मनुष्ययोनिम् इच्छन्ति सर्वभूतानि सर्वशः ॥
मनुष्यत्वे च विप्रत्वं सर्व एवाभिनन्दति ॥
मनुष्यो ब्राह्मणश् चासि श्रोत्रियश् चासि काश्यप ॥
सुदुर्लभम् अवाप्यैतद् अदोषान् मर्तुम् इच्छसि ॥
सर्वे लाभाः साभिमाना इति सत्या बत श्रुतिः ॥
संतोषणीयरूपो ऽसि लोभाद् यद् अभिमन्यसे ॥
अहो सिद्धार्थता तेषां येषां सन्तीह पाणयः ॥
पाणिमद्भ्यः स्पृहास्माकं यथा तव धनस्य वै ॥
न पाणिलाभाद् अधिको लाभः कश् चन विद्यते ॥
अपाणित्वाद् वयं ब्रह्मन् कण्टकान् नोद्धरामहे ॥
अथ येषां पुनः पाणी देवदत्तौ दशाङ्गुली ॥
उद्धरन्ति कृमीन् अङ्गाद् दशमानान् कषन्ति च ॥
हिमवर्षातपानां च परित्राणानि कुर्वते ॥
चेलम् अन्नं सुखं शय्यां निवातं चोपभुञ्जते ॥
अधिष्ठाय च गां लोके भुञ्जते वाहयन्ति च ॥
उपायैर् बहुभिश् चैव वश्यान् आत्मनि कुर्वते ॥
ये खल्व् अजिह्वाः कृपणा अल्पप्राणा अपाणयः ॥
सहन्ते तानि दुःखानि दिष्ट्या त्वं न तथा मुने ॥
दिष्ट्या त्वं न सृगालो वै न कृमिर् न च मूषकः ॥
न सर्पो न च मण्डूको न चान्यः पापयोनिजः ॥
एतावतापि लाभेन तोष्टुम् अर्हसि काश्यप ॥
किं पुनर् यो ऽसि सत्त्वानां सर्वेषां ब्राह्मणोत्तमः ॥
manuṣyayonim icchanti sarvabhūtāni sarvaśaḥ ||
manuṣyatve ca vipratvaṃ sarva evābhinandati ||
manuṣyo brāhmaṇaś cāsi śrotriyaś cāsi kāśyapa ||
sudurlabham avāpyaitad adoṣān martum icchasi ||
sarve lābhāḥ sābhimānā iti satyā bata śrutiḥ ||
saṃtoṣaṇīyarūpo 'si lobhād yad abhimanyase ||
aho siddhārthatā teṣāṃ yeṣāṃ santīha pāṇayaḥ ||
pāṇimadbhyaḥ spṛhāsmākaṃ yathā tava dhanasya vai ||
na pāṇilābhād adhiko lābhaḥ kaś cana vidyate ||
apāṇitvād vayaṃ brahman kaṇṭakān noddharāmahe ||
atha yeṣāṃ punaḥ pāṇī devadattau daśāṅgulī ||
uddharanti kṛmīn aṅgād daśamānān kaṣanti ca ||
himavarṣātapānāṃ ca paritrāṇāni kurvate ||
celam annaṃ sukhaṃ śayyāṃ nivātaṃ copabhuñjate ||
adhiṣṭhāya ca gāṃ loke bhuñjate vāhayanti ca ||
upāyair bahubhiś caiva vaśyān ātmani kurvate ||
ye khalv ajihvāḥ kṛpaṇā alpaprāṇā apāṇayaḥ ||
sahante tāni duḥkhāni diṣṭyā tvaṃ na tathā mune ||
diṣṭyā tvaṃ na sṛgālo vai na kṛmir na ca mūṣakaḥ ||
na sarpo na ca maṇḍūko na cānyaḥ pāpayonijaḥ ||
etāvatāpi lābhena toṣṭum arhasi kāśyapa ||
kiṃ punar yo 'si sattvānāṃ sarveṣāṃ brāhmaṇottamaḥ ||
Индра-шакал сказал: «Все существа во всех отношениях желают человеческого рождения, а в человеческом рождении все особенно радуются брахманству. Ты человек, ты брахман и знаток Веды, Кашьяпа. Получив столь труднодостижимое, ты хочешь умереть без всякой вины. Истинно предание: все приобретения несут самомнение. Ты уже имеешь всё, чем следует быть довольным, но из-за жадности думаешь иначе. О, как достигли цели те, у кого здесь есть руки! Мы желаем обладать руками так же, как ты желаешь богатства. Нет приобретения выше обретения рук. Мы, безрукие, не можем вынуть колючки, о брахман. А те, у кого есть руки, данные богами и снабжённые десятью пальцами, вынимают из тела кусающих червей и чешут укусы. Они защищаются от холода, дождя и жара, пользуются одеждой, пищей, удобной постелью и местом без ветра. Занимая землю, они пользуются ею, ездят на ней и многими средствами подчиняют себе других. Жалкие существа без языка, слабые и безрукие, терпят эти страдания; к счастью, ты не таков, муни. К счастью, ты не шакал, не червь, не мышь, не змея, не лягушка и не другое существо дурного рождения. Уже этим приобретением ты должен быть доволен, Кашьяпа. Что уж говорить о том, что среди всех существ ты — лучший брахман?»
a80a5381887d · publicado 20 jun 2026, 23:06:26 UTC
Disponible enRUPasa de verso en verso con
Индра лечит отчаяние сравнением с более тяжёлыми состояниями. Благодарность начинается с видения уже полученного: человеческого тела, рук, речи, разума и возможности дхармы.