स्वामिन्सुखसमाराध्यं वक्त्रं ते कथमानतम् । अश्रुभिर्लक्ष्यते राहुग्रस्तदेहः शशीव ते
सर्वं मे कारणं तथ्यं ब्रूहि मां किं करोमि ते । त्यज दुःखं महाराज कथं दुःखस्य भाजनम्
एवं भ्रात्रा प्रोच्यमानो गद्गदस्वरया गिरा । प्रोवाच भ्रातरं वीरो रामचन्द्रश्च धार्मिकः
शृणु भ्रातर्वचो मह्यं मम दुःखस्य कारणम् । तन्मार्जनं कुरुष्वाद्य भ्रातः प्रातर्महामते
वंशे वैवस्वते राजा न कश्चिदयशःक्षतः । मत्कीर्तिरद्य कलुषा गङ्गा यमुनया गता
येषां यशो नृणां भूमौ तेषामेव सुजीवितम् । अपकीर्तिक्षतानां तु जीवितं मृतकैः समम्
येषां यशो भवेद्भूमौ तेषां लोकाः सनातनाः । अपकीर्त्युरगैर्दष्टास्तेषां भूयादधोगतिः
अद्य मे कलुषा कीर्तिः स्वर्धुनी लोकविश्रुता । तच्छृणुष्व वचो मेऽद्य रजकेन यथोदितम्
अस्मिन्पुरेऽद्य रजक उक्तवाञ्जानकीभवम् । किञ्चिद्वाच्यं ततो भ्रातः किं करोमि महीतले
किमात्मानं जहाम्यद्य किमेनां जानकीं स्त्रियम् । उभयोः किं मया कार्यं भवांस्तथ्यं ब्रवीतु तत्
इत्युक्त्वा निर्गलद्बाष्पो वेपथुः क्षुभिताङ्गकः । पपात भूमौ विरजो धार्मिकाणां शिरोमणिः
भ्रातरं पतितं दृष्ट्वा भरतो दुःखसंयुतः । संवीज्य शनकै रामं प्राप्तसंज्ञं चकार सः
संज्ञां प्राप्तं तु संवीक्ष्य रामचन्द्रं सुदुःखितम् । उवाच दुःखनाशाय वाक्यं तु सुमनोहरम्
svāminsukhasamārādhyaṃ vaktraṃ te kathamānatam | aśrubhirlakṣyate rāhugrastadehaḥ śaśīva te
sarvaṃ me kāraṇaṃ tathyaṃ brūhi māṃ kiṃ karomi te | tyaja duḥkhaṃ mahārāja kathaṃ duḥkhasya bhājanam
evaṃ bhrātrā procyamāno gadgadasvarayā girā | provāca bhrātaraṃ vīro rāmacandraśca dhārmikaḥ
śṛṇu bhrātarvaco mahyaṃ mama duḥkhasya kāraṇam | tanmārjanaṃ kuruṣvādya bhrātaḥ prātarmahāmate
vaṃśe vaivasvate rājā na kaścidayaśaḥkṣataḥ | matkīrtiradya kaluṣā gaṅgā yamunayā gatā
yeṣāṃ yaśo nṛṇāṃ bhūmau teṣāmeva sujīvitam | apakīrtikṣatānāṃ tu jīvitaṃ mṛtakaiḥ samam
yeṣāṃ yaśo bhavedbhūmau teṣāṃ lokāḥ sanātanāḥ | apakīrtyuragairdaṣṭāsteṣāṃ bhūyādadhogatiḥ
adya me kaluṣā kīrtiḥ svardhunī lokaviśrutā | tacchṛṇuṣva vaco me'dya rajakena yathoditam
asminpure'dya rajaka uktavāñjānakībhavam | kiñcidvācyaṃ tato bhrātaḥ kiṃ karomi mahītale
kimātmānaṃ jahāmyadya kimenāṃ jānakīṃ striyam | ubhayoḥ kiṃ mayā kāryaṃ bhavāṃstathyaṃ bravītu tat
ityuktvā nirgaladbāṣpo vepathuḥ kṣubhitāṅgakaḥ | papāta bhūmau virajo dhārmikāṇāṃ śiromaṇiḥ
bhrātaraṃ patitaṃ dṛṣṭvā bharato duḥkhasaṃyutaḥ | saṃvījya śanakai rāmaṃ prāptasaṃjñaṃ cakāra saḥ
saṃjñāṃ prāptaṃ tu saṃvīkṣya rāmacandraṃ suduḥkhitam | uvāca duḥkhanāśāya vākyaṃ tu sumanoharam
«„О владыка, отчего поникло твоё лицо, легко радуемое? Слезами видится оно, как месяц с телом, поглощённым Раху. Скажи мне всю истинную причину; что мне сделать для тебя? Оставь страдание, о великий царь; как ты — вместилище страдания?“ Так упрашиваемый братом, герой Рамачандра, праведный, сказал брату речью, прерывающимся голосом: „Слушай, о брат, моё слово — причину моего страдания; ныне поутру соверши его устранение, о великоразумный. В роду Вивасвана не было царя, уязвлённого бесславием; а моя слава ныне замутнена — как Ганга, ставшая Ямуной. У которых людей есть слава на земле, у тех и добрая жизнь; а у уязвлённых бесславием жизнь равна мёртвым. У которых будет слава на земле, у тех миры вечные; а ужаленным змиями бесславия да будет падение вниз. Ныне замутнена моя слава, небесная река, прославленная в мирах; слушай же то слово, как сказано прачкой. В этом городе прачка сказал нечто хулительное, касающееся Джанаки; что мне делать после того на земле? Себя ли оставлю я ныне или её, Джанаки, жену? Из двух что должно быть сделано мною — то скажи ты“. Сказав так, с текущими слезами, дрожащий, с содрогающимся телом, пал на землю беспорочный венец праведных. Увидев брата павшим, Бхарата, исполненный скорби, тихо обмахивая, сделал Раму обретшим сознание. Увидев его, обретшего сознание, весьма скорбящего, сказал он ради устранения скорби весьма чарующее слово.»
deeb5b2f75b3 · publicado 3 sept 2026, 4:13:47 UTC
Disponible enRUPasa de verso en verso con
Рама называет вещи прямо: слава для него — как Ганга, и она замутнена. Выбор он ставит только между собой и Ситой, и первым называет себя. И падает не от бессилия — от того, что этот выбор придётся сделать самому.