सप्तधा तु कृते गर्भे दितिः परमदुःखिता । सहस्राक्षं दुराधर्षं वाक्यं सानुनयाब्रवीत् ॥
ममापराधाद् गर्भो ऽयं सप्तधा विफलीकृतः । नापराधो ऽस्ति देवेश तवात्र बलसूदन ॥
प्रियं तु कृतम् इच्छामि मम गर्भविपर्यये । मरुतां सप्तं सप्तानां स्थानपाला भवन्त्व् इमे ॥
वातस्कन्धा इमे सप्त चरन्तु दिवि पुत्रकाः । मारुता इति विख्याता दिव्यरूपा ममात्मजाः ॥
ब्रह्मलोकं चरत्व् एक इन्द्रलोकं तथापरः । दिवि वायुर् इति ख्यातस् तृतीयो ऽपि महायशाः ॥
चत्वारस् तु सुरश्रेष्ठ दिशो वै तव शासनात् । संचरिष्यन्ति भद्रं ते देवभूता ममात्मजाः । त्वत्कृतेनैव नाम्ना च मारुता इति विश्रुताः ॥
तस्यास् तद्वचनं श्रुत्वा सहस्राक्षः पुरंदरः । उवाच प्राञ्जलिर् वाक्यं दितिं बलनिषूदनः ॥
सर्वम् एतद् यथोक्तं ते भविष्यति न संशयः । विचरिष्यन्ति भद्रं ते देवभूतास् तवात्मजाः ॥
saptadhā tu kṛte garbhe ditiḥ paramaduḥkhitā | sahasrākṣaṃ durādharṣaṃ vākyaṃ sānunayābravīt ||
mamāparādhād garbho 'yaṃ saptadhā viphalīkṛtaḥ | nāparādho 'sti deveśa tavātra balasūdana ||
priyaṃ tu kṛtam icchāmi mama garbhaviparyaye | marutāṃ saptaṃ saptānāṃ sthānapālā bhavantv ime ||
vātaskandhā ime sapta carantu divi putrakāḥ | mārutā iti vikhyātā divyarūpā mamātmajāḥ ||
brahmalokaṃ caratv eka indralokaṃ tathāparaḥ | divi vāyur iti khyātas tṛtīyo 'pi mahāyaśāḥ ||
catvāras tu suraśreṣṭha diśo vai tava śāsanāt | saṃcariṣyanti bhadraṃ te devabhūtā mamātmajāḥ | tvatkṛtenaiva nāmnā ca mārutā iti viśrutāḥ ||
tasyās tadvacanaṃ śrutvā sahasrākṣaḥ puraṃdaraḥ | uvāca prāñjalir vākyaṃ ditiṃ balaniṣūdanaḥ ||
sarvam etad yathoktaṃ te bhaviṣyati na saṃśayaḥ | vicariṣyanti bhadraṃ te devabhūtās tavātmajāḥ ||
Когда зародыш был разделён на семь частей, глубоко скорбящая Дити умоляюще сказала неодолимому Тысячеокому: «Этот зародыш стал бесплодным по моей вине. О владыка богов, о сокрушитель Балы, в этом нет твоей вины. Но после такой судьбы моего плода я хочу, чтобы было сделано мне желанное: пусть эти семь групп по семь Марутов станут хранителями своих областей. О сынки, пусть эти семь движутся в небесных путях ветра; мои сыновья божественного облика пусть будут известны как Маруты. Пусть один посещает мир Брахмы, другой — мир Индры, а третий, великославный, пусть будет известен на небе как Ваю. А четверо, о лучший из богов, по твоему повелению будут обходить стороны света. Благо тебе: мои сыновья, ставшие богами, будут прославлены именем Марутов, данным именно тобой». Услышав её слова, Тысячеокий Пурандара, сокрушитель Балы, сложил ладони и сказал Дити: «Всё будет так, как ты сказала, без сомнения. Благо тебе: твои сыновья, ставшие богами, будут странствовать».
73ae03cf5479 · publicado 22 jun 2026, 0:00:00 UTC
Disponible enRUPasa de verso en verso con
Скорбь Дити здесь уже не превращается в проклятие. Она принимает случившееся как следствие собственной ошибки и просит не мести, а места для своих сыновей в космическом порядке. Так разрушенный плод становится множеством божественных сил: гнев и страх не исчезают бесследно, но по милости и согласию обретают служение в устройстве мира.