संजय उवाच
वृषसेनं हतं दृष्ट्वा शोकामर्षसमन्वितः ॥
मुक्त्वा शोकोद्भवं वारि नेत्राभ्यां सहसा वृषः ॥
रथेन कर्णस् तेजस्वी जगामाभिमुखो रिपून् ॥
युद्धायामर्षताम्राक्षः समाहूय धनंजयम् ॥
तौ रथौ सूर्यसंकाशौ वैयाघ्रपरिवारणौ ॥
समेतौ ददृशुस् तत्र द्वाव् इवार्कौ समागतौ ॥
श्वेताश्वौ पुरुषादित्याव् आस्थिताव् अरिमर्दनौ ॥
शुशुभाते महात्मानौ चन्द्रादित्यौ यथा दिवि ॥
तौ दृष्ट्वा विस्मयं जग्मुः सर्वभूतानि मारिष ॥
त्रैलोक्यविजये यत्ताव् इन्द्रवैरोचनाव् इव ॥
रथज्यातलनिर्ह्रादैर् बाणशङ्खरवैर् अपि ॥
तौ रथाव् अभिधावन्तौ समालोक्य महीक्षिताम् ॥
ध्वजौ च दृष्ट्वा संसक्तौ विस्मयः समपद्यत ॥
हस्तिकक्ष्यां च कर्णस्य वानरं च किरीटिनः ॥
तौ रथौ संप्रसक्तौ च दृष्ट्वा भारत पार्थिवाः ॥
सिंहनादरवांश् चक्रुः साधुवादांश् च पुष्कलान् ॥
श्रुत्वा तु द्वैरथं ताभ्यां तत्र योधाः समन्ततः ॥
चक्रुर् बाहुवलं चैव तथा चेलवलं महत् ॥
आजग्मुः कुरवस् तत्र वादित्रानुगतास् तदा ॥
कर्णं प्रहर्षयन्तश् च शङ्खान् दध्मुश् च पुष्कलान् ॥
तथैव पाण्डवाः सर्वे हर्षयन्तो धनंजयम् ॥
तूर्यशङ्खनिनादेन दिशः सर्वा व्यनादयन् ॥
क्ष्वेडितास्फोटितोत्क्रुष्टैस् तुमुलं सर्वतो ऽभवत् ॥
बाहुघोषाश् च वीराणां कर्णार्जुनसमागमे ॥
saṃjaya uvāca
vṛṣasenaṃ hataṃ dṛṣṭvā śokāmarṣasamanvitaḥ ||
muktvā śokodbhavaṃ vāri netrābhyāṃ sahasā vṛṣaḥ ||
rathena karṇas tejasvī jagāmābhimukho ripūn ||
yuddhāyāmarṣatāmrākṣaḥ samāhūya dhanaṃjayam ||
tau rathau sūryasaṃkāśau vaiyāghraparivāraṇau ||
sametau dadṛśus tatra dvāv ivārkau samāgatau ||
śvetāśvau puruṣādityāv āsthitāv arimardanau ||
śuśubhāte mahātmānau candrādityau yathā divi ||
tau dṛṣṭvā vismayaṃ jagmuḥ sarvabhūtāni māriṣa ||
trailokyavijaye yattāv indravairocanāv iva ||
rathajyātalanirhrādair bāṇaśaṅkharavair api ||
tau rathāv abhidhāvantau samālokya mahīkṣitām ||
dhvajau ca dṛṣṭvā saṃsaktau vismayaḥ samapadyata ||
hastikakṣyāṃ ca karṇasya vānaraṃ ca kirīṭinaḥ ||
tau rathau saṃprasaktau ca dṛṣṭvā bhārata pārthivāḥ ||
siṃhanādaravāṃś cakruḥ sādhuvādāṃś ca puṣkalān ||
śrutvā tu dvairathaṃ tābhyāṃ tatra yodhāḥ samantataḥ ||
cakrur bāhuvalaṃ caiva tathā celavalaṃ mahat ||
ājagmuḥ kuravas tatra vāditrānugatās tadā ||
karṇaṃ praharṣayantaś ca śaṅkhān dadhmuś ca puṣkalān ||
tathaiva pāṇḍavāḥ sarve harṣayanto dhanaṃjayam ||
tūryaśaṅkhaninādena diśaḥ sarvā vyanādayan ||
kṣveḍitāsphoṭitotkruṣṭais tumulaṃ sarvato 'bhavat ||
bāhughoṣāś ca vīrāṇāṃ karṇārjunasamāgame ||
Санджая сказал: «Увидев Вришасену убитым, Карна, полный скорби и ярости, внезапно пролил слёзы из глаз. Затем сияющий бык среди людей на колеснице устремился навстречу врагам, с глазами, красными от гнева, вызывая Дхананджаю на бой. Люди увидели, как две солнцеподобные колесницы с тигровыми покрывалами сошлись там, словно два солнца. Белоконные сокрушители врагов, два солнца среди людей, стояли на колесницах и сияли, как Луна и Солнце в небе. Увидев их, все существа изумились, о почтенный: они были готовы, словно Индра и Вайрочана, к победе над тремя мирами. Цари смотрели на две колесницы, несущиеся друг к другу под грохот колёс, тетив, ладоней, стрел и раковин; увидев сцепившиеся знамёна — слоновий пояс Карны и обезьяну Киритина, — они пришли в изумление. Глядя на две сошедшиеся колесницы, цари издавали львиные крики и обильные возгласы одобрения. Услышав о поединке этих двоих, воины со всех сторон поднимали руки и махали одеждами. Куру пришли туда под звуки инструментов, воодушевляли Карну и трубили во множество раковин. Так же все Пандавы, радуя Дхананджаю, оглашали все стороны звуком труб и раковин. От криков, хлопков и возгласов, от звуков рук героев при встрече Карны и Арджуны повсюду возникло бурное смятение».
5dfbe0598e0a · publicado 20 jun 2026, 8:44:44 UTC
Disponible enRUPasa de verso en verso con
После гибели Вришасены личная скорбь Карны сразу становится началом решающего поединка. Войска обеих сторон уже чувствуют, что перед ними не обычная схватка, а узел всей войны.