मघवान् अपि देवेशो रथम् आरुह्य सुप्रभम् ॥
उवाच भगवान् वाक्यं स्मयन्न् इव सुरारिहा ॥
पुरैवागमनाद् अस्माद् वेदाहं त्वां धनंजय ॥
अतः परं त्व् अहं वै त्वां दर्शये भरतर्षभ ॥
त्वया हि तीर्थेषु पुरा समाप्लावः कृतो ऽसकृत् ॥
तपश् चेदं पुरा तप्तं स्वर्गं गन्तासि पाण्डव ॥
भूयश् चैव तु तप्तव्यं तपः परमदारुणम् ॥
उवाच भगवान् सर्वं तपसश् चोपपादनम् ॥
मातलिर् मन्नियोगात् त्वां त्रिदिवं प्रापयिष्यति ॥
विदितस् त्वं हि देवानाम् ऋषीणां च महात्मनाम् ॥
ततो ऽहम् अब्रुवं शक्रं प्रसीद भगवन् मम ॥
आचार्यं वरये त्वाहम् अस्त्रार्थं त्रिदशेश्वर ॥
इन्द्र उवाच
क्रूरं कर्मास्त्रवित् तात करिष्यसि परंतप ॥
यदर्थम् अस्त्राणीप्सुस् त्वं तं कामं पाण्डवाप्नुहि ॥
अर्जुन उवाच
ततो ऽहम् अब्रुवं नाहं दिव्यान्य् अस्त्राणि शत्रुहन् ॥
मानुषेषु प्रयोक्ष्यामि विनास्त्रप्रतिघातनम् ॥
तानि दिव्यानि मे ऽस्त्राणि प्रयच्छ विबुधाधिप ॥
लोकांश् चास्त्रजितान् पश्चाल् लभेयं सुरपुंगव ॥
इन्द्र उवाच
परीक्षार्थं मयैतत् ते वाक्यम् उक्तं धनंजय ॥
ममात्मजस्य वचनं सूपपन्नम् इदं तव ॥
शिक्ष मे भवनं गत्वा सर्वाण्य् अस्त्राणि भारत ॥
वायोर् अग्नेर् वसुभ्यो ऽथ वरुणात् समरुद्गणात् ॥
साध्यं पैतामहं चैव गन्धर्वोरगरक्षसाम् ॥
वैष्णवानि च सर्वाणि नैरृतानि तथैव च ॥
मद्गतानि च यानीह सर्वास्त्राणि कुरूद्वह ॥
maghavān api deveśo ratham āruhya suprabham ||
uvāca bhagavān vākyaṃ smayann iva surārihā ||
puraivāgamanād asmād vedāhaṃ tvāṃ dhanaṃjaya ||
ataḥ paraṃ tv ahaṃ vai tvāṃ darśaye bharatarṣabha ||
tvayā hi tīrtheṣu purā samāplāvaḥ kṛto 'sakṛt ||
tapaś cedaṃ purā taptaṃ svargaṃ gantāsi pāṇḍava ||
bhūyaś caiva tu taptavyaṃ tapaḥ paramadāruṇam ||
uvāca bhagavān sarvaṃ tapasaś copapādanam ||
mātalir manniyogāt tvāṃ tridivaṃ prāpayiṣyati ||
viditas tvaṃ hi devānām ṛṣīṇāṃ ca mahātmanām ||
tato 'ham abruvaṃ śakraṃ prasīda bhagavan mama ||
ācāryaṃ varaye tvāham astrārthaṃ tridaśeśvara ||
indra uvāca
krūraṃ karmāstravit tāta kariṣyasi paraṃtapa ||
yadartham astrāṇīpsus tvaṃ taṃ kāmaṃ pāṇḍavāpnuhi ||
arjuna uvāca
tato 'ham abruvaṃ nāhaṃ divyāny astrāṇi śatruhan ||
mānuṣeṣu prayokṣyāmi vināstrapratighātanam ||
tāni divyāni me 'strāṇi prayaccha vibudhādhipa ||
lokāṃś cāstrajitān paścāl labheyaṃ surapuṃgava ||
indra uvāca
parīkṣārthaṃ mayaitat te vākyam uktaṃ dhanaṃjaya ||
mamātmajasya vacanaṃ sūpapannam idaṃ tava ||
śikṣa me bhavanaṃ gatvā sarvāṇy astrāṇi bhārata ||
vāyor agner vasubhyo 'tha varuṇāt samarudgaṇāt ||
sādhyaṃ paitāmahaṃ caiva gandharvoragarakṣasām ||
vaiṣṇavāni ca sarvāṇi nairṛtāni tathaiva ca ||
madgatāni ca yānīha sarvāstrāṇi kurūdvaha ||
'After this the blessed Maghavan, lord of the gods and slayer of the enemies of the suras, mounted his radiant chariot and, as though smiling, said: "Dhananjaya, I knew you even before this coming. Now I will show you more, best of the Bharatas. You have already bathed many times in the tirthas, and you have performed this tapas too; you will go to heaven, Pandava. But a further and most difficult tapas must still be performed. Matali, by my order, will bring you to Tridiva. You are known to the gods and to the great-souled rishis." Then I said to Shakra: "Have mercy on me, blessed one. I choose you as my teacher for the sake of weapons, lord of the thirty gods." Indra said: "A cruel deed you will do, knower of weapons, scorcher of foes. Attain that purpose for which you desired weapons." I answered: "Slayer of foes, I will not use the divine astras against men, except to repel weapons. Give me these divine astras, lord of the immortals, and let me afterward win the worlds conquered by weapons." Indra said: "It was to test you that I said this, Dhananjaya. Your answer is worthy of my own son. Come to my abode and learn all the weapons, Bharata: those of Vayu, Agni, the Vasus, Varuna and the Maruts, the weapons of the Sadhyas and of Pitamaha, of the gandharvas, uragas, and rakshasas, all the Vaishnava astras, the Nairrita weapons, and all the weapons that are with me, O upholder of the Kurus."'
7cd8b5af76fb · publicado 16 jul 2026, 17:13:49 UTC
Disponible enRUENPasa de verso en verso con
Arjuna passes the test precisely through restraint: he has no wish to turn divine power against men. This is what makes him worthy of the weapons, for weapons must be governed by discernment.