संजय उवाच
तथा निपातिते कर्णे तव सैन्ये च विद्रुते ॥
आश्लिष्य पार्थं दाशार्हो हर्षाद् वचनम् अब्रवीत् ॥
हतो बलभिदा वृत्रस् त्वया कर्णो धनंजय ॥
वधं वै कर्णवृत्राभ्यां कथयिष्यन्ति मानवाः ॥
वज्रिणा निहतो वृत्रः संयुगे भूरितेजसा ॥
त्वया तु निहतः कर्णो धनुषा निशितैः शरैः ॥
तम् इमं विक्रमं लोके प्रथितं ते यशोवहम् ॥
निवेदयावः कौन्तेय धर्मराजाय धीमते ॥
वधं कर्णस्य संग्रामे दीर्घकालचिकीर्षितम् ॥
निवेद्य धर्मराजस्य त्वम् आनृण्यं गमिष्यसि ॥
तथेत्य् उक्ते केशवस् तु पार्थेन यदुपुङ्गवः ॥
पर्यवर्तयद् अव्यग्रो रथं रथवरस्य तम् ॥
saṃjaya uvāca
tathā nipātite karṇe tava sainye ca vidrute ||
āśliṣya pārthaṃ dāśārho harṣād vacanam abravīt ||
hato balabhidā vṛtras tvayā karṇo dhanaṃjaya ||
vadhaṃ vai karṇavṛtrābhyāṃ kathayiṣyanti mānavāḥ ||
vajriṇā nihato vṛtraḥ saṃyuge bhūritejasā ||
tvayā tu nihataḥ karṇo dhanuṣā niśitaiḥ śaraiḥ ||
tam imaṃ vikramaṃ loke prathitaṃ te yaśovaham ||
nivedayāvaḥ kaunteya dharmarājāya dhīmate ||
vadhaṃ karṇasya saṃgrāme dīrghakālacikīrṣitam ||
nivedya dharmarājasya tvam ānṛṇyaṃ gamiṣyasi ||
tathety ukte keśavas tu pārthena yadupuṅgavaḥ ||
paryavartayad avyagro rathaṃ rathavarasya tam ||
Санджая сказал: «Когда Карна был так повержен и твоё войско разбежалось, Дашарха с радостью обнял Партху и сказал: “Дхананджая, как Вритра был убит Разрушителем Балы, так тобой убит Карна. Люди будут рассказывать о гибели Карны и Вритры вместе. Вритру в битве сразил многосияющий Ваджрин, а ты убил Карну из лука острыми стрелами. Каунтея, сообщим мудрому Дхармарадже об этом твоём прославленном в мире подвиге, который принесёт тебе славу. Возвестив царю дхармы о гибели Карны в битве, о давно желанном деле, ты снимешь с себя долг”. Когда Партха сказал: “Да будет так”, Кешава, лучший из Яду, спокойно развернул колесницу лучшего воина».
7e392aae56b2 · publicado 20 jun 2026, 8:25:09 UTC
Disponible enRUPasa de verso en verso con
Кришна сразу направляет победу к Юдхиштхире: подвиг Арджуны должен стать утешением царя дхармы и исполнением долга перед страдающими близкими.