यः पर्युपासीत् प्रदिशो दिशश् च; त्वां सूतपुत्रः समरे परीप्सन् ॥
दित्सुः कर्णः समरे हस्तिपूगं; स हीदानीं कङ्कपत्रैः सुतीक्ष्णैः ॥
त्वया रणे निहतः सूतपुत्रः; कच्चिच् छेते भूमितले दुरात्मा ॥
कच्चित् प्रियं मे परमं त्वयाद्य; कृतं रणे सूतपुत्रं निहत्य ॥
यः सर्वतः पर्यपतत् त्वदर्थे; मदान्वितो गर्वितः सूतपुत्रः ॥
स शूरमानी समरे समेत्य; कच्चित् त्वया निहतः संयुगे ऽद्य ॥
रौक्मं रथं हस्तिवरैश् च युक्तं; रथं दित्सुर् यः परेभ्यस् त्वदर्थे ॥
सदा रणे स्पर्धते यः स पापः; कच्चित् त्वया निहतस् तात युद्धे ॥
यो ऽसौ नित्यं शूरमदेन मत्तो; विकत्थते संसदि कौरवाणाम् ॥
प्रियो ऽत्यर्थं तस्य सुयोधनस्य; कच्चित् स पापो निहतस् त्वयाद्य ॥
कच्चित् समागम्य धनुःप्रमुक्तैस्; त्वत्प्रेषितैर् लोहितार्थैर् विहंगैः ॥
शेते ऽद्य पापः स विभिन्नगात्रः; कच्चिद् भग्नो धार्तराष्ट्रस्य बाहुः ॥
यो ऽसौ सदा श्लाघते राजमध्ये; दुर्योधनं हर्षयन् दर्पपूर्णः ॥
अहं हन्ता फल्गुनस्येति मोहात्; कच्चिद् धतस् तस्य न वै तथा रथः ॥
नाहं पादौ धावयिष्ये कदा चिद्; यावत् स्थितः पार्थ इत्य् अल्पबुद्धिः ॥
व्रतं तस्यैतत् सर्वदा शक्रसूनो; कच्चित् त्वया निहतः सो ऽद्य कर्णः ॥
यो ऽसौ कृष्णाम् अब्रवीद् दुष्टबुद्धिः; कर्णः सभायां कुरुवीरमध्ये ॥
किं पाण्डवांस् त्वं न जहासि कृष्णे; सुदुर्बलान् पतितान् हीनसत्त्वान् ॥
यत् तत् कर्णः प्रत्यजानात् त्वदर्थे; नाहत्वाहं सह कृष्णेन पार्थम् ॥
इहोपयातेति स पापबुद्धिः; कच्चिच् छेते शरसंभिन्नगात्रः ॥
yaḥ paryupāsīt pradiśo diśaś ca; tvāṃ sūtaputraḥ samare parīpsan ||
ditsuḥ karṇaḥ samare hastipūgaṃ; sa hīdānīṃ kaṅkapatraiḥ sutīkṣṇaiḥ ||
tvayā raṇe nihataḥ sūtaputraḥ; kaccic chete bhūmitale durātmā ||
kaccit priyaṃ me paramaṃ tvayādya; kṛtaṃ raṇe sūtaputraṃ nihatya ||
yaḥ sarvataḥ paryapatat tvadarthe; madānvito garvitaḥ sūtaputraḥ ||
sa śūramānī samare sametya; kaccit tvayā nihataḥ saṃyuge 'dya ||
raukmaṃ rathaṃ hastivaraiś ca yuktaṃ; rathaṃ ditsur yaḥ parebhyas tvadarthe ||
sadā raṇe spardhate yaḥ sa pāpaḥ; kaccit tvayā nihatas tāta yuddhe ||
yo 'sau nityaṃ śūramadena matto; vikatthate saṃsadi kauravāṇām ||
priyo 'tyarthaṃ tasya suyodhanasya; kaccit sa pāpo nihatas tvayādya ||
kaccit samāgamya dhanuḥpramuktais; tvatpreṣitair lohitārthair vihaṃgaiḥ ||
śete 'dya pāpaḥ sa vibhinnagātraḥ; kaccid bhagno dhārtarāṣṭrasya bāhuḥ ||
yo 'sau sadā ślāghate rājamadhye; duryodhanaṃ harṣayan darpapūrṇaḥ ||
ahaṃ hantā phalgunasyeti mohāt; kaccid dhatas tasya na vai tathā rathaḥ ||
nāhaṃ pādau dhāvayiṣye kadā cid; yāvat sthitaḥ pārtha ity alpabuddhiḥ ||
vrataṃ tasyaitat sarvadā śakrasūno; kaccit tvayā nihataḥ so 'dya karṇaḥ ||
yo 'sau kṛṣṇām abravīd duṣṭabuddhiḥ; karṇaḥ sabhāyāṃ kuruvīramadhye ||
kiṃ pāṇḍavāṃs tvaṃ na jahāsi kṛṣṇe; sudurbalān patitān hīnasattvān ||
yat tat karṇaḥ pratyajānāt tvadarthe; nāhatvāhaṃ saha kṛṣṇena pārtham ||
ihopayāteti sa pāpabuddhiḥ; kaccic chete śarasaṃbhinnagātraḥ ||
«Тот сын суты, который в битве высматривал все стороны, разыскивая тебя, и обещал в бою множество слонов за твою голову, лежит ли теперь этот злодей на земле, сражённый тобою острейшими каṅка-перыми стрелами? Сделал ли ты сегодня мне высшую радость, убив в бою сына суты? Тот сын суты, гордый и опьянённый спесью, который из-за тебя носился кругом, встретился ли он сегодня с тобой в сражении и убит ли тобою этот мнящий себя героем? Тот грешник, который ради тебя обещал другим золотую колесницу, запряжённую лучшими слонами, и всегда дерзал в бою, убит ли тобой сегодня, милый? Тот, кто всегда, пьяный воинской гордостью, хвастался в собрании Кауравов, чрезвычайно милый Суёдхане, убит ли сегодня тобой этот злодей? Встретившись с выпущенными из твоего лука, посланными тобою кровожадными крылатыми стрелами, лежит ли сегодня этот грешник с пробитым телом? Сломана ли опора Дхритараштридова сына? Тот, кто, полный гордыни, всегда кичился среди царей, радуя Дурьодхану: “Я убью Пхалгуну”, по безумию, разбит ли теперь его ход? Глупец говорил: “Я никогда не омою стоп, пока стоит Партха”. Таков был его постоянный обет, сын Шакры; убит ли тобой сегодня этот Карна? Тот злонравный Карна, который в собрании, среди героев Куру, сказал Кришне-Драупади: “Зачем ты не оставишь Пандавов — жалких, падших, лишённых силы?” И тот зломысленный Карна, который из-за тебя поклялся: “Не убив Партху вместе с Кришной, я не вернусь сюда”, лежит ли он теперь с телом, пробитым стрелами?»
546ed5c07b91 · publicado 20 jun 2026, 6:52:49 UTC
Disponible enRUPasa de verso en verso con
Память Юдхиштхиры возвращает не только сегодняшнее поражение, но и старые слова из игорного собрания. Оскорбление Драупади остаётся нравственной мерой Карны: воинская слава не стирает греха унижения беззащитной женщины.