तम् उक्तवन्तं वैदेहं विश्वामित्रो महामुनिः । उवाच वचनं वीरं वसिष्ठसहितो नृपम् ॥
अचिन्त्यान्य् अप्रमेयानि कुलानि नरपुंगव । इक्ष्वाकूणां विदेहानां नैषां तुल्यो ऽस्ति कश् चन ॥
सदृशो धर्मसंबन्धः सदृशो रूपसंपदा । रामलक्ष्मणयो राजन् सीता चोर्मिलया सह ॥
वक्तव्यं न नरश्रेष्ठ श्रूयतां वचनं मम ॥
भ्राता यवीयान् धर्मज्ञ एष राजा कुशध्वजः । अस्य धर्मात्मनो राजन् रूपेणाप्रतिमं भुवि । सुता द्वयं नरश्रेष्ठ पत्न्यर्थं वरयामहे ॥
भरतस्य कुमारस्य शत्रुघ्नस्य च धीमतः । वरयेम सुते राजंस् तयोर् अर्थे महात्मनोः ॥
पुत्रा दशरथस्येमे रूपयौवनशालिनः । लोकपालोपमाः सर्वे देवतुल्यपराक्रमाः ॥
उभयोर् अपि राजेन्द्र संबन्धेनानुबध्यताम् । इक्ष्वाकुकुलम् अव्यग्रं भवतः पुण्यकर्मणः ॥
tam uktavantaṃ vaidehaṃ viśvāmitro mahāmuniḥ | uvāca vacanaṃ vīraṃ vasiṣṭhasahito nṛpam ||
acintyāny aprameyāni kulāni narapuṃgava | ikṣvākūṇāṃ videhānāṃ naiṣāṃ tulyo 'sti kaś cana ||
sadṛśo dharmasaṃbandhaḥ sadṛśo rūpasaṃpadā | rāmalakṣmaṇayo rājan sītā cormilayā saha ||
vaktavyaṃ na naraśreṣṭha śrūyatāṃ vacanaṃ mama ||
bhrātā yavīyān dharmajña eṣa rājā kuśadhvajaḥ | asya dharmātmano rājan rūpeṇāpratimaṃ bhuvi | sutā dvayaṃ naraśreṣṭha patnyarthaṃ varayāmahe ||
bharatasya kumārasya śatrughnasya ca dhīmataḥ | varayema sute rājaṃs tayor arthe mahātmanoḥ ||
putrā daśarathasyeme rūpayauvanaśālinaḥ | lokapālopamāḥ sarve devatulyaparākramāḥ ||
ubhayor api rājendra saṃbandhenānubadhyatām | ikṣvākukulam avyagraṃ bhavataḥ puṇyakarmaṇaḥ ||
Когда Вайдеха сказал это, великий муни Вишвамитра вместе с Васиштхой обратился к доблестному царю: «О лучший из людей, роды Икшваку и Видехов непостижимы и неизмеримы; нет никого, кто был бы им равен. О царь, союз в дхарме соответствует Раме и Лакшмане, а Сита вместе с Урмилой соответствует им красотой. Но, о лучший из людей, следует сказать ещё: выслушай моё слово. Вот твой младший брат, знаток дхармы, царь Кушадхваджа. У этого праведнодушного, о царь, есть две дочери, несравненные красотой на земле. О лучший из людей, мы просим их в супруги для царевича Бхараты и разумного Шатругхны; о царь, мы просим этих дочерей ради двух великодушных братьев. Эти сыновья Дашаратхи наделены красотой и юностью; все они подобны хранителям мира и равны богам в доблести. О царь царей, пусть род Икшваку будет связан родством с обоими домами твоего благодетельного рода».
dd911f510e54 · publicado 22 jun 2026, 0:00:00 UTC
Disponible enRUPasa de verso en verso con
Вишвамитра расширяет союз: брак Рамы и Ситы должен стать гармонией двух родов в четырёх парах. Здесь дхарма проявляется как полнота связи, где каждый брат получает достойную супругу, а оба дома соединяются без остатка.