रथनीडानि देहांश् च हतानां गजवाजिनाम् ॥
आश्रिताः श्रममोहार्ताः स्थिताः पश्य महाबल ॥
अन्या चापहृतं कायाच् चारुकुण्डलम् उन्नसम् ॥
स्वस्य बन्धोः शिरः कृष्ण गृहीत्वा पश्य तिष्ठति ॥
पूर्वजातिकृतं पापं मन्ये नाल्पम् इवानघ ॥
एताभिर् अनवद्याभिर् मया चैवाल्पमेधया ॥
तद् इदं धर्मराजेन यातितं नो जनार्दन ॥
न हि नाशो ऽस्ति वार्ष्णेय कर्मणोः शुभपापयोः ॥
प्रत्यग्रवयसः पश्य दर्शनीयकुचोदराः ॥
कुलेषु जाता ह्रीमत्यः कृष्णपक्षाक्षिमूर्धजाः ॥
हंसगद्गदभाषिण्यो दुःखशोकप्रमोहिताः ॥
सारस्य इव वाशन्त्यः पतिताः पश्य माधव ॥
फुल्लपद्मप्रकाशानि पुण्डरीकाक्ष योषिताम् ॥
अनवद्यानि वक्त्राणि तपत्य् असुखरश्मिवान् ॥
ईर्षूणां मम पुत्राणां वासुदेवावरोधनम् ॥
मत्तमातङ्गदर्पाणां पश्यन्त्य् अद्य पृथग्जनाः ॥
rathanīḍāni dehāṃś ca hatānāṃ gajavājinām ||
āśritāḥ śramamohārtāḥ sthitāḥ paśya mahābala ||
anyā cāpahṛtaṃ kāyāc cārukuṇḍalam unnasam ||
svasya bandhoḥ śiraḥ kṛṣṇa gṛhītvā paśya tiṣṭhati ||
pūrvajātikṛtaṃ pāpaṃ manye nālpam ivānagha ||
etābhir anavadyābhir mayā caivālpamedhayā ||
tad idaṃ dharmarājena yātitaṃ no janārdana ||
na hi nāśo 'sti vārṣṇeya karmaṇoḥ śubhapāpayoḥ ||
pratyagravayasaḥ paśya darśanīyakucodarāḥ ||
kuleṣu jātā hrīmatyaḥ kṛṣṇapakṣākṣimūrdhajāḥ ||
haṃsagadgadabhāṣiṇyo duḥkhaśokapramohitāḥ ||
sārasya iva vāśantyaḥ patitāḥ paśya mādhava ||
phullapadmaprakāśāni puṇḍarīkākṣa yoṣitām ||
anavadyāni vaktrāṇi tapaty asukharaśmivān ||
īrṣūṇāṃ mama putrāṇāṃ vāsudevāvarodhanam ||
mattamātaṅgadarpāṇāṃ paśyanty adya pṛthagjanāḥ ||
«Посмотри, могучий: измученные усталостью и помрачением, они стоят, опираясь на обломки колесниц и тела убитых слонов и коней. А другая, Кришна, держит голову своего родича, оторванную от тела, с красивой серьгой и высоким носом. Видишь, она стоит. Думаю, о безупречный, немалое зло было совершено в прежних рождениях этими непорочными женщинами и мной самой, маломудрой. Вот до чего мы доведены Дхармараджей, о Джанардана; ведь, о Варшнея, не исчезают плоды ни благой, ни дурной кармы. Посмотри, Мадхава, на юных женщин прекрасного тела, рождённых в благородных родах, стыдливых, темноглазых и темноволосых: помрачённые страданием и скорбью, они говорят сдавленно, кричат, словно самки журавлей, и падают. О лотосоокий, их безупречные лица, подобные распустившимся лотосам, палит солнце несчастья. Женские покои моих сыновей, завистливых и гордых как пьяные слоны, сегодня видят простые люди».
f68118139335 · publicado 20 jun 2026, 14:08:16 UTC
Disponible enRUPasa de verso en verso con
Здесь Гандхари ищет причину страдания в карме, но не снимает ответственности с живых. В её словах боль смешана с горьким признанием: гордость царских домов стала публичным унижением.