दृष्ट्वा त्वरितम् आयान्तं भीमं युद्धाभिनन्दिनम् ॥
सूतपुत्रम् अथोवाच मद्राणाम् ईश्वरो विभुः ॥
पश्य कर्ण महाबाहुं क्रुद्धं पाण्डवनन्दनम् ॥
दीर्घकालार्जितं क्रोधं मोक्तुकामं त्वयि ध्रुवम् ॥
ईदृशं नास्य रूपं मे दृष्टपूर्वं कदा चन ॥
अभिमन्यौ हते कर्ण राक्षसे वा घटोत्कचे ॥
त्रैलोक्यस्य समस्तस्य शक्तः क्रुद्धो निवारणे ॥
बिभर्ति यादृशं रूपं कालाग्निसदृशं शुभम् ॥
इति ब्रुवति राधेयं मद्राणाम् ईश्वरे नृप ॥
अभ्यवर्तत वै कर्णं क्रोधदीप्तो वृकोदरः ॥
तथागतं तु संप्रेक्ष्य भीमं युद्धाभिनन्दिनम् ॥
अब्रवीद् वचनं शल्यं राधेयः प्रहसन्न् इव ॥
यद् उक्तं वचनं मे ऽद्य त्वया मद्रजनेश्वर ॥
भीमसेनं प्रति विभो तत् सत्यं नात्र संशयः ॥
एष शूरश् च वीरश् च क्रोधनश् च वृकोदरः ॥
निरपेक्षः शरीरे च प्राणतश् च बलाधिकः ॥
अज्ञातवासं वसता विराटनगरे तदा ॥
द्रौपद्याः प्रियकामेन केवलं बाहुसंश्रयात् ॥
गूढभावं समाश्रित्य कीचकः सगणो हतः ॥
सो ऽद्य संग्रामशिरसि संनद्धः क्रोधमूर्च्छितः ॥
किंकरोद्यतदण्डेन मृत्युनापि व्रजेद् रणम् ॥
चिरकालाभिलषितो ममायं तु मनोरथः ॥
अर्जुनं समरे हन्यां मां वा हन्याद् धनंजयः ॥
स मे कदा चिद् अद्यैव भवेद् भीमसमागमात् ॥
निहते भीमसेने तु यदि वा विरथीकृते ॥
अभियास्यति मां पार्थस् तन् मे साधु भविष्यति ॥
अत्र यन् मन्यसे प्राप्तं तच् छीघ्रं संप्रधारय ॥
dṛṣṭvā tvaritam āyāntaṃ bhīmaṃ yuddhābhinandinam ||
sūtaputram athovāca madrāṇām īśvaro vibhuḥ ||
paśya karṇa mahābāhuṃ kruddhaṃ pāṇḍavanandanam ||
dīrghakālārjitaṃ krodhaṃ moktukāmaṃ tvayi dhruvam ||
īdṛśaṃ nāsya rūpaṃ me dṛṣṭapūrvaṃ kadā cana ||
abhimanyau hate karṇa rākṣase vā ghaṭotkace ||
trailokyasya samastasya śaktaḥ kruddho nivāraṇe ||
bibharti yādṛśaṃ rūpaṃ kālāgnisadṛśaṃ śubham ||
iti bruvati rādheyaṃ madrāṇām īśvare nṛpa ||
abhyavartata vai karṇaṃ krodhadīpto vṛkodaraḥ ||
tathāgataṃ tu saṃprekṣya bhīmaṃ yuddhābhinandinam ||
abravīd vacanaṃ śalyaṃ rādheyaḥ prahasann iva ||
yad uktaṃ vacanaṃ me 'dya tvayā madrajaneśvara ||
bhīmasenaṃ prati vibho tat satyaṃ nātra saṃśayaḥ ||
eṣa śūraś ca vīraś ca krodhanaś ca vṛkodaraḥ ||
nirapekṣaḥ śarīre ca prāṇataś ca balādhikaḥ ||
ajñātavāsaṃ vasatā virāṭanagare tadā ||
draupadyāḥ priyakāmena kevalaṃ bāhusaṃśrayāt ||
gūḍhabhāvaṃ samāśritya kīcakaḥ sagaṇo hataḥ ||
so 'dya saṃgrāmaśirasi saṃnaddhaḥ krodhamūrcchitaḥ ||
kiṃkarodyatadaṇḍena mṛtyunāpi vrajed raṇam ||
cirakālābhilaṣito mamāyaṃ tu manorathaḥ ||
arjunaṃ samare hanyāṃ māṃ vā hanyād dhanaṃjayaḥ ||
sa me kadā cid adyaiva bhaved bhīmasamāgamāt ||
nihate bhīmasene tu yadi vā virathīkṛte ||
abhiyāsyati māṃ pārthas tan me sādhu bhaviṣyati ||
atra yan manyase prāptaṃ tac chīghraṃ saṃpradhāraya ||
Увидев, как Бхима, радующийся битве, быстро приближается, могучий владыка мадров сказал сыну суты: «Смотри, Карна, на разгневанного могучего сына Панду. Он несомненно хочет выпустить на тебя гнев, накопленный долгим временем. Никогда прежде я не видел у него такого облика, Карна, ни при гибели Абхиманью, ни при гибели ракшаса Гхатоткачи. Разгневанный, он способен остановить все три мира; его облик прекрасен и подобен огню конца времени». Когда владыка мадров говорил это Радхее, пылающий гневом Врикодара повернулся к Карне. Увидев Бхиму, радующегося битве, Карна, словно смеясь, сказал Шалье: «То, что ты сегодня сказал мне о Бхимасене, владыка мадров, истинно, здесь нет сомнения. Этот Врикодара храбр, героичен, гневлив, не привязан к телу и жизни и превосходит силой. Когда он жил неузнанным в городе Вираты, он, желая блага Драупади, одной силой рук, оставаясь скрытым, убил Кичаку вместе с его шайкой. Сегодня, вооружённый и охваченный гневом, он в переднем бою пошёл бы даже на саму смерть с поднятым жезлом. Но давно желанное моё намерение — убить Арджуну в битве или быть убитым Дхананджаей. Возможно, сегодня оно исполнится через встречу с Бхимой. Если Бхимасена будет убит или лишён колесницы, Партха нападёт на меня, и это будет хорошо для меня. Быстро реши, что здесь следует делать».
4f8ae78cf060 · publicado 20 jun 2026, 5:52:39 UTC
Disponible enRUPasa de verso en verso con
Даже Карна признаёт силу Бхимы. Но его ум всё равно обращён к Арджуне: Бхима для него не цель, а путь к главному поединку, которого он ждал всю жизнь.