पश्चाद् अपि हि दुःखेन मम नैवास्ति जीवितम् । उज्झितायास् त्वया नाथ तदैव मरणं वरम् ॥
इदं हि सहितुं शोकं मुहूर्तम् अपि नोत्सहे । किं पुनर् दशवर्षाणि त्रीणि चैकं च दुःखिता ॥
इति सा शोकसंतप्ता विलप्य करुणं बहु । चुक्रोश पतिम् आयस्ता भृशम् आलिङ्ग्य सस्वरम् ॥
सा विद्धा बहुभिर् वाक्यैर् दिग्धैर् इव गजाङ्गना । चिर संनियतं बाष्पं मुमोचाग्निम् इवारणिः ॥
तस्याः स्फटिकसंकाशं वारि संतापसंभवम् । नेत्राभ्यां परिसुस्राव पङ्कजाभ्याम् इवोदकम् ॥
तां परिष्वज्य बाहुभ्यां विसंज्ञाम् इव दुःखिताम् । उवाच वचनं रामः परिविश्वासयंस् तदा ॥
paścād api hi duḥkhena mama naivāsti jīvitam | ujjhitāyās tvayā nātha tadaiva maraṇaṃ varam ||
idaṃ hi sahituṃ śokaṃ muhūrtam api notsahe | kiṃ punar daśavarṣāṇi trīṇi caikaṃ ca duḥkhitā ||
iti sā śokasaṃtaptā vilapya karuṇaṃ bahu | cukrośa patim āyastā bhṛśam āliṅgya sasvaram ||
sā viddhā bahubhir vākyair digdhair iva gajāṅganā | cira saṃniyataṃ bāṣpaṃ mumocāgnim ivāraṇiḥ ||
tasyāḥ sphaṭikasaṃkāśaṃ vāri saṃtāpasaṃbhavam | netrābhyāṃ parisusrāva paṅkajābhyām ivodakam ||
tāṃ pariṣvajya bāhubhyāṃ visaṃjñām iva duḥkhitām | uvāca vacanaṃ rāmaḥ pariviśvāsayaṃs tadā ||
Сита продолжала: «Даже потом, о господин, для меня не будет жизни в таком горе. Если ты оставишь меня, лучше умереть сразу. Я не способна терпеть это горе даже мгновение, что уж говорить о десяти, трёх и ещё одном годе страдания?» Так она, сожжённая горем, долго и жалобно рыдала, крепко обняла мужа и громко вскрикнула. Пронзённая множеством его слов, словно отравленными стрелами, как слониха, она выпустила давно сдерживаемые слёзы, как дерево арани выпускает огонь. Кристально ясные слёзы, рождённые жаром страдания, потекли из её глаз, как вода из двух лотосов. Тогда Рама обнял её обеими руками, страдающую и словно лишённую чувств, и стал говорить, успокаивая её.
0439452e565e · publicado 22 jun 2026, 0:00:00 UTC
Disponible enRUPasa de verso en verso con
Стих передаёт предел боли Ситы: она больше не спорит отвлечённо, а буквально не может удержать слёзы. Только после этого Рама открыто принимает глубину её решимости.