अनीकयोः संहतयोर् यदीयाद् ब्राह्मणो ऽन्तरा ॥
शान्तिम् इच्छन्न् उभयतो न योद्धव्यं तदा भवेत् ॥
मर्यादां शाश्वतीं भिन्द्याद् ब्राह्मणं यो ऽभिलङ्घयेत् ॥
अथ चेल् लङ्घयेद् एनां मर्यादां क्षत्रियब्रुवः ॥
अप्रशस्यस् तद् ऊर्ध्वं स्याद् अनादेयश् च संसदि ॥
या तु धर्मविलोपेन मर्यादाभेदनेन च ॥
तां वृत्तिं नानुवर्तेत विजिगीषुर् महीपतिः ॥
धर्मलब्धाद् धि विजयात् को लाभो ऽभ्यधिको भवेत् ॥
सहसा नाम्य भूतानि क्षिप्रम् एव प्रसादयेत् ॥
सान्त्वेन भोगदानेन स राज्ञां परमो नयः ॥
भुज्यमाना ह्य् अयोगेन स्वराष्ट्राद् अभितापिताः ॥
अमित्रान् पर्युपासीरन् व्यसनौघप्रतीक्षिणः ॥
अमित्रोपग्रहं चास्य ते कुर्युः क्षिप्रम् आपदि ॥
संदुष्टाः सर्वतो राजन् राजव्यसनकाङ्क्षिणः ॥
नामित्रो विनिकर्तव्यो नातिच्छेद्यः कथं चन ॥
जीवितं ह्य् अप्य् अतिच्छिन्नः संत्यजत्य् एकदा नरः ॥
अल्पेनापि हि संयुक्तस् तुष्यत्य् एवापराधिकः ॥
शुद्धं जीवितम् एवापि तादृशो बहु मन्यते ॥
anīkayoḥ saṃhatayor yadīyād brāhmaṇo 'ntarā ||
śāntim icchann ubhayato na yoddhavyaṃ tadā bhavet ||
maryādāṃ śāśvatīṃ bhindyād brāhmaṇaṃ yo 'bhilaṅghayet ||
atha cel laṅghayed enāṃ maryādāṃ kṣatriyabruvaḥ ||
apraśasyas tad ūrdhvaṃ syād anādeyaś ca saṃsadi ||
yā tu dharmavilopena maryādābhedanena ca ||
tāṃ vṛttiṃ nānuvarteta vijigīṣur mahīpatiḥ ||
dharmalabdhād dhi vijayāt ko lābho 'bhyadhiko bhavet ||
sahasā nāmya bhūtāni kṣipram eva prasādayet ||
sāntvena bhogadānena sa rājñāṃ paramo nayaḥ ||
bhujyamānā hy ayogena svarāṣṭrād abhitāpitāḥ ||
amitrān paryupāsīran vyasanaughapratīkṣiṇaḥ ||
amitropagrahaṃ cāsya te kuryuḥ kṣipram āpadi ||
saṃduṣṭāḥ sarvato rājan rājavyasanakāṅkṣiṇaḥ ||
nāmitro vinikartavyo nāticchedyaḥ kathaṃ cana ||
jīvitaṃ hy apy aticchinnaḥ saṃtyajaty ekadā naraḥ ||
alpenāpi hi saṃyuktas tuṣyaty evāparādhikaḥ ||
śuddhaṃ jīvitam evāpi tādṛśo bahu manyate ||
«Если между двумя сомкнутыми войсками выходит брахман, желая мира для обеих сторон, тогда нельзя сражаться. Тот, кто переступает брахмана, нарушает вечную границу. Если называющий себя кшатрием нарушит эту границу, после этого он становится порицаемым и недостойным в собрании. Царь, желающий победить, не должен следовать поведению, которое разрушает дхарму и ломает границу. Какая выгода может быть выше победы, полученной дхармой? Даже внезапно покорив людей, царь должен быстро умиротворить их мягкой речью и дарением благ — это высшая политика царей. Если побеждённых используют неподобающим образом и мучают в собственной области, они будут служить врагам, ожидая потока бедствий; озлобленные со всех сторон и желающие падения царя, они быстро поддержат врага при опасности. Врага не следует полностью отсекать и никак нельзя чрезмерно доводить до края: загнанный человек однажды отказывается даже от жизни. Даже малым наделённый виновный удовлетворяется; такой человек высоко ценит даже просто сохранённую чистую жизнь».
7d161529e92a · publicado 20 jun 2026, 20:01:31 UTC
Disponible enRUPasa de verso en verso con
Брахман между войсками воплощает границу дхармы: переступить её значит переступить сам порядок. После победы важна не жестокость, а быстрое умиротворение, потому что униженный враг становится будущей опорой нового врага.