वैशंपायन उवाच
अथ राजा त्रिगर्तानां सुशर्मा रथयूथपः ॥
प्राप्तकालम् इदं वाक्यम् उवाच त्वरितो भृशम् ॥
असकृन् निकृतः पूर्वं मत्स्यैः साल्वेयकैः सह ॥
सूतेन चैव मत्स्यस्य कीचकेन पुनः पुनः ॥
बाधितो बन्धुभिः सार्धं बलाद् बलवता विभो ॥
स कर्णम् अभ्युदीक्ष्याथ दुर्योधनम् अभाषत ॥
असकृन् मत्स्यराज्ञा मे राष्ट्रं बाधितम् ओजसा ॥
प्रणेता कीचकश् चास्य बलवान् अभवत् पुरा ॥
क्रूरो ऽमर्षी स दुष्टात्मा भुवि प्रख्यातविक्रमः ॥
निहतस् तत्र गन्धर्वैः पापकर्मा नृशंसवान् ॥
तस्मिंश् च निहते राजन् हीनदर्पो निराश्रयः ॥
भविष्यति निरुत्साहो विराट इति मे मतिः ॥
तत्र यात्रा मम मता यदि ते रोचते ऽनघ ॥
कौरवाणां च सर्वेषां कर्णस्य च महात्मनः ॥
एतत् प्राप्तम् अहं मन्ये कार्यम् आत्ययिकं हितम् ॥
राष्ट्रं तस्याभियात्व् आशु बहुधान्यसमाकुलम् ॥
आददामो ऽस्य रत्नानि विविधानि वसूनि च ॥
ग्रामान् राष्ट्राणि वा तस्य हरिष्यामो विभागशः ॥
अथ वा गोसहस्राणि बहूनि च शुभानि च ॥
विविधानि हरिष्यामः प्रतिपीड्य पुरं बलात् ॥
कौरवैः सह संगम्य त्रिगर्तैश् च विशां पते ॥
गास् तस्यापहरामाशु सह सर्वैः सुसंहताः ॥
संधिं वा तेन कृत्वा तु निबध्नीमो ऽस्य पौरुषम् ॥
हत्वा चास्य चमूं कृत्स्नां वशम् अन्वानयामहे ॥
तं वशे न्यायतः कृत्वा सुखं वत्स्यामहे वयम् ॥
भवतो बलवृद्धिश् च भविष्यति न संशयः ॥
vaiśaṃpāyana uvāca
atha rājā trigartānāṃ suśarmā rathayūthapaḥ ||
prāptakālam idaṃ vākyam uvāca tvarito bhṛśam ||
asakṛn nikṛtaḥ pūrvaṃ matsyaiḥ sālveyakaiḥ saha ||
sūtena caiva matsyasya kīcakena punaḥ punaḥ ||
bādhito bandhubhiḥ sārdhaṃ balād balavatā vibho ||
sa karṇam abhyudīkṣyātha duryodhanam abhāṣata ||
asakṛn matsyarājñā me rāṣṭraṃ bādhitam ojasā ||
praṇetā kīcakaś cāsya balavān abhavat purā ||
krūro 'marṣī sa duṣṭātmā bhuvi prakhyātavikramaḥ ||
nihatas tatra gandharvaiḥ pāpakarmā nṛśaṃsavān ||
tasmiṃś ca nihate rājan hīnadarpo nirāśrayaḥ ||
bhaviṣyati nirutsāho virāṭa iti me matiḥ ||
tatra yātrā mama matā yadi te rocate 'nagha ||
kauravāṇāṃ ca sarveṣāṃ karṇasya ca mahātmanaḥ ||
etat prāptam ahaṃ manye kāryam ātyayikaṃ hitam ||
rāṣṭraṃ tasyābhiyātv āśu bahudhānyasamākulam ||
ādadāmo 'sya ratnāni vividhāni vasūni ca ||
grāmān rāṣṭrāṇi vā tasya hariṣyāmo vibhāgaśaḥ ||
atha vā gosahasrāṇi bahūni ca śubhāni ca ||
vividhāni hariṣyāmaḥ pratipīḍya puraṃ balāt ||
kauravaiḥ saha saṃgamya trigartaiś ca viśāṃ pate ||
gās tasyāpaharāmāśu saha sarvaiḥ susaṃhatāḥ ||
saṃdhiṃ vā tena kṛtvā tu nibadhnīmo 'sya pauruṣam ||
hatvā cāsya camūṃ kṛtsnāṃ vaśam anvānayāmahe ||
taṃ vaśe nyāyataḥ kṛtvā sukhaṃ vatsyāmahe vayam ||
bhavato balavṛddhiś ca bhaviṣyati na saṃśayaḥ ||
Vaishampayana said: "Then the king of the Trigartas, Susharman, leader of chariot squadrons, spoke this word whose time had come, and spoke it in haste. Before this he had often been humbled by the Matsyas together with the Salveyakas, and again and again by Kichaka, the charioteer's son who served Matsya. Sorely oppressed together with his kinsmen by that powerful man, O lord, he looked toward Karna and said to Duryodhana: 'More than once the king of the Matsyas has oppressed my kingdom by his might. Before this his foremost strength was the mighty Kichaka — cruel, wrathful, evil-natured, famed on earth for his valor. That sinner, cruel and given to evil deeds, has now been slain there by the Gandharvas. Now that he is slain, O king, Virata, I believe, will be left without pride and without support, his spirit broken. If it please you, blameless one, and all the Kauravas, and the great-souled Karna, I consider this the moment for a campaign. I think this matter has come at the right time — it is urgent and it serves us well. Let us march swiftly upon his kingdom, rich in grain. Let us take his jewels and his various treasures, or divide his villages and provinces among ourselves. Or, forcing his city by strength, let us carry off many splendid herds of cattle. Joined with the Kauravas and the Trigartas, lord of the people, let us together swiftly seize his cows. Or, making a treaty with him, let us bind his manhood; or, destroying his whole army, let us bring him under our power. Having justly subdued him, we shall live at ease, and your strength will grow beyond doubt.'"
ab0d414e9075 · publicado 16 jul 2026, 18:17:35 UTC
Disponible enRUENPasa de verso en verso con
Susharman sees in Kichaka's death not the removal of a villain but Matsya's weakness. Political calculation turns even a just punishment into a pretext for attack.