Mahābhārata 3.185.25-33

Devanāgarī

भगवन् कृता हि मे रक्षा त्वया सर्वा विशेषतः ॥
प्राप्तकालं तु यत् कार्यं त्वया तच् छ्रूयतां मम ॥
अचिराद् भगवन् भौमम् इदं स्थावरजङ्गमम् ॥
सर्वम् एव महाभाग प्रलयं वै गमिष्यति ॥
संप्रक्षालनकालो ऽयं लोकानां समुपस्थितः ॥
तस्मात् त्वां बोधयाम्य् अद्य यत् ते हितम् अनुत्तमम् ॥
त्रसानां स्थावराणां च यच् चेङ्गं यच् च नेङ्गति ॥
तस्य सर्वस्य संप्राप्तः कालः परमदारुणः ॥
नौश् च कारयितव्या ते दृढा युक्तवटाकरा ॥
तत्र सप्तर्षिभिः सार्धम् आरुहेथा महामुने ॥
बीजानि चैव सर्वाणि यथोक्तानि मया पुरा ॥
तस्याम् आरोहयेर् नावि सुसंगुप्तानि भागशः ॥
नौस्थश् च मां प्रतीक्षेथास् तदा मुनिजनप्रिय ॥
आगमिष्याम्य् अहं शृङ्गी विज्ञेयस् तेन तापस ॥
एवम् एतत् त्वया कार्यम् आपृष्टो ऽसि व्रजाम्य् अहम् ॥
नातिशङ्क्यम् इदं चापि वचनं ते ममाभिभो ॥
एवं करिष्य इति तं स मत्स्यं प्रत्यभाषत ॥
जग्मतुश् च यथाकामम् अनुज्ञाप्य परस्परम् ॥

Transliteración (IAST)

bhagavan kṛtā hi me rakṣā tvayā sarvā viśeṣataḥ ||
prāptakālaṃ tu yat kāryaṃ tvayā tac chrūyatāṃ mama ||
acirād bhagavan bhaumam idaṃ sthāvarajaṅgamam ||
sarvam eva mahābhāga pralayaṃ vai gamiṣyati ||
saṃprakṣālanakālo 'yaṃ lokānāṃ samupasthitaḥ ||
tasmāt tvāṃ bodhayāmy adya yat te hitam anuttamam ||
trasānāṃ sthāvarāṇāṃ ca yac ceṅgaṃ yac ca neṅgati ||
tasya sarvasya saṃprāptaḥ kālaḥ paramadāruṇaḥ ||
nauś ca kārayitavyā te dṛḍhā yuktavaṭākarā ||
tatra saptarṣibhiḥ sārdham āruhethā mahāmune ||
bījāni caiva sarvāṇi yathoktāni mayā purā ||
tasyām ārohayer nāvi susaṃguptāni bhāgaśaḥ ||
nausthaś ca māṃ pratīkṣethās tadā munijanapriya ||
āgamiṣyāmy ahaṃ śṛṅgī vijñeyas tena tāpasa ||
evam etat tvayā kāryam āpṛṣṭo 'si vrajāmy aham ||
nātiśaṅkyam idaṃ cāpi vacanaṃ te mamābhibho ||
evaṃ kariṣya iti taṃ sa matsyaṃ pratyabhāṣata ||
jagmatuś ca yathākāmam anujñāpya parasparam ||

Palabra por palabra

SánscritoIASTSignificado

भगवन् कृता हि मे रक्षा त्वया सर्वा विशेषतः ॥ प्राप्तकालं तु यत् कार्यं त्वया तच् छ्रूयतां मम ॥ अचिराद् भगवन् भौमम् इदं स्थावरजङ्गमम् ॥ सर्वम् एव महाभाग प्रलयं वै गमिष्यति ॥ संप्रक्षालनकालो ऽयं लोकानां समुपस्थितः ॥ तस्मात् त्वां बोधयाम्य् अद्य यत् ते हितम् अनुत्तमम् ॥ त्रसानां स्थावराणां च यच् चेङ्गं यच् च नेङ्गति ॥ तस्य सर्वस्य संप्राप्तः कालः परमदारुणः ॥ नौश् च कारयितव्या ते दृढा युक्तवटाकरा ॥ तत्र सप्तर्षिभिः सार्धम् आरुहेथा महामुने ॥ बीजानि चैव सर्वाणि यथोक्तानि मया पुरा ॥ तस्याम् आरोहयेर् नावि सुसंगुप्तानि भागशः ॥ नौस्थश् च मां प्रतीक्षेथास् तदा मुनिजनप्रिय ॥ आगमिष्याम्य् अहं शृङ्गी विज्ञेयस् तेन तापस ॥ एवम् एतत् त्वया कार्यम् आपृष्टो ऽसि व्रजाम्य् अहम् ॥ नातिशङ्क्यम् इदं चापि वचनं ते ममाभिभो ॥ एवं करिष्य इति तं स मत्स्यं प्रत्यभाषत ॥ जग्मतुश् च यथाकामम् अनुज्ञाप्य परस्परम् ॥bhagavan kṛtā hi me rakṣā tvayā sarvā viśeṣataḥ || prāptakālaṃ tu yat kāryaṃ tvayā tac chrūyatāṃ mama || acirād bhagavan bhaumam idaṃ sthāvarajaṅgamam || sarvam eva mahābhāga pralayaṃ vai gamiṣyati || saṃprakṣālanakālo 'yaṃ lokānāṃ samupasthitaḥ || tasmāt tvāṃ bodhayāmy adya yat te hitam anuttamam || trasānāṃ sthāvarāṇāṃ ca yac ceṅgaṃ yac ca neṅgati || tasya sarvasya saṃprāptaḥ kālaḥ paramadāruṇaḥ || nauś ca kārayitavyā te dṛḍhā yuktavaṭākarā || tatra saptarṣibhiḥ sārdham āruhethā mahāmune || bījāni caiva sarvāṇi yathoktāni mayā purā || tasyām ārohayer nāvi susaṃguptāni bhāgaśaḥ || nausthaś ca māṃ pratīkṣethās tadā munijanapriya || āgamiṣyāmy ahaṃ śṛṅgī vijñeyas tena tāpasa || evam etat tvayā kāryam āpṛṣṭo 'si vrajāmy aham || nātiśaṅkyam idaṃ cāpi vacanaṃ te mamābhibho || evaṃ kariṣya iti taṃ sa matsyaṃ pratyabhāṣata || jagmatuś ca yathākāmam anujñāpya parasparam ||The fish warns that the dissolution of the world, a time of purification, is soon to come; Manu must build a sturdy ship with a strong rope, board it together with the seven rishis, preserve all seeds, and wait for the horned fish.

Traducción

"The fish warned: 'Soon the dissolution of the world will come, a time of purification. Build a sturdy ship with a strong rope. Board it together with the seven rishis, and preserve all the seeds. When you see a horned fish, know that it is I, come for you.'"

Comentario

The saving of the world is entrusted not only to the sages but also to the seeds of future life. Divine protection does not remove the need for human preparation.

Versión

14476fc735dc · publicado 16 jul 2026, 17:19:46 UTC

Disponible enRUEN