ताभ्यां पुच्छगृहीतौ तौ वानरौ वीक्ष्य जानकी । हनूमन्तं च सुग्रीवं सर्ववीरं कपीश्वरम्
जहास पाशबद्धौ तौ वीक्षमाणा वराङ्गना । उवाच च विमोक्षार्थं वदन्ती वचनं परम्
पुत्रौ प्रमुञ्चतं कीशौ महावीरौ महाबलौ । द्रक्ष्यतो मां यदि स्फीतौ प्राणत्यागं करिष्यतः
अयं वै हनुमान्वीरो यो ददाह दनोः पुरीम् । अयमप्यक्षराजो हि सर्ववानरभूमिपः
किमर्थं विधृतौ कुत्र किं वा कृतमनादरात् । पुच्छे युवाभ्यां विधृतौ स महान्विस्मयोऽस्ति मे
इति मातुर्वचः श्लक्ष्णं श्रुत्वा तां पुत्रकौ तदा । ऊचतुर्विनयश्रेष्ठौ महाबलसमन्वितौ
मातः कश्चन भूपालो रामो दाशरथिर्बली । तेन मुक्तो हयः स्वर्णभालपत्रः सुशोभितः
तत्रैवं लिखितं मातरेकवीरा प्रसूर्मम । ये क्षात्त्रियास्ते गृह्णन्तु नोचेत्पादतलार्चकाः
तदा मया विचारो वै कृतः स्वान्ते पतिव्रते । भवती क्षत्त्रिया किं न वीरसूः किं न वा भवेत्
पत्रं तद्वीक्ष्य भूपस्य गृहीतोऽश्वो मया बलात् । जितं कुशेन वीरेण सैन्यं तत्पातितं रणे
मुकुटोऽयं भूमिपतेर्जानीहि पतिदेवते । अयमप्यन्यवीरस्य पुष्कलस्य महात्मनः
जानीहि मुकुटं त्वन्यं मणिमुक्ताविराजितम् । अश्वोऽयं मे मनोहारी कामयानो हि भूपतेः
आरोहणाय मद्भ्रातुर्जानीहि बलिनो वरे । इमौ कीशौ मया रन्तुमानीतौ बलिनां वरौ
कौतुकार्थं तवैवैतौ सङ्ग्रामे युद्धकारकौ । इति वाक्यं समाकर्ण्य जानकी पतिदेवता
tābhyāṃ pucchagṛhītau tau vānarau vīkṣya jānakī | hanūmantaṃ ca sugrīvaṃ sarvavīraṃ kapīśvaram
jahāsa pāśabaddhau tau vīkṣamāṇā varāṅganā | uvāca ca vimokṣārthaṃ vadantī vacanaṃ param
putrau pramuñcataṃ kīśau mahāvīrau mahābalau | drakṣyato māṃ yadi sphītau prāṇatyāgaṃ kariṣyataḥ
ayaṃ vai hanumānvīro yo dadāha danoḥ purīm | ayamapyakṣarājo hi sarvavānarabhūmipaḥ
kimarthaṃ vidhṛtau kutra kiṃ vā kṛtamanādarāt | pucche yuvābhyāṃ vidhṛtau sa mahānvismayo'sti me
iti māturvacaḥ ślakṣṇaṃ śrutvā tāṃ putrakau tadā | ūcaturvinayaśreṣṭhau mahābalasamanvitau
mātaḥ kaścana bhūpālo rāmo dāśarathirbalī | tena mukto hayaḥ svarṇabhālapatraḥ suśobhitaḥ
tatraivaṃ likhitaṃ mātarekavīrā prasūrmama | ye kṣāttriyāste gṛhṇantu nocetpādatalārcakāḥ
tadā mayā vicāro vai kṛtaḥ svānte pativrate | bhavatī kṣattriyā kiṃ na vīrasūḥ kiṃ na vā bhavet
patraṃ tadvīkṣya bhūpasya gṛhīto'śvo mayā balāt | jitaṃ kuśena vīreṇa sainyaṃ tatpātitaṃ raṇe
mukuṭo'yaṃ bhūmipaterjānīhi patidevate | ayamapyanyavīrasya puṣkalasya mahātmanaḥ
jānīhi mukuṭaṃ tvanyaṃ maṇimuktāvirājitam | aśvo'yaṃ me manohārī kāmayāno hi bhūpateḥ
ārohaṇāya madbhrāturjānīhi balino vare | imau kīśau mayā rantumānītau balināṃ varau
kautukārthaṃ tavaivaitau saṅgrāme yuddhakārakau | iti vākyaṃ samākarṇya jānakī patidevatā
«Увидев тех двух обезьян, взятых ими за хвост, — Ханумана и Сугриву, владыку обезьян, чтимого всеми героями, — Джанаки рассмеялась, глядя на связанных петлёй, прекрасная жена, и сказала ради их освобождения высшее слово: „О сыновья, отпустите обезьян, великих героев, великих силой; если славные увидят меня, они совершат оставление жизни. Это герой Хануман, который сжёг город потомка Дану; а этот — царь Акша, владыка всех обезьян. Зачем они схвачены и где? Или что сделано по неуважению? Вами двумя схвачены они за хвост — то великое изумление есть у меня“. Услышав это ласковое слово матери, сыночки, превосходные в почтительности, наделённые великой силой, сказали ей тогда: „О мать, некий владыка земли, могучий Рама, сын Дашаратхи, отпустил коня с золотой пластиной на лбу, прекрасного. Там написано так, о мать: ‚Единственного героя родила моя мать; кто кшатрии — те да возьмут его, если же нет — те почитатели подошв стоп‘. Тогда я поразмыслил в сердце, о верная мужу: разве ты не кшатрийка? Разве не родила ты героя? Увидев ту пластину царя, я силой взял коня; войско было одолено героем Кушей и повержено в битве. Этот венец — владыки земли, знай, о чтящая мужа как божество; а этот — другого героя, Пушкалы, великого душою. Знай же и другой венец, сияющий самоцветами и жемчугом. Этот конь, пленяющий мой ум, желанный царю, — для верховой езды моему брату, знай, о лучшая. Эти две обезьяны, лучшие из сильных, приведены мною для забавы — ради твоего же любопытства, сражавшиеся в битве“. Услышав это слово, Джанаки, чтящая мужа как божество…»
9253ec16ae94 · publicado 3 sept 2026, 4:13:48 UTC
Disponible enRUPasa de verso en verso con
Сита узнаёт пленников мгновенно и первым делом смеётся — а потом требует отпустить, объяснив причину: они умрут от стыда, если она их такими увидит. Мальчики же наконец рассказывают, с чего всё началось: надпись на золотой пластине, вызов всем кшатриям. Лава принял его именно потому, что подумал о матери: разве ты не кшатрийка, разве не родила героя? Вся война выросла из сыновнего желания доказать, кто их мать.