अनेकधा समाकृष्टो महीपालं रणाङ्गणे । शस्त्रव्रणकिणश्रेणीभूषणं सत्त्वसन्निभम् ॥
एकदा मृगयां खेलन्कुतूहलरसात्मना । तमारुह्य महीपालो वनं प्रति विवेश ह ॥
विसृज्य सैनिकान्पृष्ठे धावतः परितोऽखिलान् । आकृष्यमाणो हरिणैः पिपासाकुलितोऽभवत् ॥
तत उत्तीर्य तुरगाज्जलमन्वेषयन्नृपः । बद्ध्वाश्वं तरुशाखायामारुरोह शिलां नृपः ॥
गीतापञ्चदशाध्यायश्लोकार्धं लिखितं ततः । पातितं मरुता तत्र यत्र खण्डे व्यलोकयत् ॥
पत्रं वाचयतो राज्ञः श्रुत्वा गीताक्षरावलीम् । ततो मुक्तिपदं लेभे तुरगस्त्वरयापतत् ॥
ततो ग्रन्थिं समाच्छिद्य पल्याणमवतार्य च । उत्थाप्यमानस्तुरगो राज्ञा नोत्थितवान्मृतः ॥
ततः सरभभेरुण्डो नृपमाभाष्य सुस्वरम् । दिव्यं विमानमारुह्य जगाम त्रिदशालयम् ॥
anekadhā samākṛṣṭo mahīpālaṃ raṇāṅgaṇe | śastravraṇakiṇaśreṇībhūṣaṇaṃ sattvasannibham ||
ekadā mṛgayāṃ khelankutūhalarasātmanā | tamāruhya mahīpālo vanaṃ prati viveśa ha ||
visṛjya sainikānpṛṣṭhe dhāvataḥ parito'khilān | ākṛṣyamāṇo hariṇaiḥ pipāsākulito'bhavat ||
tata uttīrya turagājjalamanveṣayannṛpaḥ | baddhvāśvaṃ taruśākhāyāmāruroha śilāṃ nṛpaḥ ||
gītāpañcadaśādhyāyaślokārdhaṃ likhitaṃ tataḥ | pātitaṃ marutā tatra yatra khaṇḍe vyalokayat ||
patraṃ vācayato rājñaḥ śrutvā gītākṣarāvalīm | tato muktipadaṃ lebhe turagastvarayāpatat ||
tato granthiṃ samācchidya palyāṇamavatārya ca | utthāpyamānasturago rājñā notthitavānmṛtaḥ ||
tataḥ sarabhabheruṇḍo nṛpamābhāṣya susvaram | divyaṃ vimānamāruhya jagāma tridaśālayam ||
Многократно влёк он царя на поле битвы — украшенный рядами рубцов от ран, подобный самой мощи. Однажды, забавляясь охотою с душою, полной пыла, царь сел на него и въехал в лес; оставив позади всех скачущих вокруг воинов и увлекаемый оленями, он измучился жаждою. Тогда, сойдя с коня и ища воду, царь привязал коня к ветви дерева и взошёл на камень. И там на клочке, принесённом ветром, он увидел написанную половину стиха пятнадцатой главы Гиты. Услышав череду слов Гиты, читаемых царём, конь достиг обители освобождения и стремительно упал. Тогда, разрезав узел и сняв седло, царь стал его поднимать, но конь не встал: он был мёртв. И Сарабхаберунда, сказав царю ясным голосом, взошёл на дивную виману и отправился в обитель богов.
3d0cd237953e · publicado 3 sept 2026, 4:14:03 UTC
Disponible enRUPasa de verso en verso con
Клочок с полустишием принесло ветром — никто его туда не клал. Царь читал вслух для себя, а услышал привязанный конь; и то, чего не дали ни служба, ни битвы, дал случайный листок.