संवत्सरे तु याश्चैव एकादश्यो भवन्ति हि । तासां फलमवाप्नोति ह्यत्र मे नास्ति संशयः
इति मां केशवः प्राह शङ्खचक्रगदाधरः । सर्वान्परित्यज्य पुमान्मामेकं शरणं व्रजेत्
एकादश्यां निराहारस्ततः पापात्प्रमुच्यते । द्रव्यशुद्धिः कलौ नास्ति संस्कारः स्मार्त्त एव च
वैदिकस्तु कुतश्चापि प्राप्ते दुष्टे कलौ युगे । किं नु ते बहुनोक्तेन वायुपुत्र पुनः पुनः
एकादश्यां न भुञ्जीत पक्षयोरुभयोरपि । एकादश्यां सिते पक्षे ज्येष्ठे मास्युदकं विना
पुण्यं फलमवाप्नोति तच्छृणुष्व वृकोदर । संवत्सरे तु याः प्रोक्ताः शुक्लाः कृष्णा वृकोदर
उपोसिता हि सर्वाः स्युरेकादश्यो न संशयः । धनधान्यप्रदा पुण्या पुत्रारोग्यशुभप्रदा
उपोषिता नरव्याघ्र इति सत्यं ब्रवीमि ते । यमदूता महाकायाः करालाः कृष्णरूपिणः
दण्डपाशधरा रौद्रा नोपसर्पन्ति तं परम् । पीताम्बरधराः सौम्याश्चक्रहस्ता मनोजवाः
अन्तकाले नयन्त्येते वैष्णवान्वैष्णवीं पुरीम् । तस्मात्सर्वप्रयत्नेन उपोष्योदकवर्जिता
जलधेनुँ तदा दत्त्वा सर्वपापैः प्रमुच्यते । ततस्त्वमस्यां कौन्तेय सोपवासोऽर्चनं हरेः
कुरु सर्वप्रयत्नेन सर्वपापप्रशान्तये । स्वप्ने न मेऽपराधोऽस्ति दन्तरागतयापि वा
भोक्ष्येऽपरेऽह्नि देवेश ह्यशनं वासराद्धरेः । इत्युच्चार्य ततो मन्त्रमुपवासपरो भवेत्
सर्वपापविनाशाय श्रद्धादमसमन्वितः । मेरुमन्दरमात्राघं स्त्रियां पुंसा च यत्कृतम्
सर्वं तद्भस्मतां याति एकादश्याः प्रभावतः । न शक्नुवन्ति ये दातुं जलधेनुं नराधिप
saṃvatsare tu yāścaiva ekādaśyo bhavanti hi | tāsāṃ phalamavāpnoti hyatra me nāsti saṃśayaḥ
iti māṃ keśavaḥ prāha śaṅkhacakragadādharaḥ | sarvānparityajya pumānmāmekaṃ śaraṇaṃ vrajet
ekādaśyāṃ nirāhārastataḥ pāpātpramucyate | dravyaśuddhiḥ kalau nāsti saṃskāraḥ smārtta eva ca
vaidikastu kutaścāpi prāpte duṣṭe kalau yuge | kiṃ nu te bahunoktena vāyuputra punaḥ punaḥ
ekādaśyāṃ na bhuñjīta pakṣayorubhayorapi | ekādaśyāṃ site pakṣe jyeṣṭhe māsyudakaṃ vinā
puṇyaṃ phalamavāpnoti tacchṛṇuṣva vṛkodara | saṃvatsare tu yāḥ proktāḥ śuklāḥ kṛṣṇā vṛkodara
upositā hi sarvāḥ syurekādaśyo na saṃśayaḥ | dhanadhānyapradā puṇyā putrārogyaśubhapradā
upoṣitā naravyāghra iti satyaṃ bravīmi te | yamadūtā mahākāyāḥ karālāḥ kṛṣṇarūpiṇaḥ
daṇḍapāśadharā raudrā nopasarpanti taṃ param | pītāmbaradharāḥ saumyāścakrahastā manojavāḥ
antakāle nayantyete vaiṣṇavānvaiṣṇavīṃ purīm | tasmātsarvaprayatnena upoṣyodakavarjitā
jaladhenum̐ tadā dattvā sarvapāpaiḥ pramucyate | tatastvamasyāṃ kaunteya sopavāso'rcanaṃ hareḥ
kuru sarvaprayatnena sarvapāpapraśāntaye | svapne na me'parādho'sti dantarāgatayāpi vā
bhokṣye'pare'hni deveśa hyaśanaṃ vāsarāddhareḥ | ityuccārya tato mantramupavāsaparo bhavet
sarvapāpavināśāya śraddhādamasamanvitaḥ | merumandaramātrāghaṃ striyāṃ puṃsā ca yatkṛtam
sarvaṃ tadbhasmatāṃ yāti ekādaśyāḥ prabhāvataḥ | na śaknuvanti ye dātuṃ jaladhenuṃ narādhipa
«Какие экадаши бывают в году — плод их всех он обретает, в том у меня нет сомнения. Так сказал мне Кешава, держащий раковину, диск и палицу: „Оставив всё, пусть человек придёт в прибежище ко мне одному; кто в одиннадцатый день без пищи, тот освобождается от греха“. В Кали нет чистоты вещей, ни обряда смарты, ни ведического — откуда им взяться в наступивший дурной век? К чему тебе много слов, о сын Ваю, повторяемых снова и снова: в одиннадцатый день не должно есть ни в одну из половин. А в одиннадцатый день светлой половины в месяце джьештха — без воды. Какой благой плод при этом обретают, слушай, о Волчьечревый: все экадаши года, светлые и тёмные, станут соблюдёнными постом. Благая, дающая богатство и зерно, сыновей, здоровье и благо, — соблюдённая, о тигр среди людей, истину говорю тебе. Слуги Ямы, огромные телом, страшные, чёрные обликом, свирепые, с жезлом и петлёю, вовсе не подступают к нему; в жёлтых одеждах, благие, с диском в руке, быстрые как мысль, в смертный час уводят вайшнавов в вайшнавский город. Потому со всем усердием — постом без воды, и, дав тогда водяную корову, человек освобождается от всех грехов. Итак, о сын Кунти, постясь в этот день, соверши почитание Хари со всем усердием, ради утишения всех грехов. „Ни во сне нет у меня проступка, ни даже застрявшим в зубах; вкушу я на следующий день, о владыка богов, пищу от дня Хари“ — произнеся эту мантру, пусть станет преданным посту, ради уничтожения всех грехов, наделённый верою и самообузданием. Зло величиною с Меру и Мандару, совершённое мужчиною и женщиной, всё обращается в пепел силою этой экадаши. Те же, кто не может дать водяную корову, о владыка людей…»
a224ea4fa547 · publicado 3 sept 2026, 4:13:54 UTC
Disponible enRUPasa de verso en verso con
Один день без воды засчитывается за все двадцать четыре поста года — и в этом весь замысел: не отменить обет для слабого, а собрать его в один срок. Оговорка «нет чистоты вещей в Кали» объясняет почему: обряды, требующие безупречного вещества и сроков, стали неисполнимы, и остаётся то, что зависит только от самого человека. И мантра, которой принимается пост, оговаривает даже крошку, застрявшую в зубах.