कुब्जे त्वां नाभिजानामि श्रेष्ठां श्रेष्ठाभिधायिनीम् । पृथिव्याम् असि कुब्जानाम् उत्तमा बुद्धिनिश्चये ॥
त्वम् एव तु ममार्थेषु नित्ययुक्ता हितैषिणी । नाहं समवबुध्येयं कुब्जे राज्ञश् चिकीर्षितम् ॥
सन्ति दुःसंस्थिताः कुब्जा वक्राः परमपापिकाः । त्वं पद्मम् इव वातेन संनता प्रियदर्शना ॥
उरस् ते ऽभिनिविष्टं वै यावत् स्कन्धात् समुन्नतम् । अधस्ताच् चोदरं शान्तं सुनाभम् इव लज्जितम् ॥
जघनं तव निर्घुष्टं रशनादामशोभितम् । जङ्घे भृशम् उपन्यस्ते पादौ चाप्य् आयताव् उभौ ॥
त्वम् आयताभ्यां सक्थिभ्यां मन्थरे क्षौमवासिनि । अग्रतो मम गच्छन्ती राजहंसीव राजसे ॥
तवेदं स्थगु यद् दीर्घं रथघोणम् इवायतम् । मतयः क्षत्रविद्याश् च मायाश् चात्र वसन्ति ते ॥
अत्र ते प्रतिमोक्ष्यामि मालां कुब्जे हिरण्मयीम् । अभिषिक्ते च भरते राघवे च वनं गते ॥
जात्येन च सुवर्णेन सुनिष्टप्तेन सुन्दरि । लब्धार्था च प्रतीता च लेपयिष्यामि ते स्थगु ॥
मुखे च तिलकं चित्रं जातरूपमयं शुभम् । कारयिष्यामि ते कुब्जे शुभान्य् आभरणानि च ॥
परिधाय शुभे वस्त्रे देवदेव चरिष्यसि । चन्द्रम् आह्वयमानेन मुखेनाप्रतिमानना । गमिष्यसि गतिं मुख्यां गर्वयन्ती द्विषज्जनम् ॥
तवापि कुब्जाः कुब्जायाः सर्वाभरणभूषिताः । पादौ परिचरिष्यन्ति यथैव त्वं सदा मम ॥
kubje tvāṃ nābhijānāmi śreṣṭhāṃ śreṣṭhābhidhāyinīm | pṛthivyām asi kubjānām uttamā buddhiniścaye ||
tvam eva tu mamārtheṣu nityayuktā hitaiṣiṇī | nāhaṃ samavabudhyeyaṃ kubje rājñaś cikīrṣitam ||
santi duḥsaṃsthitāḥ kubjā vakrāḥ paramapāpikāḥ | tvaṃ padmam iva vātena saṃnatā priyadarśanā ||
uras te 'bhiniviṣṭaṃ vai yāvat skandhāt samunnatam | adhastāc codaraṃ śāntaṃ sunābham iva lajjitam ||
jaghanaṃ tava nirghuṣṭaṃ raśanādāmaśobhitam | jaṅghe bhṛśam upanyaste pādau cāpy āyatāv ubhau ||
tvam āyatābhyāṃ sakthibhyāṃ manthare kṣaumavāsini | agrato mama gacchantī rājahaṃsīva rājase ||
tavedaṃ sthagu yad dīrghaṃ rathaghoṇam ivāyatam | matayaḥ kṣatravidyāś ca māyāś cātra vasanti te ||
atra te pratimokṣyāmi mālāṃ kubje hiraṇmayīm | abhiṣikte ca bharate rāghave ca vanaṃ gate ||
jātyena ca suvarṇena suniṣṭaptena sundari | labdhārthā ca pratītā ca lepayiṣyāmi te sthagu ||
mukhe ca tilakaṃ citraṃ jātarūpamayaṃ śubham | kārayiṣyāmi te kubje śubhāny ābharaṇāni ca ||
paridhāya śubhe vastre devadeva cariṣyasi | candram āhvayamānena mukhenāpratimānanā | gamiṣyasi gatiṃ mukhyāṃ garvayantī dviṣajjanam ||
tavāpi kubjāḥ kubjāyāḥ sarvābharaṇabhūṣitāḥ | pādau paricariṣyanti yathaiva tvaṃ sadā mama ||
Кайкейи сказала: «О горбунья, я не знала тебя такой превосходной, говорящей превосходное. На земле ты лучшая среди горбатых в твёрдости ума. Только ты постоянно занята моими делами и желаешь мне блага; без тебя, о горбунья, я не поняла бы намерения царя. Бывают горбатые дурно сложенные, кривые и крайне дурные, но ты, как лотос, склонённый ветром, прекрасна на вид. Твоя грудь высоко выступает к плечам, а ниже живот спокоен, словно с прекрасным стыдливо скрытым пупом. Твои бёдра украшены звенящим поясом, голени крепко поставлены, а обе стопы длинны. О Мантхара, в льняной одежде, когда ты идёшь передо мной длинными бёдрами, ты сияешь, как царственная лебедица. В этом твоём длинном горбе, вытянутом как нос колесницы, живут твои мысли, царские знания и хитрости. Когда Бхарата будет помазан, а Рагхава уйдёт в лес, я надену на этот горб золотое ожерелье. О красавица, достигнув цели и довольная, я умащу твой горб чистым, хорошо очищенным золотом. Я велю сделать тебе прекрасную золотую тилаку на лице и благие украшения. Надев прекрасные одежды, ты будешь ходить как небесная госпожа; с лицом, соперничающим с луной, несравненноликая, ты пойдёшь лучшей походкой, посрамляя гордостью соперниц. И твои горбатые служанки, украшенные всеми украшениями, будут служить твоим стопам так же, как ты всегда служила мне».
3f5bbbdbd5d8 · publicado 22 jun 2026, 0:00:00 UTC
Disponible enRUPasa de verso en verso con
Похвала Кайкейи grotesque и трагична: она восхваляет деформированное как прекрасное, потому что её собственное восприятие уже деформировано советом Мантхары. Награда обещана за то, что зло было принято как мудрость.