रम् उपासते ॥
तेषाम् ऋद्धिर् अतीवाग्र्या गतौ वायुसमाश् च ते ॥
स्थानात् प्रच्यावयेयुर् ये देवराजम् अपि ध्रुवम् ॥
तैस् तात बलिभिर् गुप्ता यातुधानैश् च रक्षिताः ॥
दुर्गमाः पर्वताः पार्थ समाधिं परमं कुरु ॥
lomaśa uvāca
uśīrabījaṃ mainākaṃ giriṃ śvetaṃ ca bhārata ||
samatīto 'si kaunteya kālaśailaṃ ca pārthiva ||
eṣā gaṅgā saptavidhā rājate bharatarṣabha ||
sthānaṃ virajasaṃ ramyaṃ yatrāgnir nityam idhyate ||
etad vai mānuṣeṇādya na śakyaṃ draṣṭum apy uta ||
samādhiṃ kurutāvyagrās tīrthāny etāni drakṣyatha ||
śvetaṃ giriṃ pravekṣyāmo mandaraṃ caiva parvatam ||
yatra māṇicaro yakṣaḥ kuberaś cāpi yakṣarāṭ ||
aṣṭāśītisahasrāṇi gandharvāḥ śīghracāriṇaḥ ||
tathā kiṃpuruṣā rājan yakṣāś caiva caturguṇāḥ ||
anekarūpasaṃsthānā nānāpraharaṇāś ca te ||
yakṣendraṃ manujaśreṣṭha māṇibhadram upāsate ||
teṣām ṛddhir atīvāgryā gatau vāyusamāś ca te ||
sthānāt pracyāvayeyur ye devarājam api dhruvam ||
tais tāta balibhir guptā yātudhānaiś ca rakṣitāḥ ||
durgamāḥ parvatāḥ pārtha samādhiṃ paramaṃ kuru ||
Lomasha said: "You have passed Ushirabija, Mainaka, Mount Shveta, and Kalashaila as well, O Bharata, O Kaunteya. Here shines the sevenfold Ganga, best of the Bharatas; this is a beautiful, dust-free place where Agni is perpetually kindled. Today this cannot even be seen by a human being. Concentrate without agitation, and you will see these tirthas. We shall enter Mount Shveta and Mount Mandara, where dwell the yaksha Manichara and Kubera, king of the yakshas. Eighty-eight thousand swift-moving gandharvas, and also the kimpurushas, O king, and yakshas four times as numerous, of manifold forms and bearing various weapons, serve, best of men, Manibhadra, lord of the yakshas. Their prosperity is exceedingly great, their movement like the wind; they could surely dislodge even the king of the gods from his place. These mountains, Partha, are hard to reach, guarded by the mighty and protected by yatudhanas. Undertake the highest concentration."
5c83faf7a7df · publicado 16 jul 2026, 17:06:20 UTC
Disponible enRUENPasa de verso en verso con
The pilgrimage now enters a domain where ordinary human perception is no longer sufficient. To see the holy places requires not only a road beneath one's feet but a gathered, concentrated mind.