तथोक्ता सा समाश्वस्ता वक्तुकामा तद् अप्रियम् । परिपीडयितुं भूयो भर्तारम् उपचक्रमे ॥
नास्मि विप्रकृता देव केन चिन् न विमानिता । अभिप्रायस् तु मे कश् चित् तम् इच्छामि त्वया कृतम् ॥
प्रतिज्ञां प्रतिजानीष्व यदि त्वं कर्तुम् इच्छसि । अथ तद् व्याहरिष्यामि यद् अभिप्रार्थितं मया ॥
एवम् उक्तस् तया राजा प्रियया स्त्रीवशं गतः । ताम् उवाच महातेजाः कैकेयीम् ईषदुत्स्मितः ॥
अवलिप्ते न जानासि त्वत्तः प्रियतरो मम । मनुजो मनुजव्याघ्राद् रामाद् अन्यो न विद्यते ॥
भद्रे हृदयम् अप्य् एतद् अनुमृश्श्योद्धरस्व मे । एतत् समीक्ष्य कैकेयि ब्रूहि यत् साधु मन्यसे ॥
बलम् आत्मनि पश्यन्ती न मां शङ्कितुम् अर्हसि । करिष्यामि तव प्रीतिं सुकृतेनापि ते शपे ॥
तेन वाक्येन संहृष्टा तम् अभिप्रायम् आत्मनः । व्याजहार महाघोरम् अभ्यागतम् इवान्तकम् ॥
tathoktā sā samāśvastā vaktukāmā tad apriyam | paripīḍayituṃ bhūyo bhartāram upacakrame ||
nāsmi viprakṛtā deva kena cin na vimānitā | abhiprāyas tu me kaś cit tam icchāmi tvayā kṛtam ||
pratijñāṃ pratijānīṣva yadi tvaṃ kartum icchasi | atha tad vyāhariṣyāmi yad abhiprārthitaṃ mayā ||
evam uktas tayā rājā priyayā strīvaśaṃ gataḥ | tām uvāca mahātejāḥ kaikeyīm īṣadutsmitaḥ ||
avalipte na jānāsi tvattaḥ priyataro mama | manujo manujavyāghrād rāmād anyo na vidyate ||
bhadre hṛdayam apy etad anumṛśśyoddharasva me | etat samīkṣya kaikeyi brūhi yat sādhu manyase ||
balam ātmani paśyantī na māṃ śaṅkitum arhasi | kariṣyāmi tava prītiṃ sukṛtenāpi te śape ||
tena vākyena saṃhṛṣṭā tam abhiprāyam ātmanaḥ | vyājahāra mahāghoram abhyāgatam ivāntakam ||
Услышав такие слова, Кайкейи успокоилась и, желая сказать неприятное, снова начала мучить мужа: «О государь, я не оскорблена и никем не унижена. Но у меня есть одно желание, и я хочу, чтобы ты его исполнил. Если ты желаешь исполнить его, сначала дай клятву; тогда я скажу, что мною испрошено». Так сказанный любимой, царь, попавший под власть жены, великосияющий, слегка улыбаясь, сказал Кайкейи: «О гордая, разве ты не знаешь, что нет для меня другого человека дороже тебя, кроме Рамы, тигра среди людей? О благая, обдумав это, можешь даже вынуть моё сердце. Рассмотрев это, Кайкейи, скажи, что считаешь правильным. Видя свою силу, ты не должна подозревать меня. Я исполню то, что тебе приятно; клянусь тебе даже своей заслугой». Обрадованная этими словами, она высказала свой ужасный замысел, словно к нему пришла сама смерть.
8e908a531611 · publicado 22 jun 2026, 0:00:00 UTC
Disponible enRUPasa de verso en verso con
Кайкейи требует не исполнения, а сначала клятвы: она хочет связать Дашаратху словом до того, как откроет смысл просьбы. Царь же сам указывает на единственную границу своей любви к ней — Раму, и именно эта граница будет сейчас атакована.