संजय उवाच
तौ शङ्खभेरीनिनदे समृद्धे; समीयतुः श्वेतहयौ नराग्र्यौ ॥
वैकर्तनः सूतपुत्रो ऽर्जुनश् च; दुर्मन्त्रिते तव पुत्रस्य राजन् ॥
यथा गजौ हैमवतौ प्रभिन्नौ; प्रगृह्य दन्ताव् इव वाशितार्थे ॥
तथा समाजग्मतुर् उग्रवेगौ; धनंजयश् चाधिरथिश् च वीरौ ॥
बलाहकेनेव यथा बलाहको; यदृच्छया वा गिरिणा गिरिर् यथा ॥
तथा धनुर्ज्यातलनेमिनिस्वनौ; समीयतुस् ताव् इषुवर्षवर्षिणौ ॥
प्रवृद्धशृङ्गद्रुमवीरुदोषधी; प्रवृद्धनानाविधपर्वतौकसौ ॥
यथाचलौ वा गलितौ महाबलौ; तथा महास्त्रैर् इतरेतरं घ्नतः ॥
स संनिपातस् तु तयोर् महान् अभूत्; सुरेशवैरोचनयोर् यथा पुरा ॥
शरैर् विभुग्नाङ्गनियन्तृवाहनः; सुदुःसहो ऽन्यैः पटुशोणितोदकः ॥
प्रभूतपद्मोत्पलमत्स्यकच्छपौ; महाह्रदौ पक्षिगणानुनादितौ ॥
सुसंनिकृष्टाव् अनिलोद्धतौ यथा; तथा रथौ तौ ध्वजिनौ समीयतुः ॥
उभौ महेन्द्रस्य समानविक्रमाव्; उभौ महेन्द्रप्रतिमौ महारथौ ॥
महेन्द्रवज्रप्रतिमैश् च सायकैर्; महेन्द्रवृत्राव् इव संप्रजह्रतुः ॥
सनागपत्त्यश्वरथे उभे बले; विचित्रवर्णाभरणाम्बरस्रजे ॥
चकम्पतुश् चोन्नमतः स्म विस्मयाद्; वियद्गताश् चार्जुनकर्णसंयुगे ॥
भुजाः सवज्राङ्गुलयः समुच्छ्रिताः; ससिंहनादा हृषितैर् दिदृक्षुभिः ॥
यदार्जुनं मत्तम् इव द्विपो द्विपं; समभ्ययाद् आधिरथिर् जिघांसया ॥
saṃjaya uvāca
tau śaṅkhabherīninade samṛddhe; samīyatuḥ śvetahayau narāgryau ||
vaikartanaḥ sūtaputro 'rjunaś ca; durmantrite tava putrasya rājan ||
yathā gajau haimavatau prabhinnau; pragṛhya dantāv iva vāśitārthe ||
tathā samājagmatur ugravegau; dhanaṃjayaś cādhirathiś ca vīrau ||
balāhakeneva yathā balāhako; yadṛcchayā vā giriṇā girir yathā ||
tathā dhanurjyātalaneminisvanau; samīyatus tāv iṣuvarṣavarṣiṇau ||
pravṛddhaśṛṅgadrumavīrudoṣadhī; pravṛddhanānāvidhaparvataukasau ||
yathācalau vā galitau mahābalau; tathā mahāstrair itaretaraṃ ghnataḥ ||
sa saṃnipātas tu tayor mahān abhūt; sureśavairocanayor yathā purā ||
śarair vibhugnāṅganiyantṛvāhanaḥ; suduḥsaho 'nyaiḥ paṭuśoṇitodakaḥ ||
prabhūtapadmotpalamatsyakacchapau; mahāhradau pakṣigaṇānunāditau ||
susaṃnikṛṣṭāv aniloddhatau yathā; tathā rathau tau dhvajinau samīyatuḥ ||
ubhau mahendrasya samānavikramāv; ubhau mahendrapratimau mahārathau ||
mahendravajrapratimaiś ca sāyakair; mahendravṛtrāv iva saṃprajahratuḥ ||
sanāgapattyaśvarathe ubhe bale; vicitravarṇābharaṇāmbarasraje ||
cakampatuś connamataḥ sma vismayād; viyadgatāś cārjunakarṇasaṃyuge ||
bhujāḥ savajrāṅgulayaḥ samucchritāḥ; sasiṃhanādā hṛṣitair didṛkṣubhiḥ ||
yadārjunaṃ mattam iva dvipo dvipaṃ; samabhyayād ādhirathir jighāṃsayā ||
Санджая сказал: «Под мощный гул раковин и барабанов сошлись два лучших мужа на белых конях: Вайкартана, сын возницы, и Арджуна, о царь, из-за дурного совета твоего сына. Как два гималайских слона, истекающие мускусом, выставляют бивни из-за самки, так сошлись с грозной скоростью два героя — Дхананджая и Адхиратхин. Как туча случайно сталкивается с тучей или гора с горой, так эти двое, изливая дожди стрел, встретились под грохот тетив, ладоней и колёс. Как две могучие горы, полные вершин, деревьев, лиан, трав и различных горных обитателей, обрушиваются друг на друга, так они поражали друг друга великими астрами. Их столкновение было велико, как древняя схватка Индры и Вайрочаны; оно разбивало стрелами тела, возниц и ездовых, было нестерпимо для других и текло бурной кровью. Как два великих озера, богатые лотосами, кувшинками, рыбами и черепахами, оглашаемые птицами и взволнованные ветром, сближаются друг с другом, так сошлись две колесницы со знамёнами. Оба были равны Индре доблестью, оба подобны Индре, два махаратха; стрелами, подобными ваджре Индры, они ударили друг друга, словно Индра и Вритра. Обе армии со слонами, пешими, конями и колесницами, в пёстрых украшениях, одеждах и гирляндах, задрожали от изумления; задрожали и небожители, глядя на схватку Арджуны и Карны. Ликующие зрители поднимали мощные руки и издавали львиные крики, когда Адхиратхин, желая убить, пошёл на Арджуну, как слон на разъярённого слона».
366e98d0bbc6 · publicado 20 jun 2026, 8:29:22 UTC
Disponible enRUPasa de verso en verso con
Сцена насыщена образами природы: слоны, тучи, горы, озёра. Так показывается масштаб дуэли: два человека стали точкой, где содрогнулись войска, небеса и сама земля.