एतत् तु वचनं श्रुत्वा लक्ष्मणस्य महात्मनः । उवाच रामं कौसल्या रुदन्ती शोकलालसा ॥
भ्रातुस् ते वदतः पुत्र लक्ष्मणस्य श्रुतं त्वया । यद् अत्रानन्तरं तत् त्वं कुरुष्व यदि रोचते ॥
न चाधर्म्यं वचः श्रुत्वा सपत्न्या मम भाषितम् । विहाय शोकसंतप्तां गन्तुम् अर्हसि माम् इतः ॥
धर्मज्ञ यदि धर्मिष्ठो धर्मं चरितुम् इच्छसि । शुश्रूष माम् इहस्थस् त्वं चर धर्मम् अनुत्तमम् ॥
शुश्रूषुर् जननीं पुत्र स्वगृहे नियतो वसन् । परेण तपसा युक्तः काश्यपस् त्रिदिवं गतः ॥
यथैव राजा पूज्यस् ते गौरवेण तथा ह्य् अहम् । त्वां नाहम् अनुजानामि न गन्तव्यम् इतो वनम् ॥
त्वद्वियोगान् न मे कार्यं जीवितेन सुखेन वा । त्वया सह मम श्रेयस् तृणानाम् अपि भक्षणम् ॥
यदि त्वं यास्यसि वनं त्यक्त्वा मां शोकलालसाम् । अहं प्रायम् इहासिष्ये न हि शक्ष्यामि जीवितुम् ॥
ततस् त्वं प्राप्स्यसे पुत्र निरयं लोकविश्रुतम् । ब्रह्महत्याम् इवाधर्मात् समुद्रः सरितां पतिः ॥
etat tu vacanaṃ śrutvā lakṣmaṇasya mahātmanaḥ | uvāca rāmaṃ kausalyā rudantī śokalālasā ||
bhrātus te vadataḥ putra lakṣmaṇasya śrutaṃ tvayā | yad atrānantaraṃ tat tvaṃ kuruṣva yadi rocate ||
na cādharmyaṃ vacaḥ śrutvā sapatnyā mama bhāṣitam | vihāya śokasaṃtaptāṃ gantum arhasi mām itaḥ ||
dharmajña yadi dharmiṣṭho dharmaṃ caritum icchasi | śuśrūṣa mām ihasthas tvaṃ cara dharmam anuttamam ||
śuśrūṣur jananīṃ putra svagṛhe niyato vasan | pareṇa tapasā yuktaḥ kāśyapas tridivaṃ gataḥ ||
yathaiva rājā pūjyas te gauraveṇa tathā hy aham | tvāṃ nāham anujānāmi na gantavyam ito vanam ||
tvadviyogān na me kāryaṃ jīvitena sukhena vā | tvayā saha mama śreyas tṛṇānām api bhakṣaṇam ||
yadi tvaṃ yāsyasi vanaṃ tyaktvā māṃ śokalālasām | ahaṃ prāyam ihāsiṣye na hi śakṣyāmi jīvitum ||
tatas tvaṃ prāpsyase putra nirayaṃ lokaviśrutam | brahmahatyām ivādharmāt samudraḥ saritāṃ patiḥ ||
Услышав слова великодушного Лакшманы, рыдающая Каусалья, изнемогающая от горя, сказала Раме: «О сын, ты слышал, что сказал твой брат Лакшмана. Что теперь следует сделать — сделай, если считаешь это правильным. Но, услышав неправедные слова моей соперницы, ты не должен уходить отсюда, оставив меня, сожжённую горем. О знающий дхарму, если ты действительно хочешь следовать праведности, оставайся здесь и служи мне: так ты исполнишь высшую дхарму. О сын, Кашьяпа, служа матери и сдержанно живя в своём доме, достиг неба через высшую аскезу. Как царь достоин твоего почтения, так же достойна и я. Я не отпускаю тебя; тебе нельзя идти отсюда в лес. В разлуке с тобой мне не нужна ни жизнь, ни счастье. Лучше мне есть даже траву вместе с тобой. Если ты уйдёшь в лес, оставив меня, изнемогающую от горя, я останусь здесь в посте до смерти, потому что жить не смогу. Тогда, сын, ты получишь известный миру ад, как за убийство брахмана, из-за этой неправедности».
80990d6275a2 · publicado 22 jun 2026, 0:00:00 UTC
Disponible enRUPasa de verso en verso con
Каусалья противопоставляет отцовскому приказу материнский долг. Её довод не слаб: служение матери тоже дхарма. Трагедия в том, что Раме предстоит удержать оба долга, не разрушив истину.