विष्णुशर्मंस्ततो वैश्यः शरभः सह भार्यया । नीत्वा पूजोपकरणं ययौ श्रीचण्डिकालयम्
तत्र तौ विधिवत्स्नात्वा सुमनोधूपदीपकैः । आनर्चतुर्भक्तियुक्तौ चण्डिकां पुत्रकाम्यया
श्रद्धया पूजिता ताभ्यां दिनैः सप्तभिरम्बिका । उवाच वाचा प्रत्यक्षं भूत्वा विशदमानसा
भो भो वैश्य प्रसन्नास्मि भक्त्या सुदृढया तव । ददामि पुत्रं ते साधो यदर्थे यतमानसि
गच्छ त्वं मा विलम्बस्व वनमैन्द्रं च खाण्डवम् । तत्र तीर्थं महापुण्यमिन्द्रप्रस्थाख्यमुत्तमम्
निगमोद्बोधकं तत्र तीर्थं निखिलकामदम् । बृहस्पतिकृतं तत्र स्नाहि त्वं सुतवाञ्छया
भविष्यति सुतस्तात तव स्नानेन तत्र हि । तत्र स्नात्वा मयाप्यङ्ग लब्धः स्कन्दः सुरारिहा
इत्याकर्ण्य वचो देव्याः पिता मम सह स्त्रिया । अत्राजगाम सत्तीर्थे सस्नौ च सुतवाञ्छया
उपस्करवतीर्धेनूर्द्विजेभ्यः प्रददौ शतम् । देवान्पितॄंश्च सन्तर्प्य यथाविध्यत्र बुद्धिमान्
सप्तरात्रमुषित्वा तु दम्पती यतमानसौ । जग्मतुः स्वगृहानिष्टलाभोत्फुल्लमुखाम्बुजौ
तस्मिन्नेवाभवद्गर्भो मासि मातुर्ममान्वहम् । व्यतीते नवमे मासि जातोऽहं दशमे शुभे
विष्णुशर्मन्यदुक्तं ते पुरावृत्तमिदं मया । दशाब्दद्वयमेवैतच्छ्रुतं सर्वं पितुर्मुखात्
viṣṇuśarmaṃstato vaiśyaḥ śarabhaḥ saha bhāryayā | nītvā pūjopakaraṇaṃ yayau śrīcaṇḍikālayam
tatra tau vidhivatsnātvā sumanodhūpadīpakaiḥ | ānarcaturbhaktiyuktau caṇḍikāṃ putrakāmyayā
śraddhayā pūjitā tābhyāṃ dinaiḥ saptabhirambikā | uvāca vācā pratyakṣaṃ bhūtvā viśadamānasā
bho bho vaiśya prasannāsmi bhaktyā sudṛḍhayā tava | dadāmi putraṃ te sādho yadarthe yatamānasi
gaccha tvaṃ mā vilambasva vanamaindraṃ ca khāṇḍavam | tatra tīrthaṃ mahāpuṇyamindraprasthākhyamuttamam
nigamodbodhakaṃ tatra tīrthaṃ nikhilakāmadam | bṛhaspatikṛtaṃ tatra snāhi tvaṃ sutavāñchayā
bhaviṣyati sutastāta tava snānena tatra hi | tatra snātvā mayāpyaṅga labdhaḥ skandaḥ surārihā
ityākarṇya vaco devyāḥ pitā mama saha striyā | atrājagāma sattīrthe sasnau ca sutavāñchayā
upaskaravatīrdhenūrdvijebhyaḥ pradadau śatam | devānpitṝṃśca santarpya yathāvidhyatra buddhimān
saptarātramuṣitvā tu dampatī yatamānasau | jagmatuḥ svagṛhāniṣṭalābhotphullamukhāmbujau
tasminnevābhavadgarbho māsi māturmamānvaham | vyatīte navame māsi jāto'haṃ daśame śubhe
viṣṇuśarmanyaduktaṃ te purāvṛttamidaṃ mayā | daśābdadvayamevaitacchrutaṃ sarvaṃ piturmukhāt
Затем, о Вишнушарман, вайшья Шарабха вместе с женою, взяв утварь для почитания, пошёл в храм Шри Чандики. Там оба, омывшись по правилу, почтили Чандику цветами, курением и светильниками, исполненные преданности, с желанием сына. Почтённая ими с верою за семь дней, Амбика с ясным сердцем явилась воочию и сказала: «О вайшья, я довольна твоею весьма твёрдою преданностью; дам тебе сына, о садху, ради которого ты усердствуешь. Иди же, не медли, в лес Индры — Кхандаву; там есть весьма святая, превосходная тиртха, зовущаяся Индрапрастхой. Там тиртха Нигамодбодхака, дающая все желания, сотворённая Брихаспати; в ней омойся, желая сына. И будет у тебя сын, отец, от омовения там: ведь и мною, омывшейся там, обретён Сканда, губитель врагов богов». Услышав это слово богини, отец мой вместе с женою пришёл сюда, в благую тиртху, и омылся, желая сына. Сто коров с утварью раздал он брахманам и, по правилу насытив богов и предков, разумный, прожил здесь семь ночей; и супруги с обузданным умом ушли домой с лотосами лиц, расцветшими от обретения желанного. В тот же месяц у матери моей случилась беременность; по прошествии девятого месяца я родился в благой десятый. О Вишнушарман, всё это прежнее происшествие, рассказанное мною тебе, услышано мною из уст отца, когда мне было двадцать лет.
c3cac0a24fec · publicado 3 sept 2026, 4:14:04 UTC
Disponible enRUPasa de verso en verso con
Богиня не оставляет просителя у себя, а отсылает его к воде, где сама обрела сына, — власть здесь передаётся дальше, а не удерживается. И рассказчик сразу оговаривает источник: не своё воспоминание, а слова отца, услышанные в двадцать лет.