तपोबलहतान् कृत्वा वासिष्ठान् समहोदयान् । ऋषिमध्ये महातेजा विश्वामित्रो ऽभ्यभाषत ॥
अयम् इक्ष्वाकुदायादस् त्रिशङ्कुर् इति विश्रुतः । धर्मिष्ठश् च वदान्यश् च मां चैव शरणं गतः । स्वेनानेन शरीरेण देवलोकजिगीषया ॥
यथायं स्वशरीरेण देवलोकं गमिष्यति । तथा प्रवर्त्यतां यज्ञो भवद्भिश् च मया सह ॥
विश्वामित्रवचः श्रुत्वा सर्व एव महर्षयः । ऊचुः समेत्य सहिता धर्मज्ञा धर्मसंहितम् ॥
अयं कुशिकदायादो मुनिः परमकोपनः । यद् आह वचनं सम्यग् एतत् कार्यं न संशयः ॥
अग्निकल्पो हि भगवाञ् शापं दास्यति रोषितः । तस्मात् प्रवर्त्यतां यज्ञः सशरीरो यथा दिवम् । गच्छेद् इक्ष्वाकुदायादो विश्वामित्रस्य तेजसा ॥
ततः प्रवर्त्यतां यज्ञः सर्वे समधितिष्ठते ॥
एवम् उक्त्वा महर्षयः संजह्रुस् ताः क्रियास् तदा । याजकाश् च महातेजा विश्वामित्रो ऽभवत् क्रतौ ॥
ऋत्विजश् चानुपूर्व्येण मन्त्रवन् मन्त्रकोविदाः । चक्रुः सर्वाणि कर्माणि यथाकल्पं यथाविधि ॥
ततः कालेन महता विश्वामित्रो महातपाः । चकारावाहनं तत्र भागार्थं सर्वदेवताः ॥
tapobalahatān kṛtvā vāsiṣṭhān samahodayān | ṛṣimadhye mahātejā viśvāmitro 'bhyabhāṣata ||
ayam ikṣvākudāyādas triśaṅkur iti viśrutaḥ | dharmiṣṭhaś ca vadānyaś ca māṃ caiva śaraṇaṃ gataḥ | svenānena śarīreṇa devalokajigīṣayā ||
yathāyaṃ svaśarīreṇa devalokaṃ gamiṣyati | tathā pravartyatāṃ yajño bhavadbhiś ca mayā saha ||
viśvāmitravacaḥ śrutvā sarva eva maharṣayaḥ | ūcuḥ sametya sahitā dharmajñā dharmasaṃhitam ||
ayaṃ kuśikadāyādo muniḥ paramakopanaḥ | yad āha vacanaṃ samyag etat kāryaṃ na saṃśayaḥ ||
agnikalpo hi bhagavāñ śāpaṃ dāsyati roṣitaḥ | tasmāt pravartyatāṃ yajñaḥ saśarīro yathā divam | gacched ikṣvākudāyādo viśvāmitrasya tejasā ||
tataḥ pravartyatāṃ yajñaḥ sarve samadhitiṣṭhate ||
evam uktvā maharṣayaḥ saṃjahrus tāḥ kriyās tadā | yājakāś ca mahātejā viśvāmitro 'bhavat kratau ||
ṛtvijaś cānupūrvyeṇa mantravan mantrakovidāḥ | cakruḥ sarvāṇi karmāṇi yathākalpaṃ yathāvidhi ||
tataḥ kālena mahatā viśvāmitro mahātapāḥ | cakārāvāhanaṃ tatra bhāgārthaṃ sarvadevatāḥ ||
Поразив силой тапаса сыновей Васиштхи вместе с Маходаей, великосияющий Вишвамитра обратился среди риши: «Этот потомок Икшваку, известный как Тришанку, весьма праведен и щедр. Он пришёл ко мне как к прибежищу, желая достичь мира богов в этом самом теле. Поэтому вместе со мной устройте жертвоприношение так, чтобы он с собственным телом достиг небесного мира». Услышав речь Вишвамитры, все великие риши, знающие дхарму, собрались и сказали праведное слово: «Этот потомок Кушики — крайне гневливый муни. То, что он сказал, должно быть сделано, без сомнения. Почтенный подобен огню: если разгневается, произнесёт проклятие. Поэтому пусть будет начата жертва, чтобы потомок Икшваку силой Вишвамитры телесно достиг неба. Пусть жертва начнётся; все приступайте». Сказав так, великие риши тогда приготовили обряды, а великосияющий Вишвамитра стал главным жрецом на жертвоприношении. Ритвики, знатоки мантр, по порядку совершали все действия с мантрами, согласно калпе и предписанию. Затем, спустя долгое время, великий подвижник Вишвамитра совершил там призывание всех богов ради их жертвенной доли.
8c0ff4707b9e · publicado 22 jun 2026, 0:00:00 UTC
Disponible enRUPasa de verso en verso con
Риши соглашаются не столько из радости, сколько из понимания силы и гнева Вишвамитры. Так жертва Тришанку начинается в напряжённом поле: сострадание, страх проклятия и желание нарушить обычный небесный порядок сходятся в одном обряде.