यो वै गृहेभ्यः प्रवसन् प्रियाणां नानुसंस्मरेत् ॥
दुःखेन सुखम् अन्विच्छेत् स राजवसतिं वसेत् ॥
समवेषं न कुर्वीत नात्युच्चैः संनिधौ हसेत् ॥
मन्त्रं न बहुधा कुर्याद् एवं राज्ञः प्रियो भवेत् ॥
न कर्मणि नियुक्तः सन् धनं किं चिद् उपस्पृशेत् ॥
प्राप्नोति हि हरन् द्रव्यं बन्धनं यदि वा वधम् ॥
यानं वस्त्रम् अलंकारं यच् चान्यत् संप्रयच्छति ॥
तद् एव धारयेन् नित्यम् एवं प्रियतरो भवेत् ॥
संवत्सरम् इमं तात तथाशीला बुभूषवः ॥
अथ स्वविषयं प्राप्य यथाकामं चरिष्यथ ॥
yo vai gṛhebhyaḥ pravasan priyāṇāṃ nānusaṃsmaret ||
duḥkhena sukham anvicchet sa rājavasatiṃ vaset ||
samaveṣaṃ na kurvīta nātyuccaiḥ saṃnidhau haset ||
mantraṃ na bahudhā kuryād evaṃ rājñaḥ priyo bhavet ||
na karmaṇi niyuktaḥ san dhanaṃ kiṃ cid upaspṛśet ||
prāpnoti hi haran dravyaṃ bandhanaṃ yadi vā vadham ||
yānaṃ vastram alaṃkāraṃ yac cānyat saṃprayacchati ||
tad eva dhārayen nityam evaṃ priyataro bhavet ||
saṃvatsaram imaṃ tāta tathāśīlā bubhūṣavaḥ ||
atha svaviṣayaṃ prāpya yathākāmaṃ cariṣyatha ||
"Whoever, dwelling away from home, does not constantly long for his loved ones, and through hardship seeks happiness -- such a man may live at a king's court. Let him not dress the same as his master, nor laugh too loudly in his presence, nor disclose his counsel widely -- thus he will become dear to the king. While charged with a task, let him not touch any money at all: for one who takes what belongs to another meets with imprisonment or death. Whatever vehicle, garment, or ornament, or anything else the king gives, that alone he should always wear -- thus he will become still more beloved. Live out this year in this manner, dear ones, you who wish to conduct yourselves so, and then, once you have reached your own domain, you shall live as you please."
99f1ba7d48e8 · publicado 16 jul 2026, 17:58:59 UTC
Disponible enRUENPasa de verso en verso con
The final instruction returns the gaze to the goal: patience is not endless, it has a term. One year of discipline must preserve the possibility of future freedom.