धृतराष्ट्र उवाच
यद् वो ऽगमन् मनो मन्दाः कर्णं वैकर्तनं तदा ॥
अप्य् अद्राक्षत तं यूयं शीतार्ता इव भास्करम् ॥
कृते ऽवहारे सैन्यानां प्रवृत्ते च रणे पुनः ॥
कथं वैकर्तनः कर्णस् तत्रायुध्यत संजय ॥
कथं च पाण्डवाः सर्वे युयुधुस् तत्र सूतजम् ॥
कर्णो ह्य् एको महाबाहुर् हन्यात् पार्थान् ससोमकान् ॥
कर्णस्य भुजयोर् वीर्यं शक्रविष्णुसमं मतम् ॥
तथास्त्राणि सुघोराणि विक्रमश् च महात्मनः ॥
दुर्योधनं तदा दृष्ट्वा पाण्डवेन भृशार्दितम् ॥
पराक्रान्तान् पाण्डुसुतान् दृष्ट्वा चापि महाहवे ॥
कर्णम् आश्रित्य संग्रामे दर्पो दुर्योधने पुनः ॥
जेतुम् उत्सहते पार्थान् सपुत्रान् सहकेशवान् ॥
अहो बत महद् दुःखं यत्र पाण्डुसुतान् रणे ॥
नातरद् रभसः कर्णो दैवं नूनं परायणम् ॥
अहो द्यूतस्य निष्ठेयं घोरा संप्रति वर्तते ॥
अहो दुःखानि तीव्राणि दुर्योधनकृतान्य् अहम् ॥
सहिष्यामि सुघोराणि शल्यभूतानि संजय ॥
सौबलं च तथा तात नीतिमान् इति मन्यते ॥
युद्धेषु नाम दिव्येषु वर्तमानेषु संजय ॥
अश्रौषं निहतान् पुत्रान् नित्यम् एव च निर्जितान् ॥
न पाण्डवानां समरे कश् चिद् अस्ति निवारकः ॥
स्त्रीमध्यम् इव गाहन्ति दैवं हि बलवत्तरम् ॥
dhṛtarāṣṭra uvāca
yad vo 'gaman mano mandāḥ karṇaṃ vaikartanaṃ tadā ||
apy adrākṣata taṃ yūyaṃ śītārtā iva bhāskaram ||
kṛte 'vahāre sainyānāṃ pravṛtte ca raṇe punaḥ ||
kathaṃ vaikartanaḥ karṇas tatrāyudhyata saṃjaya ||
kathaṃ ca pāṇḍavāḥ sarve yuyudhus tatra sūtajam ||
karṇo hy eko mahābāhur hanyāt pārthān sasomakān ||
karṇasya bhujayor vīryaṃ śakraviṣṇusamaṃ matam ||
tathāstrāṇi sughorāṇi vikramaś ca mahātmanaḥ ||
duryodhanaṃ tadā dṛṣṭvā pāṇḍavena bhṛśārditam ||
parākrāntān pāṇḍusutān dṛṣṭvā cāpi mahāhave ||
karṇam āśritya saṃgrāme darpo duryodhane punaḥ ||
jetum utsahate pārthān saputrān sahakeśavān ||
aho bata mahad duḥkhaṃ yatra pāṇḍusutān raṇe ||
nātarad rabhasaḥ karṇo daivaṃ nūnaṃ parāyaṇam ||
aho dyūtasya niṣṭheyaṃ ghorā saṃprati vartate ||
aho duḥkhāni tīvrāṇi duryodhanakṛtāny aham ||
sahiṣyāmi sughorāṇi śalyabhūtāni saṃjaya ||
saubalaṃ ca tathā tāta nītimān iti manyate ||
yuddheṣu nāma divyeṣu vartamāneṣu saṃjaya ||
aśrauṣaṃ nihatān putrān nityam eva ca nirjitān ||
na pāṇḍavānāṃ samare kaś cid asti nivārakaḥ ||
strīmadhyam iva gāhanti daivaṃ hi balavattaram ||
Дхритараштра сказал: «Глупцы, если тогда ваш ум обратился к Карне Вайкартане, видели ли вы его, как мёрзнущие видят солнце? Когда войска были отведены и бой снова начался, как там сражался Карна, о Санджая, и как все Пандавы бились с сыном возницы? Ведь один могучий Карна мог бы убить Партхов вместе с Сомаками. Сила его рук считается равной Шакре и Вишну; таковы же страшные астры и доблесть этого великодушного. Когда Дурьодхана увидел, как Пандава истерзал его, и увидел доблесть сынов Панду в великом бою, гордость снова вернулась к нему лишь потому, что он опирался на Карну: он дерзнул победить Партхов с их сыновьями и Кешавой. Увы, великое горе: стремительный Карна не смог одолеть сынов Панду в бою; значит, судьба — последняя опора. Увы, страшный плод игры в кости теперь явился. О Санджая, я буду терпеть жестокие страдания, причинённые Дурьодханой, ставшие для меня шипами. А Саубалу он всё ещё считает мудрым политиком. В этих божественных битвах, о Санджая, я постоянно слышу о моих убитых и всегда побеждённых сыновьях. В бою нет никого, кто мог бы остановить Пандавов; они входят в строй, как в женские покои, ибо судьба сильнее».
1a5cba1c6a16 · publicado 20 jun 2026, 4:46:32 UTC
Disponible enRUPasa de verso en verso con
Дхритараштра уже понимает причинную цепь: игра в кости, совет Шакуни, упрямство Дурьодханы и зависимость от Карны. Но понимание приходит тогда, когда последствия уже нельзя отменить.