ततो दुर्योधनो राजा सोदर्यैः परिवारितः ॥
भीष्मं जुगोप समरे वर्तमाने जनक्षये ॥
भीमस् तु सारथिं हत्वा भीष्मस्य रथिनां वरः ॥
विद्रुताश्वे रथे तस्मिन् द्रवमाणे समन्ततः ॥
सुनाभस्य शरेणाशु शिरश् चिच्छेद चारिहा ॥
क्षुरप्रेण सुतीक्ष्णेन स हतो न्यपतद् भुवि ॥
हते तस्मिन् महाराज तव पुत्रे महारथे ॥
नामृष्यन्त रणे शूराः सोदर्याः सप्त संयुगे ॥
आदित्यकेतुर् बह्वाशी कुण्डधारो महोदरः ॥
अपराजितः पण्डितको विशालाक्षः सुदुर्जयः ॥
पाण्डवं चित्रसंनाहा विचित्रकवचध्वजाः ॥
अभ्यद्रवन्त संग्रामे योद्धुकामारिमर्दनाः ॥
महोदरस् तु समरे भीमं विव्याध पत्रिभिः ॥
नवभिर् वज्रसंकाशैर् नमुचिं वृत्रहा यथा ॥
आदित्यकेतुः सप्तत्या बह्वाशी चापि पञ्चभिः ॥
नवत्या कुण्डधारस् तु विशालाक्षश् च सप्तभिः ॥
अपराजितो महाराज पराजिष्णुर् महारथः ॥
शरैर् बहुभिर् आनर्छद् भीमसेनं महाबलम् ॥
रणे पण्डितकश् चैनं त्रिभिर् बाणैः समर्दयत् ॥
स तन् न ममृषे भीमः शत्रुभिर् वधम् आहवे ॥
धनुः प्रपीड्य वामेन करेणामित्रकर्शनः ॥
शिरश् चिच्छेद समरे शरेण नतपर्वणा ॥
अपराजितस्य सुनसं तव पुत्रस्य संयुगे ॥
पराजितस्य भीमेन निपपात शिरो महीम् ॥
अथापरेण भल्लेन कुण्डधारं महारथम् ॥
प्राहिणोन् मृत्युलोकाय सर्वलोकस्य पश्यतः ॥
ततः पुनर् अमेयात्मा प्रसंधाय शिलीमुखम् ॥
प्रेषयाम् आस समरे पण्डितं प्रति भारत ॥
स शरः पण्डितं हत्वा विवेश धरणीतलम् ॥
यथा नरं निहत्याशु भुजगः कालचोदितः ॥
विशालाक्षशिरश् छित्त्वा पातयाम् आस भूतले ॥
त्रिभिः शरैर् अदीनात्मा स्मरन् क्लेशं पुरातनम् ॥
महोदरं महेष्वासं नाराचेन स्तनान्तरे ॥
विव्याध समरे राजन् स हतो न्यपतद् भुवि ॥
आदित्यकेतोः केतुं च छित्त्वा बाणेन संयुगे ॥
भल्लेन भृशतीक्ष्णेन शिरश् चिच्छेद चारिहा ॥
बह्वाशिनं ततो भीमः शरेण नतपर्वणा ॥
प्रेषयाम् आस संक्रुद्धो यमस्य सदनं प्रति ॥
tato duryodhano rājā sodaryaiḥ parivāritaḥ ||
bhīṣmaṃ jugopa samare vartamāne janakṣaye ||
bhīmas tu sārathiṃ hatvā bhīṣmasya rathināṃ varaḥ ||
vidrutāśve rathe tasmin dravamāṇe samantataḥ ||
sunābhasya śareṇāśu śiraś ciccheda cārihā ||
kṣurapreṇa sutīkṣṇena sa hato nyapatad bhuvi ||
hate tasmin mahārāja tava putre mahārathe ||
nāmṛṣyanta raṇe śūrāḥ sodaryāḥ sapta saṃyuge ||
ādityaketur bahvāśī kuṇḍadhāro mahodaraḥ ||
aparājitaḥ paṇḍitako viśālākṣaḥ sudurjayaḥ ||
pāṇḍavaṃ citrasaṃnāhā vicitrakavacadhvajāḥ ||
abhyadravanta saṃgrāme yoddhukāmārimardanāḥ ||
mahodaras tu samare bhīmaṃ vivyādha patribhiḥ ||
navabhir vajrasaṃkāśair namuciṃ vṛtrahā yathā ||
ādityaketuḥ saptatyā bahvāśī cāpi pañcabhiḥ ||
navatyā kuṇḍadhāras tu viśālākṣaś ca saptabhiḥ ||
aparājito mahārāja parājiṣṇur mahārathaḥ ||
śarair bahubhir ānarchad bhīmasenaṃ mahābalam ||
raṇe paṇḍitakaś cainaṃ tribhir bāṇaiḥ samardayat ||
sa tan na mamṛṣe bhīmaḥ śatrubhir vadham āhave ||
dhanuḥ prapīḍya vāmena kareṇāmitrakarśanaḥ ||
śiraś ciccheda samare śareṇa nataparvaṇā ||
aparājitasya sunasaṃ tava putrasya saṃyuge ||
parājitasya bhīmena nipapāta śiro mahīm ||
athāpareṇa bhallena kuṇḍadhāraṃ mahāratham ||
prāhiṇon mṛtyulokāya sarvalokasya paśyataḥ ||
tataḥ punar ameyātmā prasaṃdhāya śilīmukham ||
preṣayām āsa samare paṇḍitaṃ prati bhārata ||
sa śaraḥ paṇḍitaṃ hatvā viveśa dharaṇītalam ||
yathā naraṃ nihatyāśu bhujagaḥ kālacoditaḥ ||
viśālākṣaśiraś chittvā pātayām āsa bhūtale ||
tribhiḥ śarair adīnātmā smaran kleśaṃ purātanam ||
mahodaraṃ maheṣvāsaṃ nārācena stanāntare ||
vivyādha samare rājan sa hato nyapatad bhuvi ||
ādityaketoḥ ketuṃ ca chittvā bāṇena saṃyuge ||
bhallena bhṛśatīkṣṇena śiraś ciccheda cārihā ||
bahvāśinaṃ tato bhīmaḥ śareṇa nataparvaṇā ||
preṣayām āsa saṃkruddho yamasya sadanaṃ prati ||
Then King Duryodhana, surrounded by his own brothers, guarded Bhishma in the battle while the slaughter of men went on. But Bhima, having slain the charioteer of Bhishma, best of charioteers, while that chariot with its bolting horses careered in every direction, swiftly cut off the head of Sunabha with an arrow, O slayer of foes. Struck down by the very sharp kshurapra, he fell to the ground. When this maharatha son of yours had been slain, great king, his seven heroic own brothers could not bear it in the fight: Adityaketu, Bahvashi, Kundadhara, Mahodara, Aparajita, Panditaka, Vishalaksha, and Sudurjaya. Clad in gaily arrayed armor, with varied mail and banners, these crushers of foes, eager for battle, rushed at the Pandava in the fight. Mahodara pierced Bhima with nine feathered arrows like thunderbolts, as Vritrahan once struck Namuchi. Adityaketu struck him with seventy arrows, Bahvashi with five, Kundadhara with ninety, Vishalaksha with seven; Aparajita, the ever-victorious maharatha, showered mighty Bhimasena with a multitude of arrows, while Panditaka overwhelmed him with three. Bhima could not bear the blows of his foes in battle. Gripping his bow with his left hand, this tormentor of enemies severed with an arrow of curved joints the head of fair-faced Aparajita, your son; conquered by Bhima, it fell to the ground. Then with another bhalla, before the eyes of the whole world, he sent the maharatha Kundadhara to the realm of death. After that, immeasurable in spirit, Bhima nocked an arrow and let it fly at Panditaka, O Bharata. That arrow slew Panditaka and plunged into the earth, like a serpent driven by Time that has swiftly struck down a man. Then, remembering an old grievance, undaunted Bhima severed Vishalaksha's head with three arrows and cast it to the ground. Mahodara, the great archer, was pierced by him in the chest with a naracha and, struck down, fell to the ground, O king. In the fight Bhima cut down Adityaketu's banner with an arrow, and then with a very sharp bhalla severed his head. After that, enraged, Bhima sent Bahvashi to the abode of Yama with an arrow of curved joints.'
baf17a756f6b · publicado 17 jul 2026, 21:46:24 UTC
Disponible enRUENPasa de verso en verso con
What is fulfilled here is not mere martial fury in Bhima, but the memory of an inflicted humiliation. The old wrong done in the assembly returns upon the house of Dhritarashtra as an unrelenting consequence, and the names of the sons become a reckoning of debt.