ते वध्यमाना मद्बाणैर् वज्रवेगैर् अयस्मयैः ॥
पर्यभ्रमन्त वै राजन्न् असुराः कालचोदिताः ॥
ततो मातलिर् अप्य् आशु पुरस्तान् निपतन्न् इव ॥
महीम् अवातरत् क्षिप्रं रथेनादित्यवर्चसा ॥
ततो रथसहस्राणि षष्टिस् तेषाम् अमर्षिणाम् ॥
युयुत्सूनां मया सार्धं पर्यवर्तन्त भारत ॥
तान् अहं निशितैर् बाणैर् व्यधमं गार्ध्रवाजितैः ॥
ते युद्धे संन्यवर्तन्त समुद्रस्य यथोर्मयः ॥
नेमे शक्या मानुषेण युद्धेनेति प्रचिन्त्य वै ॥
ततो ऽहम् आनुपूर्व्येण सर्वाण्य् अस्त्राण्य् अयोजयम् ॥
ततस् तानि सहस्राणि रथानां चित्रयोधिनाम् ॥
अस्त्राणि मम दिव्यानि प्रत्यघ्नञ् शनकैर् इव ॥
रथमार्गान् विचित्रांस् ते विचरन्तो महारथाः ॥
प्रत्यदृश्यन्त संग्रामे शतशो ऽथ सहस्रशः ॥
विचित्रमुकुटापीडा विचित्रकवचध्वजाः ॥
विचित्राभरणाश् चैव नन्दयन्तीव मे मनः ॥
अहं तु शरवर्षैस् तान् अस्त्रप्रमुदितै रणे ॥
नाशक्नुवं पीडयितुं ते तु मां पर्यपीडयन् ॥
तैः पीड्यमानो बहुभिः कृतास्त्रैः कुशलैर् युधि ॥
व्यथितो ऽस्मि महायुद्धे भयं चागान् महन् मम ॥
te vadhyamānā madbāṇair vajravegair ayasmayaiḥ ||
paryabhramanta vai rājann asurāḥ kālacoditāḥ ||
tato mātalir apy āśu purastān nipatann iva ||
mahīm avātarat kṣipraṃ rathenādityavarcasā ||
tato rathasahasrāṇi ṣaṣṭis teṣām amarṣiṇām ||
yuyutsūnāṃ mayā sārdhaṃ paryavartanta bhārata ||
tān ahaṃ niśitair bāṇair vyadhamaṃ gārdhravājitaiḥ ||
te yuddhe saṃnyavartanta samudrasya yathormayaḥ ||
neme śakyā mānuṣeṇa yuddheneti pracintya vai ||
tato 'ham ānupūrvyeṇa sarvāṇy astrāṇy ayojayam ||
tatas tāni sahasrāṇi rathānāṃ citrayodhinām ||
astrāṇi mama divyāni pratyaghnañ śanakair iva ||
rathamārgān vicitrāṃs te vicaranto mahārathāḥ ||
pratyadṛśyanta saṃgrāme śataśo 'tha sahasraśaḥ ||
vicitramukuṭāpīḍā vicitrakavacadhvajāḥ ||
vicitrābharaṇāś caiva nandayantīva me manaḥ ||
ahaṃ tu śaravarṣais tān astrapramuditai raṇe ||
nāśaknuvaṃ pīḍayituṃ te tu māṃ paryapīḍayan ||
taiḥ pīḍyamāno bahubhiḥ kṛtāstraiḥ kuśalair yudhi ||
vyathito 'smi mahāyuddhe bhayaṃ cāgān mahan mama ||
'Struck by my iron, thunderbolt-swift arrows, the asuras, driven by Time, reeled, O king. Then Mātali, as though plunging headlong, swiftly brought down to the ground the chariot that blazed like the sun. Sixty thousand chariots of those furious warriors, eager to fight me, turned about, O Bhārata. I shattered them with sharp, vulture-feathered arrows, but they returned to battle like waves of the ocean. Thinking, "These cannot be conquered by human warfare," I gradually deployed all my astras. But the thousands of chariots of these skilled warriors seemed to parry my divine astras as though slowly. The great charioteers, moving in battle along wondrous paths, appeared by the hundreds and thousands: in many-colored crowns, many-colored armor and banners, in varied ornaments, as though gladdening my mind. Yet in that battle I could not overwhelm them with showers of arrows and joyfully applied astras, and they pressed hard upon me. Hard-pressed by many trained and skillful warriors, I was shaken in that great battle, and great fear came upon me.'
b27802618aa7 · publicado 16 jul 2026, 17:13:49 UTC
Disponible enRUENPasa de verso en verso con
Even Arjuna acknowledges the limit of ordinary and celestial technique. His fear before the Kalakeyas is needed by the narrative, so that the coming invocation of Rudra does not look like an easy device.