अवज्ञानेन कुरुते न तुष्यति न शोचति ॥
ईदृशो जापको याति निरयं नात्र संशयः ॥
अहंकारकृतश् चैव सर्वे निरयगामिनः ॥
परावमानी पुरुषो भविता निरयोपगः ॥
अभिध्यापूर्वकं जप्यं कुरुते यश् च मोहितः ॥
यत्राभिध्यां स कुरुते तं वै निरयम् ऋच्छति ॥
अथैश्वर्यप्रवृत्तः सञ् जापकस् तत्र रज्यते ॥
स एव निरयस् तस्य नासौ तस्मात् प्रमुच्यते ॥
रागेण जापको जप्यं कुरुते तत्र मोहितः ॥
यत्रास्य रागः पतति तत्र तत्रोपजायते ॥
दुर्बुद्धिर् अकृतप्रज्ञश् चले मनसि तिष्ठति ॥
चलाम् एव गतिं याति निरयं वाधिगच्छति ॥
अकृतप्रज्ञको बालो मोहं गच्छति जापकः ॥
स मोहान् निरयं याति तत्र गत्वानुशोचति ॥
दृढग्राही करोमीति जप्यं जपति जापकः ॥
न संपूर्णो न वा युक्तो निरयं सो ऽधिगच्छति ॥
avajñānena kurute na tuṣyati na śocati ||
īdṛśo jāpako yāti nirayaṃ nātra saṃśayaḥ ||
ahaṃkārakṛtaś caiva sarve nirayagāminaḥ ||
parāvamānī puruṣo bhavitā nirayopagaḥ ||
abhidhyāpūrvakaṃ japyaṃ kurute yaś ca mohitaḥ ||
yatrābhidhyāṃ sa kurute taṃ vai nirayam ṛcchati ||
athaiśvaryapravṛttaḥ sañ jāpakas tatra rajyate ||
sa eva nirayas tasya nāsau tasmāt pramucyate ||
rāgeṇa jāpako japyaṃ kurute tatra mohitaḥ ||
yatrāsya rāgaḥ patati tatra tatropajāyate ||
durbuddhir akṛtaprajñaś cale manasi tiṣṭhati ||
calām eva gatiṃ yāti nirayaṃ vādhigacchati ||
akṛtaprajñako bālo mohaṃ gacchati jāpakaḥ ||
sa mohān nirayaṃ yāti tatra gatvānuśocati ||
dṛḍhagrāhī karomīti japyaṃ japati jāpakaḥ ||
na saṃpūrṇo na vā yukto nirayaṃ so 'dhigacchati ||
«Кто совершает джапу с пренебрежением, не удовлетворяется и не раскаивается, такой джапака идёт в ад, в этом нет сомнения. Все, кто действует из эгоизма, идут в ад; человек, презирающий других, непременно достигнет ада. Омрачённый, который совершает джапу с желанием, достигает именно того ада, куда направлено его желание. Если джапака устремлён к власти и привязывается к ней, это и становится его адом, и он не освобождается от него. Если он совершает повторение из привязанности, то рождается там, куда падает его привязанность. Дурноразумный, не обретший мудрость, стоит в колеблющемся уме и получает колеблющуюся участь или достигает ада. Незрелый джапака, не обретший мудрость, идёт к заблуждению; из заблуждения он идёт в ад и, попав туда, скорбит. Джапака, который упрямо держится мысли “я делаю” и так повторяет, не будучи ни цельным, ни сосредоточенным, достигает ада».
8432f4de7cca · publicado 21 jun 2026, 0:09:20 UTC
Disponible enRUPasa de verso en verso con
Список падений показывает внутренние искажения практики: пренебрежение, эгоизм, презрение, желание власти, привязанность и чувство делателя. Джапа очищает только тогда, когда не кормит эти узлы.