भीष्म उवाच
शृणु चेदं महाराज ब्रह्मभूतस्तवं मम ॥
ब्रह्मर्षिभिश् च देवैश् च यः पुरा कथितो भुवि ॥
साध्यानाम् अपि देवानां देवदेवेश्वरः प्रभुः ॥
लोकभावनभावज्ञ इति त्वां नारदो ऽब्रवीत् ॥
भूतं भव्यं भविष्यं च मार्कण्डेयो ऽभ्युवाच ह ॥
यज्ञानां चैव यज्ञं त्वां तपश् च तपसाम् अपि ॥
देवानाम् अपि देवं च त्वाम् आह भगवान् भृगुः ॥
पुराणे भैरवं रूपं विष्णो भूतपतेति वै ॥
वासुदेवो वसूनां त्वं शक्रं स्थापयिता तथा ॥
देवदेवो ऽसि देवानाम् इति द्वैपायनो ऽब्रवीत् ॥
पूर्वे प्रजानिसर्गेषु दक्षम् आहुः प्रजापतिम् ॥
स्रष्टारं सर्वभूतानाम् अङ्गिरास् त्वां ततो ऽब्रवीत् ॥
अव्यक्तं ते शरीरोत्थं व्यक्तं ते मनसि स्थितम् ॥
देवा वाक्संभवाश् चेति देवलस् त्व् असितो ऽब्रवीत् ॥
शिरसा ते दिवं व्याप्तं बाहुभ्यां पृथिवी धृता ॥
जठरं ते त्रयो लोकाः पुरुषो ऽसि सनातनः ॥
एवं त्वाम् अभिजानन्ति तपसा भाविता नराः ॥
आत्मदर्शनतृप्तानाम् ऋषीणां चापि सत्तमः ॥
राजर्षीणाम् उदाराणाम् आहवेष्व् अनिवर्तिनाम् ॥
सर्वधर्मप्रधानानां त्वं गतिर् मधुसूदन ॥
एष ते विस्तरस् तात संक्षेपश् च प्रकीर्तितः ॥
केशवस्य यथातत्त्वं सुप्रीतो भव केशवे ॥
bhīṣma uvāca
śṛṇu cedaṃ mahārāja brahmabhūtastavaṃ mama ||
brahmarṣibhiś ca devaiś ca yaḥ purā kathito bhuvi ||
sādhyānām api devānāṃ devadeveśvaraḥ prabhuḥ ||
lokabhāvanabhāvajña iti tvāṃ nārado 'bravīt ||
bhūtaṃ bhavyaṃ bhaviṣyaṃ ca mārkaṇḍeyo 'bhyuvāca ha ||
yajñānāṃ caiva yajñaṃ tvāṃ tapaś ca tapasām api ||
devānām api devaṃ ca tvām āha bhagavān bhṛguḥ ||
purāṇe bhairavaṃ rūpaṃ viṣṇo bhūtapateti vai ||
vāsudevo vasūnāṃ tvaṃ śakraṃ sthāpayitā tathā ||
devadevo 'si devānām iti dvaipāyano 'bravīt ||
pūrve prajānisargeṣu dakṣam āhuḥ prajāpatim ||
sraṣṭāraṃ sarvabhūtānām aṅgirās tvāṃ tato 'bravīt ||
avyaktaṃ te śarīrotthaṃ vyaktaṃ te manasi sthitam ||
devā vāksaṃbhavāś ceti devalas tv asito 'bravīt ||
śirasā te divaṃ vyāptaṃ bāhubhyāṃ pṛthivī dhṛtā ||
jaṭharaṃ te trayo lokāḥ puruṣo 'si sanātanaḥ ||
evaṃ tvām abhijānanti tapasā bhāvitā narāḥ ||
ātmadarśanatṛptānām ṛṣīṇāṃ cāpi sattamaḥ ||
rājarṣīṇām udārāṇām āhaveṣv anivartinām ||
sarvadharmapradhānānāṃ tvaṃ gatir madhusūdana ||
eṣa te vistaras tāta saṃkṣepaś ca prakīrtitaḥ ||
keśavasya yathātattvaṃ suprīto bhava keśave ||
Bhishma said: 'Hear also, great king, my hymn to the Brahman-being, which was told on earth long ago by brahmarshis and gods. Narada called You the Lord of the lords of the gods, even among the Sadhyas — the Master who knows the being and becoming of the worlds. Markandeya proclaimed You as the past, the present, and the future. The blessed Bhrigu called You the sacrifice among sacrifices, the austerity among austerities, and the God of gods. In the ancient lore You, O Vishnu, are called the terrible form and the lord of beings. Dvaipayana said: "You are Vasudeva among the Vasus, You establish Shakra, You are the God of gods." In the former creations of beings, Daksha was called Prajapati; then Angiras called You the Creator of all beings. Asita Devala said: "The unmanifest arose from Your body, the manifest abides in Your mind, and the gods were born from speech." Your head encompasses heaven, Your arms uphold the earth, the three worlds are Your belly; You are the eternal Purusha. Thus You are known by men purified through austerity, and by the best of the sages who are content with the vision of the Atman. For the noble royal sages who do not retreat in battle and who are foremost in every dharma, You are the refuge, Madhusudana. Here, my son, the truth about Keshava has been declared both at length and in brief; be truly devoted to Keshava.'
3a84b3647d42 · publicado 17 jul 2026, 21:35:52 UTC
Disponible enRUENPasa de verso en verso con
The hymn gathers the testimony of Narada, Markandeya, Bhrigu, Vyasa, Angiras, and Asita Devala. Bhishma shows Duryodhana that Keshava's greatness is not a private opinion but the concordant knowledge of sages and gods.