नारद उवाच
प्रेता यामि ततः स्नातुं रेवावारिणि माधवम् । मासि मेषस्थिते भानावेतैरनुगतो नरैः
पञ्चैव ते पुनर्मोहाज्जातपातकसञ्जयाः । स्नातुमायान्ति वचसा ममैव करुणावतः
तावद्भवन्तस्तु निदेशतो मे तिष्ठन्तु तत्रैव वने विशोकाः । श्रीनर्मदावारिणि यावदेव गत्वा निजस्नानविधिं विधाय
निर्माय पुरुषानपि नाम तस्मात्कुशस्वरूपानिह नर्मदायाम् । विधानतो माधवमासि दीनान्निमज्जयामीति दयानिबद्धः
एवं दिनत्रयेणैव मुक्तिर्वः प्रेतयोनितः । सदर्भबटुकस्नानमात्रेणैव न संशयः
एवमुक्तस्ततस्तैस्तु प्रतीतैरपि पूजितः । मुनिशर्मा ययावेतैरनुयातस्तु पञ्चभिः
तत्र गत्वा ततः प्रातः स्नात्वा कृत्वा तथा विधिम् । स्नापयामास तान्प्रेतान्नामतो दर्भनिर्मितान्
स्मृताश्च मुनिना तीर्थे स्नापिता नामतस्तथा । प्रेताः पुण्यवता तेन सद्यो मुक्ता दिवं ययुः
ते पापिनः पञ्च यदैव रेवाजले निमग्ना वचसैव तस्य । श्रीमाधवे मासि विवर्णदेहाः सद्यः सुवर्णैकरुचो बभूवुः
पापप्रशमनं स्तोत्रं श्राविता मुनिशर्मणा । समक्षं सर्वलोकानां जातास्ते वरकान्तयः
तत्रस्था मानवास्तांस्तु विरजान्स्नानमात्रतः । न स्पृशन्ति च राजेन्द्र पापिसंसर्गशङ्कया
मुनिशर्मानुरोधेन ततो धर्मप्रमाणतः । सद्यो दिव्याऽभवद्वाणी यदेते विगतैनसः
स्नातानां माधवे मासि मुकुन्दहृदयात्मनाम् । पापप्रशमनं स्तोत्रं शृण्वतामिह सादरम्
चित्रं किमत्र या शुद्धिर्जायते पापसञ्चयात् । सर्वेषामेव पापानां प्रायश्चित्तमिदं परम्
यत्प्रातर्माधवे मासि भक्त्या तीर्थेऽवगाहनम् । यतः प्रेतास्तु ते पापाः स्नापिता नाममात्रतः
स्मृताः पुण्यवता तेन मोचिता मुनिशर्मणा
pretā yāmi tataḥ snātuṃ revāvāriṇi mādhavam | māsi meṣasthite bhānāvetairanugato naraiḥ
pañcaiva te punarmohājjātapātakasañjayāḥ | snātumāyānti vacasā mamaiva karuṇāvataḥ
tāvadbhavantastu nideśato me tiṣṭhantu tatraiva vane viśokāḥ | śrīnarmadāvāriṇi yāvadeva gatvā nijasnānavidhiṃ vidhāya
nirmāya puruṣānapi nāma tasmātkuśasvarūpāniha narmadāyām | vidhānato mādhavamāsi dīnānnimajjayāmīti dayānibaddhaḥ
evaṃ dinatrayeṇaiva muktirvaḥ pretayonitaḥ | sadarbhabaṭukasnānamātreṇaiva na saṃśayaḥ
evamuktastatastaistu pratītairapi pūjitaḥ | muniśarmā yayāvetairanuyātastu pañcabhiḥ
tatra gatvā tataḥ prātaḥ snātvā kṛtvā tathā vidhim | snāpayāmāsa tānpretānnāmato darbhanirmitān
smṛtāśca muninā tīrthe snāpitā nāmatastathā | pretāḥ puṇyavatā tena sadyo muktā divaṃ yayuḥ
te pāpinaḥ pañca yadaiva revājale nimagnā vacasaiva tasya | śrīmādhave māsi vivarṇadehāḥ sadyaḥ suvarṇaikaruco babhūvuḥ
pāpapraśamanaṃ stotraṃ śrāvitā muniśarmaṇā | samakṣaṃ sarvalokānāṃ jātāste varakāntayaḥ
tatrasthā mānavāstāṃstu virajānsnānamātrataḥ | na spṛśanti ca rājendra pāpisaṃsargaśaṅkayā
muniśarmānurodhena tato dharmapramāṇataḥ | sadyo divyā'bhavadvāṇī yadete vigatainasaḥ
snātānāṃ mādhave māsi mukundahṛdayātmanām | pāpapraśamanaṃ stotraṃ śṛṇvatāmiha sādaram
citraṃ kimatra yā śuddhirjāyate pāpasañcayāt | sarveṣāmeva pāpānāṃ prāyaścittamidaṃ param
yatprātarmādhave māsi bhaktyā tīrthe'vagāhanam | yataḥ pretāstu te pāpāḥ snāpitā nāmamātrataḥ
smṛtāḥ puṇyavatā tena mocitā muniśarmaṇā
«„О преты, иду затем омыться в воде Ревы, Мадхаву, в месяце, когда солнце в Овне, сопровождаемый этими людьми. Те пятеро, у коих по заблуждению вновь накопились грехи, идут омыться именно по моему слову, сострадательного. Покамест вы по моему указанию пребудьте там же, в лесу, без скорби, — покуда я, придя, в воде Шри-Нармады совершу своё омовение по уставу и, сотворив из того людей по имени, в виде травы куша, здесь, в Нармаде, по уставу, в месяце мадхаве, убогих погружу“, — так связанный состраданием. „Так, именно за три дня, освобождение вам от лона претов — одним лишь омовением отроков из травы дарбха, нет сомнения“. Так сказавший, затем почтён ими, уверовавшими, Мунишарман пошёл, сопровождаемый теми пятерыми. Придя туда, затем поутру омывшись и совершив устав, омыл он тех претов поимённо, сделанных из дарбхи; и помянутые мудрецом в тиртхе, омытые поимённо, преты тем заслуженным тотчас освобождённые, ушли на небо. Те пятеро грешников, лишь только погрузились в воду Ревы именно по его слову, в месяце Шри-Мадхавы, — с обесцвеченными телами тотчас стали единого золотого блеска. Славословие, усмиряющее грех, услышали они от Мунишармана на виду у всех людей и стали прекрасного сияния. Там бывшие люди их же, очистившихся одним лишь омовением, не касаются, о владыка царей, из опасения общения с грешниками.»
99e4e685f002 · publicado 3 sept 2026, 4:13:50 UTC
Disponible enRUPasa de verso en verso con
Претов, которых нельзя привести к реке, мудрец приводит подобием: фигурки из травы, омытые поимённо, — и этого довольно. А люди на берегу, увидев пятерых уже золотыми, всё равно сторонятся их: очищение опережает молву.