संजय उवाच
ततो व्यूढेष्व् अनीकेषु तावकेष्व् इतरेषु च ॥
धनंजयो रथानीकम् अवधीत् तव भारत ॥
शरैर् अतिरथो युद्धे पातयन् रथयूथपान् ॥
ते वध्यमानाः पार्थेन कालेनेव युगक्षये ॥
धार्तराष्ट्रा रणे यत्ताः पाण्डवान् प्रत्ययोधयन् ॥
प्रार्थयाना यशो दीप्तं मृत्युं कृत्वा निवर्तनम् ॥
एकाग्रमनसो भूत्वा पाण्डवानां वरूथिनीम् ॥
बभञ्जुर् बहुशो राजंस् ते चाभज्यन्त संयुगे ॥
द्रवद्भिर् अथ भग्नैश् च परिवर्तद्भिर् एव च ॥
पाण्डवैः कौरवैश् चैव न प्रज्ञायत किं चन ॥
उदतिष्ठद् रजो भौमं छादयानं दिवाकरम् ॥
दिशः प्रतिदिशो वापि तत्र जज्ञुः कथं चन ॥
अनुमानेन संज्ञाभिर् नामगोत्रैश् च संयुगे ॥
वर्तते स्म तदा युद्धं तत्र तत्र विशां पते ॥
न व्यूहो भिद्यते तत्र कौरवाणां कथं चन ॥
रक्षितः सत्यसंधेन भारद्वाजेन धीमता ॥
तथैव पाण्डवेयानां रक्षितः सव्यसाचिना ॥
नाभिध्यत महाव्यूहो भीमेन च सुरक्षितः ॥
saṃjaya uvāca
tato vyūḍheṣv anīkeṣu tāvakeṣv itareṣu ca ||
dhanaṃjayo rathānīkam avadhīt tava bhārata ||
śarair atiratho yuddhe pātayan rathayūthapān ||
te vadhyamānāḥ pārthena kāleneva yugakṣaye ||
dhārtarāṣṭrā raṇe yattāḥ pāṇḍavān pratyayodhayan ||
prārthayānā yaśo dīptaṃ mṛtyuṃ kṛtvā nivartanam ||
ekāgramanaso bhūtvā pāṇḍavānāṃ varūthinīm ||
babhañjur bahuśo rājaṃs te cābhajyanta saṃyuge ||
dravadbhir atha bhagnaiś ca parivartadbhir eva ca ||
pāṇḍavaiḥ kauravaiś caiva na prajñāyata kiṃ cana ||
udatiṣṭhad rajo bhaumaṃ chādayānaṃ divākaram ||
diśaḥ pratidiśo vāpi tatra jajñuḥ kathaṃ cana ||
anumānena saṃjñābhir nāmagotraiś ca saṃyuge ||
vartate sma tadā yuddhaṃ tatra tatra viśāṃ pate ||
na vyūho bhidyate tatra kauravāṇāṃ kathaṃ cana ||
rakṣitaḥ satyasaṃdhena bhāradvājena dhīmatā ||
tathaiva pāṇḍaveyānāṃ rakṣitaḥ savyasācinā ||
nābhidhyata mahāvyūho bhīmena ca surakṣitaḥ ||
Sanjaya said: 'When the armies, yours and the enemy's, were arrayed, Dhananjaya, the great ratha-warrior, struck your ranks of chariots with arrows in battle, felling the leaders of the chariot-hosts, O Bharata. Struck down by Partha as though by Time at the end of a yuga, the warriors of Dhritarashtra nevertheless strove in battle and fought against the Pandavas, longing for shining glory and holding death itself to be their only retreat. With minds made single-pointed, they broke the array of the Pandavas again and again, O king, but they themselves were shattered in the fighting. Amid the fleeing, the broken, and those wheeling back and forth, nothing could any longer be distinguished among Pandavas and Kauravas alike. Dust rose up from the earth, veiling the sun; the cardinal directions and the directions between them could barely be told apart. Here and there, O lord of men, the battle went on, men recognizing one another only by guesswork, by signs, by names and lineages. Yet the array of the Kauravas was nowhere broken, for it was guarded by the wise Bharadvaja, true to his word; and just so the great array of the Pandavas, protected by Savyasachin and well guarded by Bhima, was not breached.'
ab43cfcf71ea · publicado 17 jul 2026, 21:22:45 UTC
Disponible enRUENPasa de verso en verso con
Even amid dust and confusion, both sides hold their inner structure through their chief protectors. The strategic form endures, though sight and order on the field have almost vanished.