वैशंपायन उवाच
ततः स च हृषीकेशः स च राजा युधिष्ठिरः ॥
कृपादयश् च ते सर्वे चत्वारः पाण्डवाश् च ह ॥
रथैस् ते नगराकारैः पताकाध्वजशोभितैः ॥
ययुर् आशु कुरुक्षेत्रं वाजिभिः शीघ्रगामिभिः ॥
ते ऽवतीर्य कुरुक्षेत्रं केशमज्जास्थिसंकुलम् ॥
देहन्यासः कृतो यत्र क्षत्रियैस् तैर् महात्मभिः ॥
गजाश्वदेहास्थिचयैः पर्वतैर् इव संचितम् ॥
नरशीर्षकपालैश् च शङ्खैर् इव समाचितम् ॥
चितासहस्रैर् निचितं वर्मशस्त्रसमाकुलम् ॥
आपानभूमिं कालस्य तदा भुक्तोज्झिताम् इव ॥
भूतसंघानुचरितं रक्षोगणनिषेवितम् ॥
पश्यन्तस् ते कुरुक्षेत्रं ययुर् आशु महारथाः ॥
गच्छन्न् एव महाबाहुः सर्वयादवनन्दनः ॥
युधिष्ठिराय प्रोवाच जामदग्न्यस्य विक्रमम् ॥
अमी रामह्रदाः पञ्च दृश्यन्ते पार्थ दूरतः ॥
येषु संतर्पयाम् आस पूर्वान् क्षत्रियशोणितैः ॥
त्रिःसप्तकृत्वो वसुधां कृत्वा निःक्षत्रियां प्रभुः ॥
इहेदानीं ततो रामः कर्मणो विरराम ह ॥
vaiśaṃpāyana uvāca
tataḥ sa ca hṛṣīkeśaḥ sa ca rājā yudhiṣṭhiraḥ ||
kṛpādayaś ca te sarve catvāraḥ pāṇḍavāś ca ha ||
rathais te nagarākāraiḥ patākādhvajaśobhitaiḥ ||
yayur āśu kurukṣetraṃ vājibhiḥ śīghragāmibhiḥ ||
te 'vatīrya kurukṣetraṃ keśamajjāsthisaṃkulam ||
dehanyāsaḥ kṛto yatra kṣatriyais tair mahātmabhiḥ ||
gajāśvadehāsthicayaiḥ parvatair iva saṃcitam ||
naraśīrṣakapālaiś ca śaṅkhair iva samācitam ||
citāsahasrair nicitaṃ varmaśastrasamākulam ||
āpānabhūmiṃ kālasya tadā bhuktojjhitām iva ||
bhūtasaṃghānucaritaṃ rakṣogaṇaniṣevitam ||
paśyantas te kurukṣetraṃ yayur āśu mahārathāḥ ||
gacchann eva mahābāhuḥ sarvayādavanandanaḥ ||
yudhiṣṭhirāya provāca jāmadagnyasya vikramam ||
amī rāmahradāḥ pañca dṛśyante pārtha dūrataḥ ||
yeṣu saṃtarpayām āsa pūrvān kṣatriyaśoṇitaiḥ ||
triḥsaptakṛtvo vasudhāṃ kṛtvā niḥkṣatriyāṃ prabhuḥ ||
ihedānīṃ tato rāmaḥ karmaṇo virarāma ha ||
Вайшампаяна сказал: затем Хришикеша, царь Юдхиштхира, Крипа и все прочие, а также четверо Пандавов быстро отправились на Курукшетру на огромных колесницах, сияющих стягами и знамёнами, с быстроногими конями. Прибыв на Курукшетру, они увидели поле, полное волос, мозга и костей, где великодушные кшатрии оставили свои тела. Оно было нагромождено, словно горами, кучами тел и костей слонов и коней, усеяно человеческими черепами, как раковинами, покрыто тысячами погребальных костров, полно доспехов и оружия, словно пиршественная земля Времени, съеденная и брошенная после трапезы. По этому месту ходили сонмы духов, его посещали толпы ракшасов; видя такое Курукшетру, великие колесничие быстро ехали дальше. По дороге сильнорукий Кришна, радость всех Ядавов, сказал Юдхиштхире о подвиге Джамадагньи: «Вон издали видны пять озёр Рамы, Партха. В них он насытил предков кровью кшатриев. Трижды семь раз сделав землю лишённой кшатриев, могущественный Рама здесь прекратил это дело».
7f826d8f0dda · publicado 20 jun 2026, 17:19:00 UTC
Disponible enRUPasa de verso en verso con
Путь к Бхишме проходит через поле смерти. Вид Курукшетры напоминает, что наставление о дхарме будет дано не в отвлечённости, а среди последствий войны и памяти о прежних циклах истребления.