नकुलं रभसं युद्धे दारयन्तं वरूथिनीम् ॥
कर्णो वैकर्तनो राजन् वारयाम् आस वै तदा ॥
नकुलश् च तदा कर्णं प्रहसन्न् इदम् अब्रवीत् ॥
चिरस्य बत दृष्टो ऽहं दैवतैः सौम्यचक्षुषा ॥
यस्य मे त्वं रणे पाप चक्षुर्विषयम् आगतः ॥
त्वं हि मूलम् अनर्थानां वैरस्य कलहस्य च ॥
त्वद्दोषात् कुरवः क्षीणाः समासाद्य परस्परम् ॥
त्वाम् अद्य समरे हत्वा कृतकृत्यो ऽस्मि विज्वरः ॥
एवम् उक्तः प्रत्युवाच नकुलं सूतनन्दनः ॥
सदृशं राजपुत्रस्य धन्विनश् च विशेषतः ॥
प्रहरस्व रणे बाल पश्यामस् तव पौरुषम् ॥
कर्म कृत्वा रणे शूर ततः कत्थितुम् अर्हसि ॥
अनुक्त्वा समरे तात शूरा युध्यन्ति शक्तितः ॥
स युध्यस्व मया शक्त्या विनेष्ये दर्पम् अद्य ते ॥
इत्य् उक्त्वा प्राहरत् तूर्णं पाण्डुपुत्राय सूतजः ॥
विव्याध चैनं समरे त्रिसप्तत्या शिलीमुखैः ॥
नकुलस् तु ततो विद्धः सूतपुत्रेण भारत ॥
अशीत्याशीविषप्रख्यैः सूतपुत्रम् अविध्यत ॥
तस्य कर्णो धनुश् छित्त्वा स्वर्णपुङ्खैः शिलाशितैः ॥
त्रिंशता परमेष्वासः शरैः पाण्डवम् आर्दयत् ॥
ते तस्य कवचं भित्त्वा पपुः शोणितम् आहवे ॥
आशीविषा यथा नागा भित्त्वा गां सलिलं पपुः ॥
अथान्यद् धनुर् आदाय हेमपृष्ठं दुरासदम् ॥
कर्णं विव्याध विंशत्या सारथिं च त्रिभिः शरैः ॥
ततः क्रुद्धो महाराज नकुलः परवीरहा ॥
क्षुरप्रेण सुतीक्ष्णेन कर्णस्य धनुर् अच्छिनत् ॥
अथैनं छिन्नधन्वानं सायकानां शतैस् त्रिभिः ॥
आजघ्ने प्रहसन् वीरः सर्वलोकमहारथम् ॥
कर्णम् अभ्यर्दितं दृष्ट्वा पाण्डुपुत्रेण मारिष ॥
विस्मयं परमं जग्मू रथिनः सह दैवतैः ॥
अथान्यद् धनुर् आदाय कर्णो वैकर्तनस् तदा ॥
नकुलं पञ्चभिर् बाणैर् जत्रुदेशे समार्दयत् ॥
उरःस्थैर् अथ तैर् बाणैर् माद्रीपुत्रो व्यरोचत ॥
स्वरश्मिभिर् इवादित्यो भुवने विसृजन् प्रभाम् ॥
नकुलस् तु ततः कर्णं विद्ध्वा सप्तभिर् आयसैः ॥
अथास्य धनुषः कोटिं पुनश् चिच्छेद मारिष ॥
सो ऽन्यत् कार्मुकम् आदाय समरे वेगवत्तरम् ॥
नकुलस्य ततो बाणैः सर्वतो ऽवारयद् दिशः ॥
nakulaṃ rabhasaṃ yuddhe dārayantaṃ varūthinīm ||
karṇo vaikartano rājan vārayām āsa vai tadā ||
nakulaś ca tadā karṇaṃ prahasann idam abravīt ||
cirasya bata dṛṣṭo 'haṃ daivataiḥ saumyacakṣuṣā ||
yasya me tvaṃ raṇe pāpa cakṣurviṣayam āgataḥ ||
tvaṃ hi mūlam anarthānāṃ vairasya kalahasya ca ||
tvaddoṣāt kuravaḥ kṣīṇāḥ samāsādya parasparam ||
tvām adya samare hatvā kṛtakṛtyo 'smi vijvaraḥ ||
evam uktaḥ pratyuvāca nakulaṃ sūtanandanaḥ ||
sadṛśaṃ rājaputrasya dhanvinaś ca viśeṣataḥ ||
praharasva raṇe bāla paśyāmas tava pauruṣam ||
karma kṛtvā raṇe śūra tataḥ katthitum arhasi ||
anuktvā samare tāta śūrā yudhyanti śaktitaḥ ||
sa yudhyasva mayā śaktyā vineṣye darpam adya te ||
ity uktvā prāharat tūrṇaṃ pāṇḍuputrāya sūtajaḥ ||
vivyādha cainaṃ samare trisaptatyā śilīmukhaiḥ ||
nakulas tu tato viddhaḥ sūtaputreṇa bhārata ||
aśītyāśīviṣaprakhyaiḥ sūtaputram avidhyata ||
tasya karṇo dhanuś chittvā svarṇapuṅkhaiḥ śilāśitaiḥ ||
triṃśatā parameṣvāsaḥ śaraiḥ pāṇḍavam ārdayat ||
te tasya kavacaṃ bhittvā papuḥ śoṇitam āhave ||
āśīviṣā yathā nāgā bhittvā gāṃ salilaṃ papuḥ ||
athānyad dhanur ādāya hemapṛṣṭhaṃ durāsadam ||
karṇaṃ vivyādha viṃśatyā sārathiṃ ca tribhiḥ śaraiḥ ||
tataḥ kruddho mahārāja nakulaḥ paravīrahā ||
kṣurapreṇa sutīkṣṇena karṇasya dhanur acchinat ||
athainaṃ chinnadhanvānaṃ sāyakānāṃ śatais tribhiḥ ||
ājaghne prahasan vīraḥ sarvalokamahāratham ||
karṇam abhyarditaṃ dṛṣṭvā pāṇḍuputreṇa māriṣa ||
vismayaṃ paramaṃ jagmū rathinaḥ saha daivataiḥ ||
athānyad dhanur ādāya karṇo vaikartanas tadā ||
nakulaṃ pañcabhir bāṇair jatrudeśe samārdayat ||
uraḥsthair atha tair bāṇair mādrīputro vyarocata ||
svaraśmibhir ivādityo bhuvane visṛjan prabhām ||
nakulas tu tataḥ karṇaṃ viddhvā saptabhir āyasaiḥ ||
athāsya dhanuṣaḥ koṭiṃ punaś ciccheda māriṣa ||
so 'nyat kārmukam ādāya samare vegavattaram ||
nakulasya tato bāṇaiḥ sarvato 'vārayad diśaḥ ||
Когда Накула яростно разрывал войско в бою, Карна Вайкартана остановил его, о царь. Тогда Накула, смеясь, сказал Карне: «Наконец-то, по благосклонному взгляду богов, я увидел тебя, грешник, вошедшего в поле моего зрения в бою. Ты — корень бед, вражды и раздора; из-за твоей вины Куру гибнут, столкнувшись друг с другом. Убив тебя сегодня в сражении, я буду считать дело сделанным и освобожусь от жара». На это сын возничего ответил Накуле: «Такая речь подобает царевичу, особенно лучнику. Бей в бою, мальчик: посмотрим на твою доблесть. Совершив дело в сражении, герой, тогда имеешь право хвалиться. Не говоря лишнего, сынок, герои сражаются по мере силы. Так сражайся со мной изо всех сил, а я сегодня укрощу твою гордость». Сказав так, сын возничего быстро ударил сына Панду и пронзил его в бою семьюдесятью тремя стрелами. Накула, поражённый Карной, ответил восьмьюдесятью стрелами, подобными ядовитым змеям. Карна рассёк его лук золотопёрыми, отточенными на камне стрелами и тридцатью стрелами стал мучить Пандаву. Эти стрелы, пробив его доспех, пили кровь в битве, как ядовитые змеи, пробив землю, пьют воду. Тогда Накула взял другой золотоспинный и неприступный лук, поразил Карну двадцатью стрелами, а возницу — тремя. Разгневанный Накула, убийца вражеских героев, о великий царь, острейшей кшурапрой срезал лук Карны. Затем герой, смеясь, ударил обезоруженного всемирного махаратху тремя сотнями стрел. Увидев, как Карна тесним сыном Панду, колесничие вместе с богами достигли великого изумления. Тогда Карна Вайкартана взял другой лук и пятью стрелами поразил Накулу в область ключиц. С этими стрелами в груди сын Мадри засиял, как солнце, испускающее в мире свои лучи. Накула затем пронзил Карну семью железными стрелами и снова срезал конец его лука. Карна взял в бою другой, ещё более быстрый лук и стрелами закрыл Накуле все стороны света».
655d4d048d8d · publicado 20 jun 2026, 4:24:55 UTC
Disponible enRUPasa de verso en verso con
Накула говорит с Карной как с причиной всей войны, и это делает поединок личным. Но Карна сразу переводит слова в испытание силы: сначала похвала царевичу, затем удар, затем постепенное закрытие пространства стрелами.