Mahābhārata 3.280.19-28

Devanāgarī

सावित्री त्व् आह भर्तारं नैकस् त्वं गन्तुम् अर्हसि ॥
सह त्वयागमिष्यामि न हि त्वां हातुम् उत्सहे ॥
सत्यवान् उवाच
वनं न गतपूर्वं ते दुःखः पन्थाश् च भामिनि ॥
व्रतोपवासक्षामा च कथं पद्भ्यां गमिष्यसि ॥
सावित्र्य् उवाच
उपवासान् न मे ग्लानिर् नास्ति चापि परिश्रमः ॥
गमने च कृतोत्साहां प्रतिषेद्धुं न मार्हसि ॥
सत्यवान् उवाच
यदि ते गमनोत्साहः करिष्यामि तव प्रियम् ॥
मम त्व् आमन्त्रय गुरून् न मां दोषः स्पृशेद् अयम् ॥
मार्कण्डेय उवाच
साभिगम्याब्रवीच् छ्वश्रूं श्वशुरं च महाव्रता ॥
अयं गच्छति मे भर्ता फलाहारो महावनम् ॥
इच्छेयम् अभ्यनुज्ञातुम् आर्यया श्वशुरेण च ॥
अनेन सह निर्गन्तुं न हि मे विरहः क्षमः ॥
गुर्वग्निहोत्रार्थकृते प्रस्थितश् च सुतस् तव ॥
न निवार्यो निवार्यः स्याद् अन्यथा प्रस्थितो वनम् ॥
संवत्सरः किं चिद् ऊनो न निष्क्रान्ताहम् आश्रमात् ॥
वनं कुसुमितं द्रष्टुं परं कौतूहलं हि मे ॥
द्युमत्सेन उवाच
यतः प्रभृति सावित्री पित्रा दत्ता स्नुषा मम ॥
नानयाभ्यर्थनायुक्तम् उक्तपूर्वं स्मराम्य् अहम् ॥
तद् एषा लभतां कामं यथाभिलषितं वधूः ॥
अप्रमादश् च कर्तव्यः पुत्रि सत्यवतः पथि ॥

Transliteración (IAST)

sāvitrī tv āha bhartāraṃ naikas tvaṃ gantum arhasi ||
saha tvayāgamiṣyāmi na hi tvāṃ hātum utsahe ||
satyavān uvāca
vanaṃ na gatapūrvaṃ te duḥkhaḥ panthāś ca bhāmini ||
vratopavāsakṣāmā ca kathaṃ padbhyāṃ gamiṣyasi ||
sāvitry uvāca
upavāsān na me glānir nāsti cāpi pariśramaḥ ||
gamane ca kṛtotsāhāṃ pratiṣeddhuṃ na mārhasi ||
satyavān uvāca
yadi te gamanotsāhaḥ kariṣyāmi tava priyam ||
mama tv āmantraya gurūn na māṃ doṣaḥ spṛśed ayam ||
mārkaṇḍeya uvāca
sābhigamyābravīc chvaśrūṃ śvaśuraṃ ca mahāvratā ||
ayaṃ gacchati me bhartā phalāhāro mahāvanam ||
iccheyam abhyanujñātum āryayā śvaśureṇa ca ||
anena saha nirgantuṃ na hi me virahaḥ kṣamaḥ ||
gurvagnihotrārthakṛte prasthitaś ca sutas tava ||
na nivāryo nivāryaḥ syād anyathā prasthito vanam ||
saṃvatsaraḥ kiṃ cid ūno na niṣkrāntāham āśramāt ||
vanaṃ kusumitaṃ draṣṭuṃ paraṃ kautūhalaṃ hi me ||
dyumatsena uvāca
yataḥ prabhṛti sāvitrī pitrā dattā snuṣā mama ||
nānayābhyarthanāyuktam uktapūrvaṃ smarāmy aham ||
tad eṣā labhatāṃ kāmaṃ yathābhilaṣitaṃ vadhūḥ ||
apramādaś ca kartavyaḥ putri satyavataḥ pathi ||

Palabra por palabra

SánscritoIASTSignificado

सावित्री त्व् आह भर्तारं नैकस् त्वं गन्तुम् अर्हसि ॥ सह त्वयागमिष्यामि न हि त्वां हातुम् उत्सहे ॥ सत्यवान् उवाच वनं न गतपूर्वं ते दुःखः पन्थाश् च भामिनि ॥ व्रतोपवासक्षामा च कथं पद्भ्यां गमिष्यसि ॥ सावित्र्य् उवाच उपवासान् न मे ग्लानिर् नास्ति चापि परिश्रमः ॥ गमने च कृतोत्साहां प्रतिषेद्धुं न मार्हसि ॥ सत्यवान् उवाच यदि ते गमनोत्साहः करिष्यामि तव प्रियम् ॥ मम त्व् आमन्त्रय गुरून् न मां दोषः स्पृशेद् अयम् ॥ मार्कण्डेय उवाच साभिगम्याब्रवीच् छ्वश्रूं श्वशुरं च महाव्रता ॥ अयं गच्छति मे भर्ता फलाहारो महावनम् ॥ इच्छेयम् अभ्यनुज्ञातुम् आर्यया श्वशुरेण च ॥ अनेन सह निर्गन्तुं न हि मे विरहः क्षमः ॥ गुर्वग्निहोत्रार्थकृते प्रस्थितश् च सुतस् तव ॥ न निवार्यो निवार्यः स्याद् अन्यथा प्रस्थितो वनम् ॥ संवत्सरः किं चिद् ऊनो न निष्क्रान्ताहम् आश्रमात् ॥ वनं कुसुमितं द्रष्टुं परं कौतूहलं हि मे ॥ द्युमत्सेन उवाच यतः प्रभृति सावित्री पित्रा दत्ता स्नुषा मम ॥ नानयाभ्यर्थनायुक्तम् उक्तपूर्वं स्मराम्य् अहम् ॥ तद् एषा लभतां कामं यथाभिलषितं वधूः ॥ अप्रमादश् च कर्तव्यः पुत्रि सत्यवतः पथि ॥sāvitrī tv āha bhartāraṃ naikas tvaṃ gantum arhasi || saha tvayāgamiṣyāmi na hi tvāṃ hātum utsahe || satyavān uvāca vanaṃ na gatapūrvaṃ te duḥkhaḥ panthāś ca bhāmini || vratopavāsakṣāmā ca kathaṃ padbhyāṃ gamiṣyasi || sāvitry uvāca upavāsān na me glānir nāsti cāpi pariśramaḥ || gamane ca kṛtotsāhāṃ pratiṣeddhuṃ na mārhasi || satyavān uvāca yadi te gamanotsāhaḥ kariṣyāmi tava priyam || mama tv āmantraya gurūn na māṃ doṣaḥ spṛśed ayam || mārkaṇḍeya uvāca sābhigamyābravīc chvaśrūṃ śvaśuraṃ ca mahāvratā || ayaṃ gacchati me bhartā phalāhāro mahāvanam || iccheyam abhyanujñātum āryayā śvaśureṇa ca || anena saha nirgantuṃ na hi me virahaḥ kṣamaḥ || gurvagnihotrārthakṛte prasthitaś ca sutas tava || na nivāryo nivāryaḥ syād anyathā prasthito vanam || saṃvatsaraḥ kiṃ cid ūno na niṣkrāntāham āśramāt || vanaṃ kusumitaṃ draṣṭuṃ paraṃ kautūhalaṃ hi me || dyumatsena uvāca yataḥ prabhṛti sāvitrī pitrā dattā snuṣā mama || nānayābhyarthanāyuktam uktapūrvaṃ smarāmy aham || tad eṣā labhatāṃ kāmaṃ yathābhilaṣitaṃ vadhūḥ || apramādaś ca kartavyaḥ putri satyavataḥ pathi ||Savitri tells her husband that he should not go alone, she will go with him and cannot bear to leave him; Satyavan replies that she has never gone into the forest before, the path is hard, and she is weakened by the vow and the fast, so how will she walk on foot; Savitri says that from fasting she feels no weakness and no fatigue, she is resolved to go, and he should not forbid her; Satyavan agrees to do as she wishes but asks her to seek the elders' permission, so that no fault fall upon him; Savitri, keeper of the great vow, approaches and tells her mother-in-law and father-in-law that her husband is going to the great forest for fruit, and she wishes, with the elders' leave, to go out with him, for separation from him is more than she can bear; their son is going for the sake of the teachers' agnihotra and must not be stopped, and she herself has not left the hermitage for almost a year and greatly longs to see the flowering forest; Dyumatsena says that ever since Savitri was given to him by her father as a daughter-in-law, he does not recall her ever making such a request before, so let her have what she desires, but bids her, daughter, be watchful on Satyavan's path.

Traducción

Savitri said to her husband: "You should not go alone. I will go with you; I cannot bear to leave you." Satyavan answered: "You have never gone into the forest before, the path is hard, and you are weakened by the vow and the fast. How will you go on foot?" Savitri said: "From fasting I feel no weakness and no fatigue. I am resolved to go; do not forbid me." Satyavan agreed to do as she wished, but asked her to seek the elders' permission, so that no fault would fall upon him. Then Savitri went to her mother-in-law and father-in-law: "My husband is going to the great forest for fruit. I wish, with your leave, to go out together with him; separation from him is more than I can bear. Your son is going for the sake of the teachers' agnihotra and must not be stopped. I have not left the hermitage for nearly a year, and I long greatly to see the flowering forest." Dyumatsena said: "Ever since Savitri was given to me by her father as a daughter-in-law, I do not recall her ever making a request before. So let her have what she desires, but be watchful, daughter, on Satyavan's path."

Comentario

Savitri's request appears simple, yet it holds the whole of her resolve: she will not leave her husband in the hour known to her alone.

Versión

5339120a0ae6 · publicado 16 jul 2026, 17:32:14 UTC

Disponible enRUEN