मतिं मतिमतां श्रेष्ठाः सर्वे प्रब्रूत माचिरम् ॥
एवं गते तु यत् कार्यं भवेत् कार्यकरं नृपाः ॥
एवम् उक्ते नरेन्द्रेण नरसिंहा युयुत्सवः ॥
चक्रुर् नानाविधाश् चेष्टाः सिंहासनगतास् तदा ॥
तेषां निशम्येङ्गितानि युद्धे प्राणाञ् जुहूषताम् ॥
समुद्वीक्ष्य मुखं राज्ञो बालार्कसमवर्चसः ॥
आचार्यपुत्रो मेधावी वाक्यज्ञो वाक्यम् आददे ॥
रागो योगस् तथा दाक्ष्यं नयश् चेत्य् अर्थसाधकाः ॥
उपायाः पण्डितैः प्रोक्ताः सर्वे दैवसमाश्रिताः ॥
लोकप्रवीरा ये ऽस्माकं देवकल्पा महारथाः ॥
नीतिमन्तस् तथा युक्ता दक्षा रक्ताश् च ते हताः ॥
न त्व् एव कार्यं नैराश्यम् अस्माभिर् विजयं प्रति ॥
सुनीतैर् इह सर्वार्थैर् दैवम् अप्य् अनुलोम्यते ॥
ते वयं प्रवरं नॄणां सर्वैर् गुणगणैर् युतम् ॥
कर्णं सेनापतिं कृत्वा प्रमथिष्यामहे रिपून् ॥
matiṃ matimatāṃ śreṣṭhāḥ sarve prabrūta māciram ||
evaṃ gate tu yat kāryaṃ bhavet kāryakaraṃ nṛpāḥ ||
evam ukte narendreṇa narasiṃhā yuyutsavaḥ ||
cakrur nānāvidhāś ceṣṭāḥ siṃhāsanagatās tadā ||
teṣāṃ niśamyeṅgitāni yuddhe prāṇāñ juhūṣatām ||
samudvīkṣya mukhaṃ rājño bālārkasamavarcasaḥ ||
ācāryaputro medhāvī vākyajño vākyam ādade ||
rāgo yogas tathā dākṣyaṃ nayaś cety arthasādhakāḥ ||
upāyāḥ paṇḍitaiḥ proktāḥ sarve daivasamāśritāḥ ||
lokapravīrā ye 'smākaṃ devakalpā mahārathāḥ ||
nītimantas tathā yuktā dakṣā raktāś ca te hatāḥ ||
na tv eva kāryaṃ nairāśyam asmābhir vijayaṃ prati ||
sunītair iha sarvārthair daivam apy anulomyate ||
te vayaṃ pravaraṃ nṝṇāṃ sarvair guṇagaṇair yutam ||
karṇaṃ senāpatiṃ kṛtvā pramathiṣyāmahe ripūn ||
«Лучшие из мудрых, все без промедления выскажите мнение: когда дело дошло до этого, что следует сделать, о цари, чтобы это принесло пользу?» Когда владыка сказал так, львы среди людей, желавшие боя, сидя на своих тронах, стали делать разные жесты. Разумный сын учителя, знаток речи, заметил знаки тех, кто был готов жертвовать жизнью в битве, посмотрел на лицо царя, сияющее как утреннее солнце, и заговорил: «Привязанность, союз, умение и политика - так мудрые называют средства, достигающие цели, но все они зависят от судьбы. Лучшие в мире среди нас, махаратхи, подобные богам, разумные, подготовленные, умелые и преданные, уже убиты. Но нам всё же не следует отчаиваться в победе: при добром управлении всеми средствами даже судьба становится благосклонной. Поэтому мы поставим Карну, лучшего из людей, наделённого всеми множествами достоинств, военачальником и сокрушим врагов».
e0f9fc1ae4d0 · publicado 20 jun 2026, 3:40:14 UTC
Disponible enRUPasa de verso en verso con
Ашваттхама признаёт силу судьбы, но не превращает её в повод для бездействия. Его совет прагматичен: если лучшие пали, нужно собрать оставшиеся средства вокруг Карны.