ततः क्रमेणोपययुर् नृवीरा; यथागतेनैव पथा समग्राः ॥
विहृत्य मासं सुखिनो बदर्यां; किरातराज्ञो विषयं सुबाहोः ॥
चीनांस् तुखारान् दरदान् सदार्वान्; देशान् कुणिन्दस्य च भूरिरत्नान् ॥
अतीत्य दुर्गं हिमवत्प्रदेशं; पुरं सुबाहोर् ददृशुर् नृवीराः ॥
श्रुत्वा च तान् पार्थिवपुत्रपौत्रान्; प्राप्तान् सुबाहुर् विषये समग्रान् ॥
प्रत्युद्ययौ प्रीतियुतः स राजा; तं चाभ्यनन्दन् वृषभाः कुरूणाम् ॥
समेत्य राज्ञा तु सुबाहुना ते; सूतैर् विशोकप्रमुखैश् च सर्वैः ॥
सहेन्द्रसेनैः परिचारकैश् च; पौरोगवैर् ये च महानसस्थाः ॥
सुखोषितास् तत्र त एकरात्रं; सूतान् उपादाय रथांश् च सर्वान् ॥
घटोत्कचं सानुचरं विसृज्य; ततो ऽभ्ययुर् यामुनम् अद्रिराजम् ॥
तस्मिन् गिरौ प्रस्रवणोपपन्ने; हिमोत्तरीयारुणपाण्डुसानौ ॥
विशाखयूपं समुपेत्य चक्रुस्; तदा निवासं पुरुषप्रवीराः ॥
वराहनानामृगपक्षिजुष्टं; महद् वनं चैत्ररथप्रकाशम् ॥
शिवेन यात्वा मृगयाप्रधानाः; संवत्सरं तत्र वने विजह्रुः ॥
tataḥ krameṇopayayur nṛvīrā; yathāgatenaiva pathā samagrāḥ ||
vihṛtya māsaṃ sukhino badaryāṃ; kirātarājño viṣayaṃ subāhoḥ ||
cīnāṃs tukhārān daradān sadārvān; deśān kuṇindasya ca bhūriratnān ||
atītya durgaṃ himavatpradeśaṃ; puraṃ subāhor dadṛśur nṛvīrāḥ ||
śrutvā ca tān pārthivaputrapautrān; prāptān subāhur viṣaye samagrān ||
pratyudyayau prītiyutaḥ sa rājā; taṃ cābhyanandan vṛṣabhāḥ kurūṇām ||
sametya rājñā tu subāhunā te; sūtair viśokapramukhaiś ca sarvaiḥ ||
sahendrasenaiḥ paricārakaiś ca; paurogavair ye ca mahānasasthāḥ ||
sukhoṣitās tatra ta ekarātraṃ; sūtān upādāya rathāṃś ca sarvān ||
ghaṭotkacaṃ sānucaraṃ visṛjya; tato 'bhyayur yāmunam adrirājam ||
tasmin girau prasravaṇopapanne; himottarīyāruṇapāṇḍusānau ||
viśākhayūpaṃ samupetya cakrus; tadā nivāsaṃ puruṣapravīrāḥ ||
varāhanānāmṛgapakṣijuṣṭaṃ; mahad vanaṃ caitrarathaprakāśam ||
śivena yātvā mṛgayāpradhānāḥ; saṃvatsaraṃ tatra vane vijahruḥ ||
"Then in due order, by the very same road, all the heroes, having happily spent a month in Badari, came to the domain of Subahu, king of the Kiratas. Passing through the difficult region of Himavat, the lands of the Chinas, Tukharas, Daradas, and Sadarvas, and the gem-rich territory of Kulinda, the heroes saw the city of Subahu. Hearing that the sons and grandsons of kings had all arrived together in his domain, Subahu came out to meet them with joy, and the bulls of the Kurus greeted him in return. Meeting with King Subahu, with the charioteers led by Vishoka, with Indrasena, and with all the servants and cooks, they happily spent one night there. Then, taking the charioteers and all the chariots, and sending Ghatotkacha away with his followers, they set out for the mountain by the Yamuna. On that mountain, full of springs, with slopes white with snow, and red and pale besides, the foremost of men reached Vishakhayupa and made their camp. In a great forest, shining like Chaitraratha, frequented by boars, deer, and birds, they, devoted to the hunt, happily passed the year."
804748838695 · publicado 16 jul 2026, 17:12:44 UTC
Disponible enRUENPasa de verso en verso con
The return gradually brings the Pandavas back into the human world: charioteers, chariots, servants, and allied kings reappear. The heavenly stretch of the journey ends, but the exile continues.